2Korintus 11:9 - Bible en Guidar

⁹ Ya aka nəsaw anokumda na, də wərayu asan zlaŋ, ɗəf tay nəyan ɓa. Vi an dəkkpap su pak milmiŋgiɗu dəzzoŋ sə Makedoniya aknahanənka, ya addəv zəga pak in sən kiyu nəsaw sukum va zəga nawsla akokum ɓa. Nəgak zuwa, wanəga zuwa.

Nouveau Testament en Guidar

⁹ Pay nədaw saw annokumda, ko də wərayu asan aza zəga zlaŋ, nəssoh dala aza ɗəf ko taka səmbokum ɓa. Vi milmiŋgiɗu məs dəzoŋ sə Makedoniya avayaŋgək zəga ha tər su wəray naw pakə. Nəŋgəl kəta nəsaw gən va doŋgol azokum ko də midi ɓa. Ko abeŋ pak nəŋgəl vas ɓa.

Bible en Guidar

⁹ Ya aka nəsaw anokumda na, də wərayu asan zlaŋ, ɗəf tay nəyan ɓa. Vi an dəkkpap su pak milmiŋgiɗu dəzzoŋ sə Makedoniya aknahanənka, ya addəv zəga pak in sən kiyu nəsaw sukum va zəga nawsla akokum ɓa. Nəgak zuwa, wanəga zuwa.

2Korintus 11:9 ပူးပေါင်းရင်းမြစ်များ

Nehemi 5:15

Deyeɗe nakki vadələv en maddaabəŋ kiyu na, assoŋguk aket ɗiyi. Atafaŋgək əzəma, mbazla gəm koɓeɗ kaklaw poɗo əmpa'e səveti. Gawleɗ net tam əskanən wəlet ɗiyi. Ya naw nəgəɗ vas ɓa vi geslne na Maŋgəlva.

Wəza net Masləŋɗe 18:3

Adan wəza məstaka yi, asanək anetda əɗɗa wəza, vi wəza net na əzaɓ gizlirkeɗe yi.

Wəza net Masləŋɗe 18:5

Adan Silas də Timote apurkoŋ sə Makedoniya, Pol apanək ki zən sən əpel wən na Maŋgəlva, əprəman sit mə Yudeɗ na Kristu yi Yesu.

Wəza net Masləŋɗe 20:33

Nəsim təbəz babara, meleŋge, awaniɓa lukut na ɗəf ɓa.

Roma 15:26

Vi məzutafaŋ na Makedoniya də Akaya awlanənək na moggoni, əsapan zəga ammbet məssehẽŋɗe naret məzutafaŋ en na Yerusalem.

1Korintus 16:17

Zu neki də əzza net mãy Estefanas də Fortunatus gəm Akaykus. Ndəɗaŋ dəssoŋ azaw a gəlokum.

2Korintus 6:4

Addəv zəga pak mənam tat ərban dərəŋ na, məɗɗaŋ wəza na Maŋgəlva mənan də əɓəs diyɗa addəv tatwãhã, addəv vavyakə, addəv geslne.

2Korintus 9:12

Vi wəza na əbbahəs wəray net ɗiy salala adaɗɗa kaka ɓa, waki əfet diyɗa aka Maŋgəlva'e.

Filipi 2:25

Nulak na, aslək nəsləngən Epafroditus məlmuwa, mədaw də in addəv wəza gəm addəv əgay azokum, ndən məs kəslənaŋ də əpsən an məs nawtər su wəray nawa.

1Tesaloniki 2:6

Məkay gagdak avet ɗiy ɓa, avokum ɓa, avet ɗiy meɓɓet ɓa.

1Tesaloniki 2:9

Vini, milmiŋgiɗwa, məɗɗumon əzəm sahã də iya namə. Məgəɗək wəza dəfəɗ də kapay pakə, vi mədawsam va zəga gagdak aka ɗəf səmmbokum ɓa, mərban sukumək Alabara Nenek na Maŋgəlva.

Ibriɗe 11:37

məsketi dit gərmeŋge, mərsleti; amtaŋgək ama masalam; assoŋguk slorsloru, aguloŋguk lukut na gəba net timiŋgiɗi awaniɓa na deɓeke net gəlewi; məmohẽti, məsərni meti, məzəmgiti sãhã,