Yohanna I 1:2 - Alkawali Woiwoyi

² Oza deye n wo zhin wye-wyeyi nyi, woi gmi n Shekwoyi aba nyi, aku wo wuyi, yi zhin seida ge yiku gye wo. Mi da Kristi nu ɓo, n wo zhin wye-wyeyi nyalo-nyalo nya nyi, wo ɓei kunsun n Dadayi a wuyi wo.

Yohanna I 1:2 ပူးပေါင်းရင်းမြစ်များ

Yohanna 1:18

Ozaho to shin Shekwoyi wye gyem, sai Yesu gmanyi n wo nu kunsun n Shekwoyi nyi. Yesu, owo ɓi-gba, Shekwoyi zabayi, owo nu gna yi Shekwoyi ɓo.

Yohanna 1:4

Wye-wyeyi nyi nwo mi, wye-wyeyi kwa ko zhin anyi buzangna nu.

Yohanna 10:28

Mi ga ɓa wye-wyeyi nyalo-nyalo nya. Ɓa ta bwi m. Njesun zaho to iko yi lo wa gwo ɓa nmi akun m.

Yohanna 14:6

Yesu wa gna wo ge, “Omi nu zhin zokwo, n gaiciya yi n wye-wyeyi. Zaho-zahoi ta mi wa lo Dada abam, sai wa e mi aba kpa.

Yohanna 15:27

Tile, fya gna zaho-zahoi omi nabari, ntu ge fye ku kunsun n miyi tunyi n kmisunyi.

Yohanna 16:28

Ma gmi n Dada aba nu, mi-i ɓe anyi, mɓa fa anyi, ma jeze lo Dada aba.”

Yohanna 17:3

Zokwo wye-wyeyi nyalo-nyalo nya nu nyi, ɓa kpe ge ho nu zhin Shekwoyi gaiciya nya gmanyi, ɓedo n Yesu Kristi yi n ha tnu nwoi dna anyi nyi.

Yohanna 17:5

Nsaiye, Dada, la mi tu nho aba, n latu pyai nmi ɓei cei shin sun nhoi, tunyi to ai zhin anyi nyim.

Yohanna 19:35

Oza n wo ɓe gye ɓeye nyi, owo nu ga saida ge, owo saida zhin gaiciya nu. Wo kpe lo ge wo da gaiciya nu, woiga saida ye nnabai fya ga gaiciya nu njesun.

Yohanna 21:14

Shi wo ɓo laka n vingwo, bwa tahi nu ɓo nu, woi wu wohin tukwo nwo abara aba.

Yohanna 3:13

Mi gmi n ʼshe nu, ama zaho to shin eshe lo m, sai omi oza Nugun.

Yohanna 7:29

Ama mi kpe wo ye lo, ntu ge ma gmi nwo aba nu, owo na tnu mi.”

Yohanna 8:38

Mi gna fye aɓo nu nma gye nmi Dada, ofyehin ce fye zhin aɓo nu nfya gye nfye dada.”

Atnu-tnuyi Aɓozhin 2:32

Wo ɓei da Yesu nu ɓo, yi zhin aseda da nu ge Yesu la laka evingwo.

Atnu-tnuyi Aɓozhin 3:15

Fye ɓo la wye-wyei Dagayi wu, ama Shekwoyi ɓo la wye-wyei gawo njesun. Yohanna n mihin yi zhin aseda da nu gama yi ɓei ku wo gye n wye-wyeyi.

Atnu-tnuyi Aɓozhin 5:32

Eyihin ɓedo n Zafun Gyi-gyi-yi n Shekwoyi ga zaho-zahoi n ya, yi zhin aseda da nu.”

Aromayi 8:3

Ato gni yi, n laifi akun ntuge yi kpe Shekwoyi awyidna ye lo nun, ntuge yita mi n ɓa kni ya shi bwan, ama Shekwoyi wa zhin zokwo do wa gni yi, wa tnu n wo Nugun yi dna n Zanyikwoci nayi ngye eyi nya, ama eyi anya n laifi yi wa wun laifi iko ya n yi tukwo. Wa ga wohin tukwo hadaya ntu yi alaifi ɓo.

Agalatiyayi 4:4

Ama sa n sa manayi ɓo la si, sa n Shekwoyi ɓei kni, wa tnu n wo Nugun yi n nyikwoza ba, n na Yahudiyi mi.

Timatawus I 3:16

Kwo zhin gaiciya nu asese manayi dna n Shekwoyi, kwo to zhin oɓo fafayi nun, amma amsa lo n Kristi, n wa ze zanyikwoci wa ɓe anyi, a gye wo n gyi-gyi n tna laifi dna n wo Zafun, amalaika ɓa zhin wo bauta, a zhin wo waʼazi n anyi vinya, aza gwowo n na aba vinya laɓa, a gwo wo njesun wo lo eshemi.

Timatawus II 1:10

Nsaiye wo ku wuyi pei-pei, sanu eyi gniyi Yesu Kristi wa ɓe n cei, n wa bma efi iko ya wa wuyi wye-wyeyi nyalo-nyalo nya zokwo, dna n gaiciya ga nyi.

Titus 1:2

A tnu mi ma ɓe n gaiciya gai n aza ba nu n Shekwoyi la ɓa kni nyi, ma wu ɓa Shekwoyi gaiciya gaiciya n kwo shan aza wyewyeyi do nyi. N na bai ɓa bwa wyewyeyi nyalo-nyalo nya n Shekwoyi ɓei zhin ɓa alkawali tunyi kafin a sa anyi, woi ta ce a katan.

Bitrus I 5:1

Nsaiye ofye a eklisiya tukwoda, omi n mihin mi zhin tukwoda nu, n ma wyei mʼɓei ku gye Kristi woi fi tu n zundu, n mihin mʼɓei bwa wo mwa-mwa, n wo latu yi esa n wa jeze ɓe cei, Oma tukwodaje, emi wyegyi nfya ba ge:

Yohanna I 1:1

Kristi ɓei n wye-wyeyi kafin a zhin anyi, har emi n mihin tukwo maku gyewo nmi awyei, maku wo wo woi daɓo, ma wo to bwa nmi abwai, Wo zhin Shekwoyi ɓeda wye-wyeyi nya nu.

Yohanna I 2:25

Nwohin tukwo wo ku deye alkawali zhin yi wato wye-wyeyi nyalo-nyalo nya.

Yohanna I 3:5

Fyei kpe lo ge wo ɓei la ze zanyikwoci n na bai wa ku yi alaifi ya, woi to n laifi owohin nyan, wo to na Shekwoyi ɓeye zhin ɓo nsaho-sahoyi n, n zokwo doho-dohoyin,

Yohanna I 3:8

Ama n fya gyi abye n ɓenukwoyi zhinyi, kwo wunu ge fye zhin Shetan nyanu, oza n wo ɓei ya laifi zhin to wa shan ka nkwon, ama Shekwoyi Nugun ɓei ɓe ntuge wa wun shetan atnu-tnu ya nu.

Yohanna I 4:14

Har sahi, yiku gye n yihin awyeyi, yi gna anyi, nge Shekwoyi la tnu n wo Nugun yi wa ze anyi Gniyi.

Yohanna I 4:2

Zokwo nfye ɓa kpe ge ɓeda ye zhin Zafun Gyi-gyi-yi nya nu, okwo nu ge fya nyaɓo ge ɓeda ye da lo ge Yesu Kristi, Shekwoyi Nugun ɓo la ze Zanyikwoci wa ɓe dna na anyi n nayi ku ngye za? Nkwo wu lonu agye ɓedahi gmi n Shekwoyi aba nu.

Yohanna I 5:11

Knido nu n Shekwoyi n kuda? Nge wo la wyewyeyi nyalo-nyalo nya gayi, wyewyeyi ye kwo dna lo n owo Nugun nu.

Yohanna I 5:13

Mi ka deye ga fye n fye ku gaiciya ga n Shekwoyi Nugun nyi, n na abai fya kpe ge fye n wyewyeyi nyalo-nyalo nya yi lo.

Yohanna I 5:20

Yi kpelo ge Kristi, Shekwoyi Nugun, nla ɓe wa bmayi zhin, yakpe, ya bwa Shekwoyi hinhin ye, Nsayiye yi filo n Shekwoyi ntuge yi fi lo n Yesu Kristi owo Nugun. Nwonu zhin Shekwoyi gaiciyada gmanyi, owonu zhin wyewyeyi nyalo-nyalo nya.