Yohanna II 1:9 - Alkawali Woiwoyi

⁹ Gama nfye to kpetu Kristi wuwun, fye la Shekwoyi fa nu n na avun. Ama n fya vi Kristi nyawu, fye ɓa bwa Shekwoyi. Fya bwa Dada n Nugun yi.

Yohanna II 1:9 ပူးပေါင်းရင်းမြစ်များ

Matta 11:27

“Emi Dada ku anya vinya fa fi n ma kun. Dada gmanyi wo nu kpe Nugun ye, Nugun ce wa kpe Dada fye ɓedo naza yi n Nugun wu ɓa Dada.

Luka 10:22

Emi nu zhin Shekwoyi maimako n nyaho-nyahoi zaho to lo woi kpe nugun ye m, n zai n nugun la kni ge wa wu wo”.

Yohanna 14:6

Yesu wa gna wo ge, “Omi nu zhin zokwo, n gaiciya yi n wye-wyeyi. Zaho-zahoi ta mi wa lo Dada abam, sai wa e mi aba kpa.

Yohanna 15:6

Oza nwa kpeya nmi, a ɓa she wo ya ngye bwala ntna apma, nkwo zhin kwa wo akawu, abwala ye pya a zhin a ye ɓa zhin a dna ɓa ʼna, ɓa gyi ʼna.

Yohanna 5:23

Ntuge aza vinya ɓa ga Nugun mwa-mwa, ngye shi ɓa ga Dada. Nfye to ye fya ga Shekwoyi Nugun mwa-mwa n wa tnu mwoi nyim, agye fye ta ga Dada mwa-mwa lo n.

Yohanna 8:31

Yesu wa gna aza nɓa ɓo ga Wo gaiciya nyi ge, “Nfya zhin ɓo n ma gna fye agye fye zhin Omi abara gaiciya nya nu.

Atnu-tnuyi Aɓozhin 2:42

Ɓa ye ɓedo a Yesu viyi, abara ɓai wu ɓa nya, ɓai zhin zumun ta, ɓai zhin aduwa n gnisun.

Akolosiyi 3:16

Fye pa enya ɓo n Kristi ɓei wu nyi, fye fa owo aɓeda kwa dna n fye abugba mi, kwa ce fye. Fye wu fye azaje, fyei kwo ɓa n zabura yi, n anyi zafun nyayi, fyei kwo anyi ga Dagayi n bugba dayi.

Titus 2:10

Kwo ɓa wyi evim, ama ɓa wu ge ɓa zhin azanu aɓa mi a kpema, Nlonu ɓaɓa zhin aza ɓaye ɓa ga eyi Gniyi n yi Shekwoyi gaiciya.

Aibraniyi 3:14

Yi kuze agado gyiyi n Kristi yi, yi zhin wo aɓi ɓehin-hin nya nu, N ya mi zhi dna gaiciya ga har nyalo-nyalo.

Aibraniyi 6:1

Ntu cenu yi shi ɓeda bwa n yi ku wo nyi wato Yesu wuwu, to ya wu kwo nu cici m, ama yi gyi abye dna gni-gni zokwo har ya mwa. Atnu-tnu ta mi ɓa gni yi m, ntu cenu, yi mi zhi dna gaiciya ga. Yi ku atnu-tnu anayi nya fa. Ɓa ɓa lo yi na bwi-bwi ba.

Yohanna I 1:3

Ma gnafye njesun, yi gnafye oɓo nu n yi ku gye yi ku to bwa, nna abai fya bwa jedoɓe n na gmadai n yi cei lo n Dadayi n Yesu Kristi owo Nugun.

Yohanna III 1:9

Mi tnu ikklisiya n wasika ɓiyi yei ntu ce nu, ama Diyoturifus, tu kwomwayi, n wo ye wa duwohin gyi n na abye, ngye a Yesu-viyi tukwoda nyi, wo ta gwo mi iko tulo n wo tukwon to woi ye wa womin.