2Korintus 6:4 - Bible en Guidar

⁴ Addəv zəga pak mənam tat ərban dərəŋ na, məɗɗaŋ wəza na Maŋgəlva mənan də əɓəs diyɗa addəv tatwãhã, addəv vavyakə, addəv geslne.

Nouveau Testament en Guidar

⁴ Amma adəv ko mi pak mənam tatərban na, nam məɗɗaŋ wəza na Maŋgəlva mənani. Də əɓəsən diiɗayi mədawzlan wən tattuwãh də əzəm saha də bonoy.

Bible en Guidar

⁴ Addəv zəga pak mənam tat ərban dərəŋ na, məɗɗaŋ wəza na Maŋgəlva mənan də əɓəs diyɗa addəv tatwãhã, addəv vavyakə, addəv geslne.

2Korintus 6:4 ပူးပေါင်းရင်းမြစ်များ

Isaya 61:6

Kawyukumi na məsdəlveŋge na Yawe, Kawɗikumi məɗɗaŋ wəza na Maŋgəlva namə; wakəzəmən arya net ɗiy-ɗarə, wakəkaɓaŋ də gagdak neti.

Yo'el 1:9

Əvəla, zəga nawsa, awkiyaŋ addəv gəla na Yawe əmpa ɓa. Məsdəlveŋge tahəŋ a gəlabaya, ndəɗaŋ məɗɗaŋ wəza na Yawe neki.

Yo'el 2:17

Məsdəlveŋge dəhəmaŋ a walaŋgəla nawtoŋ dəddəvən a daŋgla də gəlamatuya, məɗɗaŋ wəza na Yawe dənahaŋ na: «Yawe, awla sasẽhit ɗiy noko; kədappet ɗiy nok aket wil ka ɗiy-ɗar dəmasaŋgən aket ɓa! Vimi adawnahaŋ aret ɗiy na: Aŋgay Maŋgəlva net di di?»

Luka 21:19

Də əsok zukum kədawkõhgənən zeŋgilokum.

Yohanna 16:33

Nənah sukum pak vasna vi kərahaŋgən zazay də əsler də iyna. Wakəssoŋ mokum ɓəɓiɓəɓi aka dəlva, ya məsok zukum, naw nəskak wəla dəlva.

Wəza net Masləŋɗe 2:22

Munokum zel mə Israyelɗe, məprəm əpeləŋka: Yesu mə Nazaret, ɗəf məs Maŋgəlva aslən vikumi yi, də gagdak naɗɗa sekeneɗi, teteleɗe gəm zəgeɗ narba məs Maŋgəlva agəɗ dəndən a walaŋkum va kəsənnən sən kikum.

Wəza net Masləŋɗe 20:34

Munokum sən kiykum kəsənənka nəgəɗək wəza də vaw nawtər su wəray nawa də nawtər wəray net en dəssoŋ də iyna.

Wəza net Masləŋɗe 9:16

Vi naw wanərbet sin zəgeɗ məs adawzəm sahã aket vi iya naw pakə.

Roma 14:18

Vi ɗəf məs dəgəɗ sən wəza sən Kristu addəv as pak na, tay lew aza Maŋgəlva, ɗiy wannekeŋ dəndəni.

Roma 16:10

Məsɗan Apelles, dərban təstəs nan addəv Kristu, məsɗet ɗiy neŋgil ana Aristobulus da.

Roma 3:5

Ya an mambray nam tay ərban təstəs na Maŋgəlva, mbar mədawnah di? Maŋgəlva təstəsi ɓa an appanək ədagədəv nan akam sa? Ɗəf ɗəf nədawpele.

Roma 5:8

Ya vaŋki Maŋgəlva arban əŋgla nan azamə, aka məsam məs mambrayɗe, Kristu amtək vimə.

1Korintus 3:5

Naway Apollos di? Naway Pol di? Məɗɗaŋ wəza məs kərah ətafaŋ sə kəlazetiŋ, naway pak va aza an Daya apsən sə walaŋti.

1Korintus 4:1

Muləm va məɗɗaŋ wəza na Kristu, va ɗiy məs məppan sit wən məɗama na Maŋgəlva aveti.

1Korintus 9:11

An məzlgəsukumək zəgeɗ na əmpəsa, ərəh zəga səvokum na metiŋgini day sa?

2Korintus 11:23

Məɗɗaŋ wəza na Kristu wəŋ sa? Anəpel va na dərwa: In dayə. Addəv əya, in dayə; əssa a fərsəna, in dayə; ərəh ərga, in day pelepele. Addəv mandara namta, naw təl ɓaɓayə.

2Korintus 11:27

addəv wəza gəm addəv iya, haraw ɗozloŋgo pay pakə; addəv mãy dit meme, əɗɗa meme pay pakə; addəv əda na səmyã gəm əssa zə ɗəf mekeleŋ,

2Korintus 11:9

Ya aka nəsaw anokumda na, də wərayu asan zlaŋ, ɗəf tay nəyan ɓa. Vi an dəkkpap su pak milmiŋgiɗu dəzzoŋ sə Makedoniya aknahanənka, ya addəv zəga pak in sən kiyu nəsaw sukum va zəga nawsla akokum ɓa. Nəgak zuwa, wanəga zuwa.

2Korintus 12:10

Vini, nədannek də əddak temtemi, də əra, də vavyakə, də əsərma temtemi gəm əzəmsahã temtem vi wən na Kristu. Vi pay məs nəsaw məddakwa, daski nədawsaw də əɓapa.

2Korintus 12:12

Wəzeɗe narban na maslən nanəŋ arbaŋgək a walaŋkum də əɓəs naw gərakə, nəgəɗək zəgeɗ narba naggət aketi, gagdakɗe'e gəm sekeneɗi.

2Korintus 2:17

Vi mənam tat va ɗiy diyɗa məmanən əpel na Maŋgəlva va zəga naɗɗa terere ɓa. Vi gegesiŋgi, səza Maŋgəlva, aba Maŋgəlva gəm addəv Kristu mədawpele.

2Korintus 3:6

Ndəni dəɗɗəm nawɓap əsam məɗɗaŋ wəza na wənmiyna meleketeni, məza səza an məverin dəveri ɓa, səza Əmpəsi, vi an məverin awbay ɗəfa, Əmpəs tam apsən zeŋgile sən ɗəfa.

2Korintus 4:17

Vi əzəm nam kakaŋkəŋ kafkafi aza teɓelteɓel na gagdak an faɗ məs adawzaɓan səmə.

2Korintus 4:2

Məmpetik zəgeɗ naɗɗa mahaɗamma narba wili. Mawdaw addəv vurum mãy əkkpaŋgan əpel na Maŋgəlva ɓa. Ya də gegesiŋ məs dədarba mədazga' sit ɗiy pak aba Maŋgəlva.

2Korintus 4:8

Məsərni mam va nawsərən pakə, də as zlaŋ məzə ɓa. Məsukuk mamə, ya məsam məza ərəh tive nawgilye ɓa ɓa.

2Korintus 7:11

Mula zəga an əssahan zə ɗəf va Maŋgəlva aŋgəl agəɗ azokum: Va wəza an agəɗ azokum kəsokən zukum, əvvuyon mambraya, zukum tay nek də mbərayən ɓa, geslne, əŋgla vakvakə, kotoroku, əzga'a! Addəv zəga pak mənokum zək nokum kərbanənək na saksak kənanaŋgə.

Kolosi 1:11

Kəssoŋgən də əɓap addəv zəga pak va aza əɓap na gagdak nani, vi kəmpanəngən təlkum əɓəsən də ənneke,

Kolosi 1:24

Kakaŋ in tat ənnek addəv tatwãh naw vikum, in tat əknahan tatwãh na Kristu an dəpəl addəv gəɓa zuwa ammba gəɓa zəni, ana əsap net məzutafaŋgə,

1Tesaloniki 3:7

Sən ətaf nokum milmiŋgiɗwa, mərahək gbogboŋ a makram addəv tatwãh namə də əzəmsahã nam pakə.

1Tesaloniki 5:14

Mənam tat əkkamokum milmiŋgiɗwa, məhayet mətampəlɗe, məsəɓ sit ɗiy məs makret məmtəni, məbbah sit ɗiy məddekti, məɓəs wən net ɗiy pakə.

1Timote 2:15

Ya watəkõh də tive na uwa kirni, an tat addəv ətafa, əŋgla gəm əssa salala də maɗɗula.

1Timote 4:6

Darbet zəgeɗis sit milmiŋgiɗuk na, wakəsok məgəɗ wəza na Yesu Kristu moggoko, məs məzəmguk də əpel na ətafa gəm də əyak moggon məs kəzbə lewlewi.

1Timote 6:11

Ya is ɗəf na Maŋgəlva azar səza zəga vaska. Akayan təstəsə, geslne na Maŋgəlva, ətafa, əŋgla, əɓəsa gəm mokrok zazaya.

2Timote 1:8

Wil adawdukun dawpel wən na Daya nam ɓa, awaniɓa dawpel akaw in məfərsəna vinəŋ ɓa. Ya dərəŋ na azəm sahã də in aka batam Alabara Neneke də əppan zuk aka əɓap na Maŋgəlva.

2Timote 2:24

Ya dədah ɗəf məgəɗ wəza na Daya dəgaygən ɓa. Dəsan ɗəf məŋgluwən azet ɗiy pakə, məɓap ərban zəga sit ɗiyi, məɓəs wəna.

2Timote 4:5

Ya nok na asok də maɗɗula aza zəga pakə. Aɓəs əzəm sahã, aɗɗa wəza narban Alabara Neneke, aɗɗa wəza nok lewlewi.

Ibriɗe 12:1

Vas kan na, nam pak miziweɗe tahəŋ kiyəm tərwəsl va ernene, məzgan səm zəga nawsla gagdaka gəm mambray pak məs dəsərək əsulək kiymə, məɓəssəm tatwãh məs adaɗɗaŋ səmən də əsok zəmə,

Hənhən 1:9

Intə Yohanna, məlmukum gəm makkoyokum addəv əzəmsãhã, addəv əzəm məlyã gəm addəv əsok zə ɗəf addəv əsap də Yesu. Məɗiwi aka mətuwəra məs adawyaŋ na Patmos, vi nədarban wən na Maŋgəlva gəm gegesiŋ məs Yesu arbani.

Hənhən 3:10

Vi kərmak əpel naw də əsok zuko, naw pak wanəguk pay na tatwãh məs dədazan aket ɗiy pak vi kawsle ɗiy naka dəlvafuŋgu.