Əɓuhma 1:2 - Bible en Guidar

² Ndən kim aka əhəma: Sin aran zletzleti. Ɗak tat nawɓətgən səret gəreŋgiɗin ɓa. Beyneŋgiɗin pak appanənka, kpaŋgaŋ məzuzelɗe nani.

Əɓuhma 1:2 ပူးပေါင်းရင်းမြစ်များ

Ɗerewel na Yob 6:15

Va məlpa məklakani, vas milmiŋgiɗu azəmguwən sahã, tahəŋ va lolohẽɗ məs dəkkpa'aŋgə.

Ɗerewel na Yob 7:3

Vaski ərah nawa: təlaɗe addəv tatwãh, də dəfəɗ zlaŋ tatwãh dəppaw ɓa.

Gəlyaɗe 126:5

Məzəzlgaŋ dit sin areti wakkalanən də wənneke!

Gəlyaɗe 31:11

Zeŋgilew tay əgrak addəv əssa ngulummo, əzvaɗe naw addəv əŋɗəsa. Vi mambray nəgəɗi yi, əɓap naw tay əddak sən heslepe nawa sleŋsleŋɗe naw tay iyyumoŋgə.

Gəlyaɗe 6:6

Vi ɗəf tay səret mimtit naɗɗumok ɓa. Naway nawɗi kiyuk sə təki nanziya net ɗiy mimtit di?

Gəlyaɗe 69:21

Wəra assanək makrawa, ayawka; nəɗɗumuk nawrəh əbbah kəta, ya sam ɗarə; nərah ɗiy nazzayan su makraw ɓa.

Wənməkkpaŋga 19:7

Milmiŋgiɗ məssãhã pak əzelnəni, beyneŋgiɗin dayday əzaraŋ səzani. Wayə əpele, ya arah na səmmbet ɓa.

Yeremiya 13:17

An kəprəmən əzga'əs ɓa, wanəhəm mahaɗama sən əkaɓ nokum, wanəmet sini, haraw wasan zletzlet dit sini, vi məkani gazlaŋ na Yawe aka balamə.

Yeremiya 2:25

Asla zuko, vas ɓa na wakəsok mədaw tuluk mekeleŋ ma wulok waŋkəl sit meme! Yaŋ kəzlan na: Agəɗ na ɓa, vi nəŋgluwik meŋgilveɗ melekeɗi, wanənzaw ammbeti.

Yeremiya 3:1

Yawe aɗiyman na: An ɗəf appatək guluk nani yas təgili təkkpaŋ ga ɗəf mbərni, wamsak əgəmət ka gon əmpa sa? As waraygən dələv tipi. Mbaraka nok na, kəgəɗək əku dit gəreŋgiɗuk diyɗa, kawmilyok anawda sa?

Yeremiya 30:14

Ɗiy en dəŋglukun pak azgətaŋgək kiyko, tay dədaɗɗum akok ɓa; vi nəvərkuk va kəɓəs na məzuzeluk nani, nərgukuk gədakə vi heslepe nok metiŋgini mambray nok adayka.

Yeremiya 4:30

Ya is məzoko, mi kədaɗɗa də ugul lukut pepreŋge, may əbay gawla də zəga na meleŋge, may əveren horok də ənɗerin di? Ɗari kədakkpaŋgan zuk lewi. Greŋgiɗuk tay əzelkuni, met aka əmta nok kpakə.

Yeremiya 9:1

Nawvay gəla a kapta-muyã va təki naffet net mədawaŋ malaka na! Kəta wanəppet ɗiy nawa wanəmbat faraɗa səzeti. Vi ɗiy məkuwaŋ a gizbeŋ baymeti ɗiy mbəreytiŋ.

Əɓuhma 1:19

Niyek ɗiy en dəŋgəlwəni, ya ambəɗawənka. Məsdəlveŋge dit ɗiy məsɓet naw amtaŋgək a walaŋgəla-metiŋ, aka adawkayaŋ zəga nawzəm net dəmbəlaŋgəni.

Əɓuhma 1:21

Aprəm wənək əŋɗəsa: Ɗəf tay nawɓətgu ɓa. Məzuzelɗe naw pak aprəmənək əzəmsahã nawa. Annekeninək ziti vi istə kəɗɗa. Kəgapgənək pay məs kəɗi ka dəssoŋgən va ina.

Əɓuhma 1:9

Ərnok tay aza gabba lukut nani aɗɗumon an nazzan abe ɓa. Əzbər nan agəɗək va na sekene, məzəbbah sən tay ɓa. Yawe awla əzəmsahã nawa; awla va məzuzel naw adawɓaya.

Əɓuhma 2:11

Haraw pəreŋ sən əhəma, zəga van aɓlawka, makraw tay əziw a gəlan ɓa sən əray məs dərih ɗiy nawəŋka. Vi kirin memeɗeŋɗe dit en namet bide pak tay əmtaŋ a walaŋgəla-metiŋ.

Ezekiyel 16:37

Vini, in yakəŋ əkkelet gəreŋgiɗuk pak məs kəppan mayũk aketi, en kəŋgəl pakə sap azet en kəzel pakə; wanəkkelet akok sə təki pakə, wanərban sit gobbok mekeleŋ; wawlanən zuk dandawayə.

Hose'a 2:7

Vi met təkuwək a gizbe, akən təɗi daway net tərbək wili Vi tənah na: «Wanəzbet gəreŋgiɗwa, məzuvayaŋ way dit iŋkile, zeŋze də helege na ngərayã, may mẽl dit zəgeɗ nawsa nawa.»

Mika 7:5

Kədawtafən əpel net beyneŋgiɗkum ɓa. Kədarban geŋɗetuk sən baynok an va gərok ɓa. Dəsan sət ɗak nok zlaŋ ataɗ moko.

Hənhən 17:13

Beymet pak əɗɗum net takay, əsapan əɓap net gəm gagadak net ammba əgəɗ sən wəza sən zəga mamayã naka.

Hənhən 17:16

Moho kəlaw məs kuwəl neki gəm zəga mamayã nak pak wazeltən guluk məkuh a gizbe nakə. Wandanən zəga nat pakə, wappatən zət mekeleŋ, wazəmən slu zəta, wazlətən də offo.