2Korintus 3:7 - Bible en Guidar

⁷ Ya an wəza namta məverin dəver aket gərmeŋge tay də gagdaka hã mə Israyelɗe awɓap əzinən heret aka hara Moyis ɓa sən əwiɗ na haran məs anzi na ɓa dərəŋ na,

Nouveau Testament en Guidar

⁷ Dawka nani məverin də mamasin aket zigeɗ naw ver net kuneŋge. Pay nan dəpaska gakdak na Maŋgəlva arbanək zəni. Aba Moyis akasakə, ha kirtit Israyelɗe dəɓapən əɓəs ula əkasak nan ɓa. Nan dərəŋ wakgrakə. An wəza na dawka məzuki əmta tay də gakdak vaska.

Bible en Guidar

⁷ Ya an wəza namta məverin dəver aket gərmeŋge tay də gagdaka hã mə Israyelɗe awɓap əzinən heret aka hara Moyis ɓa sən əwiɗ na haran məs anzi na ɓa dərəŋ na,

2Korintus 3:7 ပူးပေါင်းရင်းမြစ်များ

Va'Atəŋ 3:21

Yawe Maŋgəlva agəɗ sitik lukutɗe məgbəŋtəŋɗe na gəba sit may Adam dət ɗak nani, agul siti.

Nehemi 9:13

Yaŋ Kəpirik aka mossorgo metiŋ na Sinay, kəpel dənɗaŋ hã sə disiŋ; kipsit tivenanziya an sarara gəm mahenziŋɗe na gegesiŋ, tiveɗnanziya kəɗiyə gəm an kəɗi moggon temtem naɗɗa.

Gəlyaɗe 119:174

Maw aka əkõh noko Yawe, mahenziŋ nok dədanneken zuwa.

Gəlyaɗe 119:97

Nəŋgluwək mahenziŋ nok diyɗa, pay pak in tat əɗɗum akani.

Əgilye 24:12

Yawe anah sən Moyis na: «Apeŋ azaw aka gərəm aŋ kəsokgən aŋka, vi nəpsukgən kalaɓɗe: Mahenziŋ də əpel na ənziya məs nəver vi kawyegeti.»

Əgilye 31:18

Adan agrak əpel də Moyis aka mossorgo na Sinay, apsənək kalaɓɗe narban wənmiyna sula, kalaɓɗe na gərəm məverit də pərəm va Maŋgəlva.

Əgilye 32:19

Adan adawgap aza dibirgidiki, yaŋ awla wət wasliya, wəskəlɗe, Moyis adək gədəv diyɗa, azgetik kalaɓɗe navan nek akrep aba mossorgo.

Əgilye 34:1

Yawe aɓsən Moyis na: «Asləm kalaɓɗe na gərəm sula va en na maddaabəŋ, nəvergən əpel naket kalaɓɗe na maddaabəŋ məs kəkrap neki.

Wəza net Masləŋɗe 6:15

Ɗiy dəssoŋ a təki nawtaw wən pak aziyən heret akani, awlanən məɗa haran na va məɗa hara maslay.

Roma 10:4

Vi Kristu iyi əgrak na mahenziŋ vi təstəs dəsangən sən məs dətaf pakə.

Roma 4:15

Vi mahenziŋ ədagədəv adawkiya, a təki mahenziŋ tay ɓa, əggar ki mahenziŋ tay ɓa'a.

Roma 5:20

Mahenziŋ ade na, vi mambray dəzlərgəni. Ya a təki mambray anzlərə mbəlembəle na Maŋgəlva awanək zəni.

Roma 7:10

Ya naw nəmtəka. Vasna, mahenziŋɗe məs nawkaŋ ɗəf addəv zeŋgile naka, akisuwək əmta.

Roma 7:22

Vi addəv makraw na, in tat ənan nek də mahenziŋ na Maŋgəlva.

Roma 7:5

Vi aka məsam addəv gagdak na gəɓa zəmə, əsim na mambray tay əɗɗa wəza addəv gəɓa zəm də mahenziŋ, tay əɗɗa ka məgəɗgən an nawtər sən əmta.

1Korintus 13:10

An, an dəsan gərrak arbanək zəni, an dəsan də meŋge wazə.

2Korintus 3:3

Təstəs nan na letər na Kristu kənanaŋge, məpsəm sən wəza namə, məverin məza dit iŋkile nawveri ɓa, də Əmpəs na Maŋgəlva madarani. Məverni aket kalaɓɗe net gərmeŋge yi ɓa, aket kalaɓɗe na sluwi, makra ɗəfa.

2Korintus 3:6

Ndəni dəɗɗəm nawɓap əsam məɗɗaŋ wəza na wənmiyna meleketeni, məza səza an məverin dəveri ɓa, səza Əmpəsi, vi an məverin awbay ɗəfa, Əmpəs tam apsən zeŋgile sən ɗəfa.

2Korintus 3:8

mbar kan wəza na Əmpəs asan də gagdak day di?

Galatiyen 3:10

Vi en mədawaŋ aka wəza na mahenziŋ pak, mefɗeke tay azeti. Adan məverni na: Əray aka ɗəf məs awsan aka an məverin addəv ɗerewel na mahenziŋ pak kaɗɗa wəza dəndən ɓa, məraygəni.

Galatiyen 3:21

Vasna mahenziŋ tay əgay də iynama na Maŋgəlva sa? Tay vas ɓa! Vi an məɗini mahenziŋ məs nawɓap əpsən zeŋgile sən ɗəfa, asna gesiŋ səza mahenziŋ təstəs adazzani.

Əmsak aka Mahenziŋ 4:13

Aprəman sukumək wənmiyna nani, mahenziŋ kəlaw məs aɗi sukum wən nan naɗɗa wəza dənɗaŋ, yaŋ aver aket kalaɓɗe sula.

Əmsak aka Mahenziŋ 4:8

Ɗiy na dələv metiŋ məwetiŋ məs də mahenziŋɗe gəm dit tiveɗnanziya təstəs, va mahenziŋ nədawyogokuməŋ dəpaŋkəŋ di?

Əmsak aka Mahenziŋ 5:22

Wəpelɗeski, Yawe dəpel səka gərəm səddəv offo, səddəv slaybuna gəm guzliyo, sən əkkal nokum pak də wəlan koɓo'koɓo'u, tay akip aket ɓa; averik aket kalaɓɗe sula, apsuwe.

Əmsak aka Mahenziŋ 9:15

In kpaŋ niprik səggərma, gərəm van va kəɓəs tay əzla, yaŋ nigim kalaɓɗe sula na wənmiyna vaw sula sula.

Ibriɗe 12:18

Vi nokum kəddereŋ aza gesiŋ nawla də hara ɗəf va: offo məzuzla, təki tiŋgbizlim, guzliyo, barkataŋ,

Ibriɗe 3:3

Mərkə gəla adayək ki gəla də gagdaka. Vaski yi'e Yesu adayək ki Moyis də gagdaka.

Ibriɗe 9:4

də zəga nawzla tursan na meleŋge gəm akoti na wənmiyna məkkəɗ sən meleŋge. Addəv akoti vani, hinziw na meleŋge tay adak də manhu addəvən, gəm zleŋge məndəfən na Aron, gəm kalaɓɗe sula də wənmiyna aketi.