YOHANNA ƁEWYEGYE 8:2 - Alkawali Woiwoyi

² Ma gye amalaika tnaba nɓa zhi Shekwoyi abye nyi, a ga ɓa a mwayi ngun tnaba.

YOHANNA ƁEWYEGYE 8:2 ပူးပေါင်းရင်းမြစ်များ

Matta 18:10

“Fye zhin peceiye to fya ci aɓi naiye wyegbam. Ntu ge oɓa amalaika ʼshe zhin ɓa lo mi Dada aba cici.

Matta 24:31

N ɓo tnu emi amalaika yi, n kasun a knaknaci nya yi, ntu ge ɓa ye emi aza akni-kniyi zhi anyi cezhi ba vinya.

Luka 1:19

Nsayi malaika ciwo ge, “Emi nu zhin Malaika Jibrailu. Mi gni n Shekwoyi abye nu cici. Ewo nu na tnumi nge ma ɓe eho aba.

Luka 21:36

Fye zhin peceiye, fyei zhin aduwa n nabai n fye ɓa bwa akala fyei kunya n aɓoye vinya n lafiya yi. N nabai fye zhi n oza Nugun aba dai-dai.”

Akorintiyi I 15:52

Kwo ɓei wu para nu nʼwye kpata yi, ai ku mwayi kmaknayi bye. N mwayi ho byebyeyi, a Yesu viyi n ɓa kufi, ɓa ɓei kukala n na nayi shandoshan-shan yi n ɓa ta shan fim. Eyi ce nʼyi ɓei cezhi n wye-wyeyi nyi, aɓei shan yi anayi do n sagmanyi yi.

Atasalunikayi I 4:16

Gama Dagayi nu ɓei kashi ɓe n eshe, n wyisa kalai, wyisa a malayika esu ɓegye nya, n Shekwoyi mwayi yi. A Yesu-viyi n ɓa ku fi, ɓanu ɓei kukala n na abye ɓa sun n Dagayi.

YOHANNA ƁEWYEGYE 1:4

Daga Yohanna, zuwa a ekilisiya n gun tnaba n ɓa fi n Asiya nyi, Turki. Omi anugundo, Alheri, n bugbafuyi, nɓa kun n Shekwoyi aba, nwo nyi nyi, n wo ɓei nyi, woi ye wa ɓe, n na zafun ngun tnabayi nɓa zhi n wo abye nyi.

YOHANNA ƁEWYEGYE 11:15

Gama n sayi nu n malaika tnabayi ɓei bye mwayi abegye yakwo ɓai da ɓo n eshe, nge, “Ebe anyi nya nsai ye zhin, eyi Dagayi nyanu n wo Kristi yi wa gyi ebe nyalo-nyalo.”

YOHANNA ƁEWYEGYE 15:1

Ma gye n eshe oɓo wowoyi, ai wu oɓo n kwo ɓelo. A tnu n na a Malaika yi ngun tnaba, ɓa ɓe anyi n anyasan a nukwoyi n kma-sun ngun tnaba. N na vun Shekwoyi minagyi kwa zo.

YOHANNA ƁEWYEGYE 16:1

Mawo begye yakwo kwoi gmi n aduwa-nyakun kwoi daɓo n na amalaika tnabayi, “Fyelo n saiye fye ze a papa tnaba Shekwoyi minagyi nya ya fi n na anyi.”

YOHANNA ƁEWYEGYE 8:13

Shi mi ɓei shi awye magye zunkwo, nkwo gmanyi n na anyi bmana, kwoi sa ewyi n begye kalai ge, “owyi-owyi, owyi n na aza aba nɓa fi n na anyi nyin, ntu a na aɓo a nukwoyi ɓo n ɓa ɓelo esa fyewyi nyi, esa n na amalaika ngun ata-ka ɓa amwayi bye n ɓa cenyi.”

YOHANNA ƁEWYEGYE 8:6

Nnavun, amalaika ngun tnaba n ɓa n na a mwayi tnabai shinyi ɓa zhin shiri ɓa bye a mwayi.

YOHANNA ƁEWYEGYE 9:1

N navun malaika tnuyi wa bye owo mwayi, ma gye oza woi kaya n eshe dna n na anyi a gawo makuli obwo dnagmayi tna cei nya.