YOHANNA ƁEWYEGYE 7:3 - Alkawali Woiwoyi

³ “Lakmi, to zhin nyaho kpan, to ga ekni, kwo anuwan yakwo, kwo a shinwan nyasa, sai yila Shekwoyi Hatimi tu n wo abara nyikunmi.”

YOHANNA ƁEWYEGYE 7:3 ပူးပေါင်းရင်းမြစ်များ

Matta 24:22

“Gaiciya ndei a to ce anyipyei hi zunya n, aza vinya ɓo ku zo fi. Ama a ɓo la ɓa ce zunya ntu Shekwoyi aza kni-kniyi ɓo.

Matta 24:31

N ɓo tnu emi amalaika yi, n kasun a knaknaci nya yi, ntu ge ɓa ye emi aza akni-kniyi zhi anyi cezhi ba vinya.

Yohanna 12:26

“Oza nu nwo ye wa ze mi ʼbaratile wa vi mi n saho-sahoi. Oza nu nwo ɓa ze mi bara, Dada ɓa ga wo mwa-mwa.

Yohanna 3:33

Aza n ɓa ku gaiciya ga wo, ɓa kpe lo ge owo ɓeda zhin gaiciya nu.

Aromayi 6:22

Ama n sayi ye fye la kun n laifi iko, fye ku zhin Shekwoyi abara, owo gyiba nwo ga fye okwo nu gyi-gyi n wye-wyeyi nyalo-nyalo nya yi.

YOHANNA ƁEWYEGYE 13:16

Wa ga gbe, dnagmayi n nawyi yi, nyabwayi n sanyi, fyenu n dagayi vinya ge aku eze tu zaho-zahoi n bwaizhe, kwo n nyikunmi.

YOHANNA ƁEWYEGYE 13:17

Zahozahoyi ta bwa tnu-tnu, kwo wa si nyaho-nyahoyi n gni kwoho n tna tuze yin, n kwo nu zhin Nyawan-nyawan yi eye, kwo owo eye tuze.

YOHANNA ƁEWYEGYE 14:1

Nnavun magye kugya gni agni tu, n Sihiyona epe n gnisun n na azayi dubu tagyi n cei kpe shinyi cei anyi (144,000) nɓa ɓei nwo eye n wo Dada eye yi kakpe n ɓa anyikunmi nyi.

YOHANNA ƁEWYEGYE 14:9

Malaika tayi wa viɓa woi sawyi nge, “Ozaho-zahoyi n wo ga Nyawan-nyawan mwa-mwa nkwo gmi n nuwanyi, n wo nya zhin-zhin yi, wa gwo owo zetu, nwo nyikunmi kwo obwa.

YOHANNA ƁEWYEGYE 19:2

Gama owo wada zhin ɓefyece nu n gaiciya yi. Wola karuwa yakwoi ta n wo ɓei tu anyi cegye n wo alaifi nyi, woi gba ta ga wo afyenu n na ɓei wu nyi.”

YOHANNA ƁEWYEGYE 20:4

Nnavun magye esushinkpegye n na azai sase kpe n ɓai n na la izini ga ɓa ɓa dawa, ma gye a wye-wyeyi aza nya n na ɓei kmiɓa tukwo ya ntu nɓa seida Yesu nya ɓo, ntu n Shekwoyi ɓeda waʼazi zhin ɓo, n na azai n ɓato ga Nyawye-wyeyi mwa-mwa n owo nya zhin-zhin yin, to ɓa gwo owo zetu nɓa nyikunmi ko abwan. Ɓai ku wye-wyeyi jebwa ɓai gyi ebe ngnisun n Kristi yi har aye tagyi ngun awo (1,000).

YOHANNA ƁEWYEGYE 22:4

Ɓa ɓei gyewo awyeba, ai ka wo eye kpe n ɓa anyikunmi.

YOHANNA ƁEWYEGYE 6:6

Begye kwa gmi n na awyewyeyi dayi mi kwa ci ge, “Bredi sule gmanyi nu, mudu ngun ata barley nya sule gmanyi nu, amma olive emi n anab-nuwan yi to lon.”

YOHANNA ƁEWYEGYE 7:1

Ma gye a Malaika ngun anyi n gni agni zhin n anyi abwakwonu n gun anyi, ɓai hana n esei ge kwo to cin n na anyi, n na bai kwo fintolo ta shan-shan, a nuwanyi to ɓei ci aɓon, ɓa ku wo pi-pi-pi.

YOHANNA ƁEWYEGYE 7:2

Ma gye malaika do woi gmi n nyipyeyi kpe bwa, n Hatimi Yakwo Shekwoyi wye-wyeyi danya yi shi. Wa sawyi dna a malaika yi ngun anyi n na ɓei gaba iko ɓa ga anyi n na anuwan yakwoi nyasan nyi.

YOHANNA ƁEWYEGYE 9:4

A gna ɓa ge ɓato kni agbe-gben, kwo shinwan doho-dohoyin, amma ɓa kni aza nɓa to n Shekwoyi hatimi yi tulo n ɓa nyikunmin.