2Piyer 1:19 - Bible en Guidar

¹⁹ Ya məziwik ɓəlɓəl aka əpel net məskəleŋɗe. Moggon kədaɗɗaŋ də əzga sləma akani, vi tay va lalam məzukasak a təki məs guzli asan hã gap aza ədaŋ təkiya gəm baŋgay naba pummo dəkasakgən a makrokum.

Nouveau Testament en Guidar

¹⁹ Apsəmək sembe nataf wən an məs kleŋɗe apeleŋ. Məgəɗ mogon də wəzi zukum azani vi tay va pitirla məza kasak atəki məs guzli asani, ha gap aza wədaŋ təkiya gəm baŋgay naba pumpum də kasak gən amakrokum.

Bible en Guidar

¹⁹ Ya məziwik ɓəlɓəl aka əpel net məskəleŋɗe. Moggon kədaɗɗaŋ də əzga sləma akani, vi tay va lalam məzukasak a təki məs guzli asan hã gap aza ədaŋ təkiya gəm baŋgay naba pummo dəkasakgən a makrokum.

2Piyer 1:19 ပူးပေါင်းရင်းမြစ်များ

Gəlyaɗe 119:105

Əpel nok lalam iyi ammba təlwa, əkeɗeɗe aka tive nawa.

Wənməkkpaŋga 6:23

Vi əsəɓ na, ndəni lalam; mahenziŋ na, ndəni əkeɗeɗe'e; əzga naddəv əyak na, ndəni tive na zeŋgile,

Isaya 14:12

Mbarmbari is ngərzla na ba pummo kəbət hã sə disiŋ di? Məzgok afuŋ is gurom məzet ɗiyi!

Isaya 41:26

Naway dərban səza wətəŋ nan ka məsəngən di? Naway dənah far ka mənahgən na: Gesiŋgi yi di? Ɗəf tay dərban ɓa, ɗəf tay dənah ɓa, ɗəf tay dəprəm əpel nokum ɓa.

Isaya 8:20

Məzlan sit na: Məprəm mahenziŋ gəm əpel na Maŋgəlva. An kənah sitin vas ɓa, ɗəf tay nawla bapummo səmmbet ɓa.

Isaya 9:2

Kənzlərgitik ɗiyi Daya kəɓaygənək ənnek net metiŋgini. Tahəŋ ənnek abok va ənnek pay na mawala, va adannekeŋ də ənzla vaŋvəl də uɗak zəga mərahən səddəv əgaya.

Matiye 4:16

ɗiy dəssoŋ ara guzliyo awlanənək əkeɗeɗe metiŋgini. Ya en dəssoŋ aka kivadələv addəv guzli na əmta, əkeɗeɗe wakekeɓe aketi.

Yohanna 5:35

Yohanna tay va lalam məsɗani, məzukekeɓe, ya nokum, kəŋglaŋgə ənneken zukum ənziya siɗikke ara əkeɗeɗe nani.

Yohanna 5:39

Munokum tat əkoson Əpel na Maŋgəlva, vi munokum tat əɗɗum nawrəh zeŋgile an faɗə, ya Əpel na Maŋgəlva vanəski məzuwe nawa.

Yohanna 8:12

Yesu apel sitik əmpa, amna: Naw intə əkeɗeɗe na dəlva. Ɗəf dəzbawa, sessel adawna arah guzli ɓa, ya warah əkeɗeɗe na zeŋgile.

Wəza net Masləŋɗe 15:29

Kədawzəmaŋ slu mədan sən tuya ɓa, kədawzəmaŋ mbel ɓa, kədawzəmaŋ zəga mərrəsl wəlan dərrəsl ɓa, kədakuwaŋ a gizbe ɓa. An kəganənək zukum səza zəgas pak na, kəɗɗaŋgək moggoni. Məsoŋ zayə.

Wəza net Masləŋɗe 17:11

Ɗiy na Bereya tahəŋ va ɗiy na Tesaloniki ɓa, atafənək əpel na Maŋgəlva də zit soksoku, pay pak tay əkosonən Ɗerewel na Maŋgəlva. Vi kawsənən na, vaski gesiŋgi sa.

Ibriɗe 2:2

Vi an alabara məs maslayɗe akiyaŋ farəŋ agəɗək gesiŋ gəm an əzlah ki mahenziŋ də əggbak ma pak arahaŋgək ammba veti,

Yakob 2:8

An kəzbanənək mahenziŋ na Maŋgəlva, məs məverin addəv ɗerewel na Maŋgəlva məs dənah na: Aŋglu meggok va kəŋglu ki zuko, asna kəɗɗaŋgək moggoni.

1Piyer 1:10

Əkõh vanəski məskəleŋɗe akayanən gabbani, akosonəni, aɗɗaŋ kəleŋ aka wən na mbəlembəle məɗiyən ammbokum.

1Yohanna 5:10

Ɗəf məs dətaf Wətən Maŋgəlva, tay də an məpel akan vanəs a makrani. Ya ɗəf məs dətaf Maŋgəlva ɓa, nan akkpaŋganək ka məstepelke, vi dətaf əpel an Maŋgəlva apel aka Wətən ɓa.

3Yohanna 1:6

Apelinək wən na əŋgla nok aba əsap net məzutafaŋgə. Wasan moggoni an kəpsitik an wəray net asan azan na malaka net va an dəslə aza Maŋgəlva.

Hənhən 2:28

Va naw van nərah gagdak səza Afuwa, wanəpsən ngərzla naba pumpumo.

Hənhən 22:16

Intə Yesu, nəslənək maslay naw dəpel sukumgən wənəs pakə, azet məkristu pakə. Intə əlfən Davit, intə baŋgay naba pumpum məzuwiɗe.