2Piyer 2:1 - Bible en Guidar

¹ Va məskəleŋɗe məwaŋ tepelke azzoŋ aweleŋgit ɗiy lahəŋka, vaski yi'e mərbaŋ wən na tepelke adazzoŋ a waloŋkum. Wakiyaŋ zəga narba na tepelke məs nawkan a təki nawza, wazelenən Daya məs dəkõhgiti, vi vaski əza warihe.

Nouveau Testament en Guidar

¹ Va məs kleŋɗe muwaŋ tepelke azoŋ aweleŋgit ɗii lahəŋka, vaski bo mərbaŋ wənna tepelke adazoŋ awaloŋkum. Wakiyaŋ zəga narba na tepelke məs nawkan atəki nawza, wazelenən Ɗəfdaya an məs dəkoh giti, vi vaski wəzza warihe.

Bible en Guidar

¹ Va məskəleŋɗe məwaŋ tepelke azzoŋ aweleŋgit ɗiy lahəŋka, vaski yi'e mərbaŋ wən na tepelke adazzoŋ a waloŋkum. Wakiyaŋ zəga narba na tepelke məs nawkan a təki nawza, wazelenən Daya məs dəkõhgiti, vi vaski əza warihe.

2Piyer 2:1 ပူးပေါင်းရင်းမြစ်များ

1Milyeŋge 22:6

Məlĩ na Israyel akkelet məskəleŋɗe waɗɗaŋ səkat poɗo, aɓsit na: «Nəmbat əgay də Ramot na Galad sa, awaniɓa nəbewi?» Aɓɗaŋ na: «Doko! Yawe wapsuk avoko məlyã.»

Əgilye 15:16

Geslne metiŋgin də ezlezle adek aketi. Vi gagdak na vokiy assoŋ sləɓək va gərmeŋge, hã gap ɗiy nok mbataŋgə Yawe, gap ɗiy nammbok mbataŋgə.

Isaya 9:15

Ɗiy məzədawgitin azetinike, ɗiy en adadawgitin azaŋka.

Yeremiya 29:21

Vaŋki Yawe Məzuɓappak Maŋgəlva na Israyel anahə aka wən na Akab wətən Kolaya gəm aka wən na Sedekiya wətən Maseya, ndəɗaŋ məzəɗɗaŋ sukumən kəleŋ də uwawən də iya nawa: Inyakəŋ əppet ammba va Nabukodonozor məlĩ na Babilon wabey ama horokum.

Yeremiya 37:19

Ya ngahəŋ məskəleŋɗe nokum məs dəɗɗaŋ sukumən kəleŋ dawnəh na: Məlĩ na Babilon ade na akokum ɓa may aka dəlvəŋ ɓaŋ di?

Yeremiya 6:13

Vi təŋ səka muzliya hã gap ɗəf metiŋgini, naway pak tay əkayan ərəh kaka. Təŋ səza məskəleŋ gap aza məsdəlva, naway pak tay uwawəna.

Əɓuhma 2:14

Məskəleŋɗe nok tepelke awlaŋ sukuni gəm wən ɗar loloh lolohu. Dəppasanən heslepe nok kawzaɓan wən nok ɓa. An awlaŋ sukun na, tepelke atawaŋgə, gəm əraka.

Hose'a 9:8

Məzuga na Efrayim na də Maŋgəlva nawi, məskəleŋgi yi, mazzaɗɗe mənslənit aket tiveɗ nan pakə, məwak səni hã səddəv gəla na Maŋgəlva nani.

Mika 2:11

An ɗəf azbanək səmyã armak uwawəna, anahək na wanəgəɗ suk kəleŋ ka mbazla gəm ka zəga nawsa məhəsən! Wasan ka məgəɗ kəleŋ net ɗiyiŋki.

Mika 3:11

Ɗiy gugriɗ tay ətawənwən ammba əraha; məsdəlveŋge tahəŋ ərbanən wən ammba ərəha məskəleŋɗe tahəŋ əskaŋ helig vi kawrah koɓeɗi. Də as pak tahəŋ əziw aka Yawe də ənah na: Yawe tay a walaŋgəm ɓa sa? Tatwãh ade na akam ɓa!

Mika 3:5

An Yawe anah aket məskəleŋɗe məzetin ɗiy nan yaŋka: An zəga tay a bereti, ndəɗaŋ ənahaŋ na zazay tayi, ya ndəɗaŋ əɗɗa əgay də ɗəf an dəgul sit zəga a beret ɓa.

Malakiya 3:5

Wanədder azzokum vi kawtaw wəna. Wanəsaw məziwe nawgəm zən əpel aket məɗɗaŋ tetele, aket məkuwa a gizbe, aket əswayɗe na tepelke, aket ɗiy məzutakən hanza na məgəɗ wəza, nat gagəbaya gəm na mitiwe, məzəzəmgənən sahã na molhõyõ gəm en awgeslne'eŋ suwən ɓa, Yawe Məzuɓappak anahə.

Matiye 10:33

Ya an məs dənah abet ɗiy na dəsənu ɓa, naw pak wanənah aba Afu na disiŋ na nəsən ɓa.

Matiye 24:11

Məskəleŋɗe diyɗa məwaŋ wən warbanən ziti, wazetin ɗiy diyɗa.

Matiye 24:24

Vi Kristuɗə məwaŋ wəna gəm məskəleŋɗe məwaŋ wən wazzoŋgu, waɗɗaŋ zəga narba dit sekeneɗ diyɗa vi kawzet ɗiyi, va wagəɗ na ɗiy en məwelit daydayə.

Matiye 24:5

Vi ɗiy diyɗa wazzoŋ də iya naw dawnəh na: Intə Kristu. Wazetin ɗiy diyɗa.

Matiye 7:15

Məzi zukum azet məskəleŋɗe məwaŋ wəna, tahəŋ əzzoŋ azokum va timiŋgiɗi, ya diddivit na kirɗemuyã vorgomohɗiŋ.

Markus 13:22

Vi Kristuɗə məwaŋ wəna gəm məskəleŋɗe məwaŋ wən wazzoŋgu, waɗɗaŋ zəga narba dit sekeneɗ diyɗa vi kawzet ɗiyi, va wagəɗ na ɗiy en məwele na Maŋgəlva daydayə.

Luka 12:9

Ya ɗəf məs dəzelew abet ɗiy na, Wətən Ɗəf tam wazelen abet maslayɗe na Maŋgəlva.

Luka 21:8

Yesu amna: Məsla zukum adawzokumən ɓa. Vi ɗiy diyɗa wazzoŋ də iya naw dawnəh na: Intə Messiya pay agapka. Kədazbetin ɓa.

Luka 6:26

Əray akokum, an ɗiy pak tay əpeleŋ moggon akokum, vi efiŋgiɗit vas anah sitin məskəleŋɗe məwaŋ wəna.

Roma 16:18

Vi zeŋvit ɗiy en veski, wəza na Daya nam Kristu adaɗɗaŋ ɓa na gədivti. Tay əmbəɗetin ɗiy məs dəsənaŋ gabba zəga ɓa də ma neneke gəm də əpel nawmbəɗa.

1Korintus 11:19

Aslək uɗak dəgəɗgən a walaŋkum vaska, vi kawsən ɗiy en nawziweŋ aba əsla vani.

1Korintus 6:20

Vi məmokumi də əfaɗ akokum. Məgagdakan Maŋgəlva kan də gəɓa zukum.

1Korintus 7:23

Məlbəhkumi də əfaɗ akokum. Kədakkpaŋgaŋ belemɗe net ɗiy ɓa.

Galatiyen 2:4

Sən wən net milmiŋgiɗəm mətoŋgoŋwən-gif məwaŋ wəna, məs dətoŋgoŋ aram vi kakkes gabba əssa na kiyəm mərah də Yesu Kristu vi kakkpaŋgamən belemɗe.

Galatiyen 3:13

Kristu abitmək səza mefɗeke na mahenziŋ, adan akkpaŋ zəga na mefɗeke vimə, vi məverni na: Məs məlawən aka wəlaŋga pak məraygəni.

Galatiyen 4:17

Ɗiy meɓɓet tahəŋ əgayaŋ zit soksok vikum, ya vi zay nokumi ɓa met aka uɗakokum də iyna, vi kəzbetingin zukum soksoku.

Galatiyen 5:20

əzban zəgakamaŋgəlva, təfiya, əzele, əgaya, kotoroku, makra, masa, mawanawana, uɗaka,

Efesus 1:7

Addəvni mərah əbit kiyəm dit mbel nani, əvvuy net heslepeɗe, va aza mbəlembəle nan məza man awsla ɓa.

Efesus 4:14

Vi mədawsam va kirin memeɗeŋɗe, məs səmyã adawka də təki aŋgəl pak poŋgolpoŋgol addəv əyak ɓa, məs adasmayamən kawmbəɗam də kuket net kawzam ɓa.

Əmsak aka Mahenziŋ 32:6

Sən Yawe kədaɗɗaŋ vas sa, ɗiy mətemit məza maɗɗulet ɓa? Ndəni afukum məs dəzəməɗkum ɓa sa? Ndəni dəɗikum ka ɗiy nan ɓa sa?

Filipi 3:19

Əgrak net na əzay yi, gədəvti maŋgəlva neti, zəga net willi gagdak neti. Əɗɗum net na aka zəga negge yi.

Kolosi 2:18

Ɗəf adawtaw wən akokum aka wən na əɓegən ki zə ɗəfa gəm wən na əgagdaket maslayɗe ɓa, tay əɗiyən kiyit aka ula məs awlaŋgə, yaŋ adagagdakanən zit də tive na əɗɗum na ɗəfa.

Kolosi 2:8

Məzi zukum ɗəf adawmbəɗokum də zəga nawsən nan diyɗa gəm də zəga narba ɗar mekeleŋ məs dəde səza əɗɗum net ɗiyi, dəziw aka əsən dəde səgge, məza səza Kristu ɓa ɓa.

1Timote 5:8

An ɗəf azga sləma aket ɗiy nan ɓa, sasak en neŋgil ananda, dəɗi kiyən aka ətaf ɓa yi, azganka, dəɗah məs dətaf ɓa kini.

2Timote 4:3

Vi pay wade məs aɓapən na ətaf əyak an salala ɓa, sləmet wahhereti. Ya wakkeletin mərbaŋzəga va aza əŋgla na gəɓa ziti.

Titus 1:11

Amsan meti, tahəŋ əraygitin ɗiy də gəla net pakə, də əɗɗa əyak məs dəslə ɓa vi kawrəh ərəh net wili.

Titus 3:10

Ɗəf məgeyet ɗiy na, asəɓ sən təl sula, an dəprəm ɓa, azar səzani.

Ibriɗe 10:29

Tatwãh metiŋgin awani əmpa aza əɗɗum nokum, məza arəh na ɗəf dəndappan Wətən Maŋgəlva, dərnoket mbel na wənmiyna məs arah ubbur dənɗaŋgə, gəm dəran Əmpəs na mbəlembəle ɓa di?

1Piyer 1:8

Kəŋglunənka məza kulanən ɓa, kulanən yaŋkəŋ ɓa, kətafnənka. Vini kədannekenən zukum də ənnek metiŋgin na sləma,

2Piyer 2:3

Addəv əsim deleɗ neti, wawaŋ sukumən tepelke vi kappətkumənən. Far mətawwən aketi, əza net aliy na ɓa.

1Yohanna 2:26

Zəgeɗ nəver sukuməs na, aka wən net ɗiy məs dədawzokumni.

1Yohanna 4:1

Bayneŋgiɗu na makrawa, kədawtafən əmpəs awandi pak ɓa; mule əmpəsɗe vet lewlewi, kawsənən an səza Maŋgəlva azzoŋgu, vi məskəleŋɗe na uwawən agulyoŋguk diyɗa ammba dəlva.

Zuda 1:18

Vi anah sukumənək na: Aba əgrak na dələv na: Ɗiy wamasaŋ akokum, wazbanən əsim zəga mbərayən neti.

Zuda 1:4

Vi ɗiy meɓɓet tahəŋ dətoŋgoŋ a walaŋkum, məs məver wən nawtaw aket farə, ɗiy mbəreyit məs dədakkpaŋganən mbəlembəle na Maŋgəlva nam azet ka zəga ɗarə, dəppanən mərbəzəga an taka ana Daya nam Yesu Kristu.

Hənhən 13:14

Tay əmbəɗet ɗiy naka dəlvafuŋ pak də tive məs məpsən naɗɗa sekeneɗ ama hara zəga mamayã maddaabəŋ naka. Tay əhheɗet ɗiy dəɗɗaŋgən zeŋgile zəga vi kawgagdakan zəga mamayã məs də vaŋvi na masalam azan dəmbəl naka.

Hənhən 2:13

Nəsənək a təki kəsoko, adaki mazaŋga na məlĩ na Satan asani. Ya kərmak iya nawa, aka pay məbay Antipas miziwe naw an gesiŋgesiŋ a nokumda zlaŋ, a təki Satan asani kəppan ətaf məs kətafu ɓa.

Hənhən 2:9

Nəsənək tatwãh noko gəm sãhã noko, ya məsarya kənani, nəsənək wən mbərayən məs ɗiy məzuɗinən zit va mə Yudeɗ adawpeleŋ akoko, ya mə Yudeɗiŋ ɓa, net ɗiy məzbanən Satan əŋgə.

Hənhən 3:8

Nəsinik wəzaɗe noko. Awle, nəɗiyək metive kollo aboko, məs ɗəf tay nawɓap əmsan ɓa, gbogboŋ siɗikke yi azoko, də as pak kərmak əpel nawa, kəzelen iya naw ɓa.

Hənhən 5:9

Yaŋ adawyaŋ gəlya meleketeni: Istə kəgap nawgəm ɗereweləŋka. Gəm nawhok tampoŋɗe nani, vi mətawni wəloko, kəmetik ɗiy sən Maŋgəlva dit mbel nok səddəv mahəlfa pakə, səddəv ma pakə, də zemvit ɗiy temtem pakə.

Hənhən 6:10

Tay əŋzlaŋ vaŋvəl dayadaya na: Hã dewɗe di, Daya salala an gegesiŋ, kədawtaw wəna gəm kədampəl kiyit mbel nam aket ɗiy naka dəlvafuŋ di?