2Piyer 1:8 - Bible en Guidar

⁸ An zəgeɗis tahəŋ azokum diyɗa, kəssoŋ na məza əɗɗa wəza gəm məza ətər wəray aza əsən Daya nam Yesu Kristu ɓa ɓa.

Nouveau Testament en Guidar

⁸ Aslək kəsoŋ gən də zigeɗis pak azokum. An tahəŋ azokum diiɗa vaska, wakpaŋgokumən kəsokən gən zukum kəmbataŋ gən abe abe də əsən Ɗəfdaya nam Zezu Krestu.

Bible en Guidar

⁸ An zəgeɗis tahəŋ azokum diyɗa, kəssoŋ na məza əɗɗa wəza gəm məza ətər wəray aza əsən Daya nam Yesu Kristu ɓa ɓa.

2Piyer 1:8 ပူးပေါင်းရင်းမြစ်များ

Wənməkkpaŋga 19:15

Tampəl awki sin kpukpumɗe; ya may warma gədəv mətampəla.

Matiye 13:22

An məzlgan addivit gedirgeɗi, ndeni ɗəf an dəprəm əpele, ya əŋgla na zəga negge də wərak na arya wazəmgənən sahã na əpel vani, ndən kpaŋ məza əɗi aran ɓa.

Matiye 20:3

Agilik əmpa də təbəz vaytakə, awlek ɗiy meɓɓeti tahəŋ ziwziw a gəla lumu, də meti.

Matiye 20:6

Agilik də təbəz sle əmpa, arəhik ɗiy meɓɓet tahəŋ ziwziw a gəla lumu də meti. Assohotike vimi kədasɓətaŋ aŋ huruɓ də mokum di?

Matiye 25:26

Daya nan azlani, aɓsən na: Balam mbərayən mətampəla, kəsənək na nawbəl sə təki məs nəzlək ɓa, nakkal zəga sə təki məs nəndol adak ɓa.

Yohanna 15:2

Kivan məs dəsap azaw pak, an awa ɓa, wabəla. Ya kivan məzuwa, wazaɓani vi dəwəgən diyɗa dayki lahəŋka.

Yohanna 17:3

Zeŋgile an faɗə, ndəni dəsənkungən na istə kaka' Maŋgəlva an gesiŋ gəm Yesu Kristu məs kəslənə.

Yohanna 5:42

Nəsənkumko, əŋgla na Maŋgəlva tay a mokrokum ɓa.

Roma 12:11

Də əsok zukum məza tampəl ɓa, də əmpəs nawziw ɓəɓəl, məgəɗ sən wəza sən Daya.

1Korintus 15:58

Vini, milmiŋgiɗu na makrawa, məssoŋ ɓəlɓələ, kədaɓlaŋ ɓa. Məddoŋ abe abe addəv wəza na Daya pay pakə, məsən na əzəm sahã nokum asan na ɗar addəv Daya ɓa.

2Korintus 13:5

Mənokum sən kikum mula, addəv ətaf kənanən sa? Mənokum sən kikum məkosoni. Awaniɓa, nokum kəsənənək na Yesu Kristu tay addəvkum ɓa sa? An tay vas ɓa na, təstəs kənanən ɓa.

2Korintus 8:2

Də məslet dit tatwãhɗe temtem zlaŋ, ənnek net diyɗa də sahã net diyɗaŋ awanək arya na əvəl də makret taka.

2Korintus 8:7

Adan mənokum tat də zəga pak ɗiyɗa diyɗa, ətafa, əsən əpele, əsəna, əsok zukum gəm əŋgla məs məsilgin a walaŋkum na, məssoŋ dayə'e addəv əvəl də makra takaŋka.

2Korintus 9:14

Ya net warbanən əŋgla net də əkkam zit soksok ammbokum vi mbəlembəle məs Maŋgəlva apsukum diyɗaŋka.

Filipi 1:9

Aŋki əkkam nawa, kəta əŋgla nokum dəl abe abe əmpa addəv əsən zəga də əprəm gabba zəga pakə,

Filipi 2:5

Məssoŋ də əɗɗum taka azokum, məs dəde səza Yesu Kristu:

Filipi 3:8

Arbək na, in tat ula zəga pak ɗarə, vi nərahək zəga an na sləma dayə: Əsən Kristu Yesu Daya nawa. Aka batamni nətaf əzgan zəga pakə, in tat ula zəga pak va dagərgiya ɗarə, ka nərahgən Kristu.

Kolosi 1:10

Asna wakəɓap ədawaŋ va Daya aŋgələ, də əkayan an nannek zən addəv wəza moggon nawtərwəraya gəm əɓay addəv əsən Maŋgəlva.

Kolosi 2:7

Məmpa suwerkum gəm məziwgin zeŋgilokum akani, məziw ɓəlɓəl addəv ətaf va aza məs kəyaganəni, məgəɗ soko sən Maŋgəlva.

Kolosi 3:16

Əpel na Kristu dəsan a walaŋkum də ərəh nan pakə, məyagan gəm məbbah sən zukum də maɗɗula. Məyə sən gəlya sən Maŋgəlva də mokrokum, gəlyanalva, gəlya gəm gəlya dəde səza Əmpəsa.

1Tesaloniki 3:12

Kəta Daya dəɓaygəni gəm dənzlərgən əŋgla nokum a awalaŋ zukum də azet ɗiy pakə, vit va əŋgla nam vikum.

1Tesaloniki 4:1

An dəpəl kan na, milmiŋgiɗwa, mənam tat əkkamokum gəm əsɓokum addəv Daya Yesu, va an məs kəprəmaŋ səmam va mbar kədawdawaŋ va an Maŋgəlva aŋgələ di, vas van kədawdawaŋgə, məsok zukum əmbat abe abe.

2Tesaloniki 1:3

Pay pak mənam tat əɗɗa soko sən Maŋgəlva aka wən nokum milmiŋgiɗwa, aslək vaska, vi ətaf nokum tay əɓay sawɓa gəm əŋgla na naway di pak a walaŋ zukum tay əɓaya.

1Timote 5:13

An dəday əmpa na, tay an məs adaɗɗaŋ ɓa, tahəŋ kəŋkəŋ anet ɗiy da, tay an adaɗɗaŋ ɓa yi kaka ɓa, ndəɗaŋ ɗewsən əpele, wən awziw amet ɓa, əpeleŋ an dəslə nawpel ɓa.

Titus 3:14

Ka ɗiy nam tam dəsokəngən zit əyagan əɗɗa wəzeɗe moggeti, vi dəbbahaŋ sitingin ɗiy meɓɓeti an wəray nan tay, adassoŋ məza atəraŋ na ɓa ɓa.

Filemon 1:6

Ka ətaf məs dəsapam də is dətərgən wəraya, kəɓapgən əsən moggon məs dəsan addəvəm vi Kristu.

Ibriɗe 6:12

məza zukum baybay ɓa, məgəm tilit ɗiy en dərahən an Maŋgəlva aynan man sit sən ətafa gəm sən əsok ziti.

2Piyer 1:2

Mbəlembəle gəm zazay dənzləraŋ sukumən də əsən Maŋgəlva gəm Yesu Daya namə.

2Piyer 1:3

Əɓap na Maŋgəlva apsəmək zəga pak vi məsamgən addəv zeŋgile gəm geslne' sən Maŋgəlva də ərban səm məs dəyəm də gagdak nani gəm gbogboŋ nani.

2Piyer 2:20

Vi an ɗiy akõhoŋguk səza mambray naka dələv də əsən Daya nam Məzukõhgəm Yesu Kristu, yaŋ amsakaŋ ətoŋgoŋ addivit zəgeɗ nek əmpa askanən wəleti, əgrak net wasan mbərayən day ki an lahəŋka.

2Piyer 3:18

Məɓay addəv mbəlembəle də əsən Daya nam məkõhgəmə, ndəni Yesu Kristu. Gagdak nani təŋ kakaŋka hã faɗə. Amen.