YOHANNA ƁEWYEGYE 5:8 - Alkawali Woiwoyi

⁸ Shi wo ɓei gwo takarda kmi-kmiyi a tukwoda shiba cei anyi ho, ɓa yazhi n kugya yi abye, zaho-zahoi n ɓa mi n molo yi shi n Zinariya papai n tulare yifi, Shekwoyi aza aduwa.

YOHANNA ƁEWYEGYE 5:8 ပူးပေါင်းရင်းမြစ်များ

Yohanna 1:29

Sa n fye ɓei gyi, Yohanna gye Yesu woi ɓe, wa cige, “Fye gye kugya ɓiyi Shekwoyi nya nwo nu la alaifi anyi nya vinya nyi.

Yohanna 5:23

Ntuge aza vinya ɓa ga Nugun mwa-mwa, ngye shi ɓa ga Dada. Nfye to ye fya ga Shekwoyi Nugun mwa-mwa n wa tnu mwoi nyim, agye fye ta ga Dada mwa-mwa lo n.

Aibraniyi 1:6

Ama wa ci Yesu ge, “Ho zhin omi ʼɓi nu, amalaika vinya ɓa la hotu.”

YOHANNA ƁEWYEGYE 13:8

A zanyikwoci vinya, na ato n ɓa aye yi kafi n kugya wu-wuyi Littafi wye-wyeyi nya kafin anyi zhi san, ɓa ga Nyawan-nyawan nukwoyi mwa-mwa.

YOHANNA ƁEWYEGYE 15:2

Ma gye nyaho tazhi nmi abye n wu ngye ena n maganyi yi, n na azayi gni agni kpe, nɓa ɓo gyi nasara n Nyawan-nyawan nukwoyi n owo nya zhin-zhin yi, n wo tuzei n lambai, oɓa vinya n Shekwoyi amuloyi shi.

YOHANNA ƁEWYEGYE 15:7

Zaknayi n na a wye-wyeyi da n gun anyi yi ho, wa ga zaho-zahoi nɓa mi papa Zinariya nya n nu-nuyi n Shekwoyi wye-wyeyi da minagyi yakwoyi, n wo nyi nyalo-nyalo nyi.

YOHANNA ƁEWYEGYE 19:4

Atukwoda shiba cei anyi, n awyewyeyi dayi ngun anyi ɓa yazhi n kni ɓai ga Shekwoyi mwa-mwa, n wo sasetu n Esu-shinkpegye ɓai gna, Amin, Haliluya la Dagayi tu.

YOHANNA ƁEWYEGYE 4:10

A tukwoda shiba cei anyi ye, ɓa miya zhi n wo abye ɓa gawo mwa-mwa, wye-wyeida nyalo-nyalo nya ɓa ya oɓa a rawani zhi n wo abye, ɓai kwo anyi ɓai cige.

YOHANNA ƁEWYEGYE 4:4

Esu ashinkpegye a ɓiyi n gun shiba cei anyi n she Esu Shinkpegye dnagmayi gun, n na atukwodai ʼshiba-cei-anyi n sase kpe n ɓa, n na ajei kpe n bui-bui n rawani zinariya nya yi wan n ɓa tukwo.

YOHANNA ƁEWYEGYE 4:6

N nuwan yakwoyi n wu ngye cristal kwoyi kun n shinkpegye-esu nya. Anya awye-wyeyi n gun anyi n zhi n wo shinkpegye aba, n na aba ngun anyi, ɓai ɓe n na awyei, avun n abye yi.

YOHANNA ƁEWYEGYE 4:8

Doho-dohoi n na anya a wye-wyeyi ye n na abminai gyi ngun tnanyi, oɓa abmina atasinya n fuya n na awyei, sukwo n nyipyei ɓai ci ge Gyi-gyi-yi, gyi-gyi-yi, gyi-gyi-yi Dagayi Shekwoyi ikoda, oza n wo ɓei nyi, n wo lo, owoi nu zhin ɓeɓeyi.

YOHANNA ƁEWYEGYE 5:11

Dna n mi ɓewyegye, mawo amalaika n mwa-begye n na wye! Wyeyi dayi n na Tukwodayi, ɓai kwo anyi.

YOHANNA ƁEWYEGYE 5:12

“Kugya n na aɓei zunsha. Wo kuncelo wa gwo iko, n kalai, n latuyi, n mwa-mwai n anabarka yi.

YOHANNA ƁEWYEGYE 5:14

Awye-wyeyi da ɓai ci ge, Amin. A tukwodayi shiba cei anyi ɓai yazhi nwo abye ɓai ga wo mwamwa.

YOHANNA ƁEWYEGYE 5:6

Ma shi awye magye, Kugya n gni-agni-gni n a tukwoda shiba cei anyi yi abye, n esu shinkpegye n a nya awye-wyeyi abye, kugya yi n na acigusai kpe n ɓa ɓei wu wo n sadohoi. Wo n na amwai tnaba, n na awyeyi tnaba, n ɓa zhin misali n na Zafun ngun tnabai Shekwoyi anya, n na tnu n cei n sepa dohodohoyi n na anyi.

YOHANNA ƁEWYEGYE 6:1

Shi mi ɓei shi awye, ma gye kugyai lo hatimiyi kmisunyi ya. Wa ya takarda kmikmiyi leya, zaknayi n na awye-wyeyi da n gun anyi yi mi. Wa sa ewyi n begye yi wo ngye ogma wyisa, wa ci ge, “Ɓe.”