2Milyeŋge 13:4 - Bible en Guidar

⁴ Vasna, Yohakaz azzayanək makra Yawe, Yawe aprəm sənəka, vi awlak əzəmsahã na Israyel məs məlĩ na Aram adawzəmgəni.

2Milyeŋge 13:4 ပူးပေါင်းရင်းမြစ်များ

Va'Atəŋ 21:17

Maŋgəlva aprəmək wəla wiyna, maslay na Maŋgəlva ayət Hagar sə disiŋ. Apsət na: «Miy dərəhuk di Hagar? Kəgeslne' ɓa, vi Maŋgəlva aprəmək wəla wiyin sə təki asani.

Va'Atəŋ 31:42

Va Maŋgəlva na afu, Maŋgəlva na Abraham məgeslne'gən Isak tay də in ɓa, vaw halay halay kədappaw əmbat kakaŋ kəta. Maŋgəlva awlak əzəmsahã naw də iya na vawa; atawək wən nan na dəfɗəŋka.»

2Milyeŋge 13:22

Pay ənziya na Yohakaz egge, Hazayel, məlĩ na Aram asərək ma Israyel pay pakə.

2Milyeŋge 13:23

Yaŋ Yawe agəɗ sit moggoni, awla sasẽhti, akkpaŋgək azet vi wənmiyna nan də Abraham, də Isak gəm də Yakob; dəŋgəl əzet kakãh ɓa: hã kakaŋka dəzget faraɗa sə maharan ɓa.

2Milyeŋge 14:26

Yaŋ Yawe awla əzəmsahã na Israyel, əɓoŋ nan adayka; balam tay ɓa, ɗəf nakiyən tay ɓa, ya ɗəf nabbah sən Israyel maɓɓan tay ɓa.

2Alabaraɗe Də Mabərkiziti 33:19

Ekkam nani, may mbəlembəle məs arah səza Maŋgəlva, mbərayən nan baymani gəm əkgbakma nani, də təki temtem məs arkə gəleɗe-nettuyeŋge adaka, ampə astera gəm zəgakamaŋgəlva nak na, tak aɓe'gən kiyən na, tahəŋ məverit addivit wəzeɗe na Hozay.

Ezra 8:23

Məgəɗ meme, məssohõn moggon na Maŋgəlva nam aka wən nani, aprəm səməka.

Ɗerewel na Yob 22:27

An kəkkamanək na, waprəmko, an kiynan nawgəɗ səni, aknahani.

Gəlyaɗe 50:15

Ayuwa an tatwãh aruhkuko, wanəkõhguko, wakəgagdakawa.

Gəlyaɗe 78:34

Səza adawbeyti, ndəɗaŋ əkayanəni; ndəɗaŋ əmilyoŋ əkayan Maŋgəlva,

Əgilye 3:7

Yawe amna: «Nulak wəzəmsahã net ɗiy naw a Eziptə, nəprəmək əhəm net ama wərga net məzusərən meti. Vi nəsənək tatwãh neti.

Əgilye 3:9

Ya kakaŋka əhəm net mə Israyelɗe agapuwa, adan nulak tatwãh gagdak mə Eziptiɗ aɗi sitin gəresi,

Isaya 26:16

Addəv əzəmsahã, Yawe, aɗiyənək əɗɗum net akoko; an kəzlotuk bereti ndəɗaŋ əkkamokuni.

Isaya 63:9

Addəv əzəmsahã net pakə, maslən tay aslən aban dəkõhgitgin ɓa, addəv əŋgla nani gəm addəv ulasahã nan abite, ndən dəsleti, adawgit pay pak addivit əvoŋɗe məs dətoŋgoŋ lahəŋka.

Yeremiya 2:27

Tay ənah sən wəlaŋga məzaɓən na: istə afuwa! Gəm sən gərəm na: istə kəwuwa! Istə kəwəmə! Vi doŋgbolit akkpaŋgan suwən ɓa na hereti ɓa. Ya pay na tatwãh net na, ndəɗaŋ ənahaŋ na: Asil akõhgəmə!

Yeremiya 33:3

Ayuwa, wanəzlan suko, wanərbet suk zəgeɗ gugriɗe, zəgeɗ en məɗemit məs kisin ɓa.

Əŋɗa 21:7

Ɗiy azzoŋguk ərəh Moyis də ənah sən na: «Məgəɗək mambəray dawpel mbərayən aka Maŋgəlva may akokuŋka; akkaman Yawe vimə, dəzergitigən dohõɗe sə walaŋmə!» Moyis akkam viyit ɗiyi,

Mətawaŋwəna 10:10

Mə Israyelɗe ahəmaŋgək sən Yawe də ənəh na: «Məgəɗək mambray aboko, vi məppanək Maŋgəlva nam gesiŋ, məzbetik Ba'alɗe.»