YOHANNA ƁEWYEGYE 4:8 - Alkawali Woiwoyi

⁸ Doho-dohoi n na anya a wye-wyeyi ye n na abminai gyi ngun tnanyi, oɓa abmina atasinya n fuya n na awyei, sukwo n nyipyei ɓai ci ge Gyi-gyi-yi, gyi-gyi-yi, gyi-gyi-yi Dagayi Shekwoyi ikoda, oza n wo ɓei nyi, n wo lo, owoi nu zhin ɓeɓeyi.

YOHANNA ƁEWYEGYE 4:8 ပူးပေါင်းရင်းမြစ်များ

Atnu-tnuyi Aɓozhin 20:31

Fye dnawye fya pa ngye shi ma gye ma nuwan n fyei esa nu ma sase n fya ba, har aye ngun ata. Saho ma cibwi ntu fye ɓo.

Akorintiyi II 6:18

Miɓa ze of ye da-da, Fye ɓa ku ze omi aɓi, Shekwoyi nu na da lo nu.

Atasalunikayi I 2:9

Fye to ye palon, omi azaje, shi yi ɓei zhin tnu-tnu n fye aba n sun, Nsukwoyi n nyi-pyei, ye zhin tnu-tnu, ya bwa nyagyi n na abai to ya tu azaho akayan, yi zhin Shekwoyi Nabari manayi waʼazi nfye aban.

Timatawus I 4:16

Zhin peceiye n na aɓei n ho zhin, n ho anubo zhin yi n jesun. La kpema n ɓo n kwo zhin gaiciya, Shekwoyi ɓa tuho anabarka, wa zhin apma n hoi ha bma azaje zhin.

Timatawus II 4:2

Zhin Shewoyi ɓeda waʼazi n esayi vinya, Esa n ha bwa bednu n sayi vinya. Zhin eho aza aba, esa n bednu nyi kwo n tna bednu, ha gnakni ɓa esa vinya n kwo kunce, gaɓa kala ɓa zhin ɓemana n esai vinya, nu ɓa n Shekwoyi ɓedayi.

Aibraniyi 13:8

Yesu ta shan do n, Nya wo ɓei nyi n su nyi, wo zhin kwo nu n naiye kuma har nyalo-nyalo.

YOHANNA ƁEWYEGYE 1:4

Daga Yohanna, zuwa a ekilisiya n gun tnaba n ɓa fi n Asiya nyi, Turki. Omi anugundo, Alheri, n bugbafuyi, nɓa kun n Shekwoyi aba, nwo nyi nyi, n wo ɓei nyi, woi ye wa ɓe, n na zafun ngun tnabayi nɓa zhi n wo abye nyi.

YOHANNA ƁEWYEGYE 1:8

Ominu zhin A n Z yi, kmisunyi n kmaknayi, anya vinya n ya Shekwoyi na dace n wo zhin Dagayi nyi, oza nwo ikoyi vinya nyi, n wo nyin, woi ɓei nyi, woi ɓelo njesun.

YOHANNA ƁEWYEGYE 11:17

Yi zhin godiya, Dagayi Shekwoyi ikoda nwo nyi, n wo ɓei nyi, nsaye ho la ya ɓebegyi, n ho iko yakwo yi.

YOHANNA ƁEWYEGYE 14:11

Awu oɓa azhinya ɓa gun lo eshe nyalo-nyalo, ɓato ɓei shan sun n sukwoyi n nyipyeyi-gama ɓa ga Nyawan-nyawan mwa-mwa n wo nya zhin-zhin yi, ɓai la owo eye tuze gwo.”

YOHANNA ƁEWYEGYE 14:3

Kwaya dnagmayi ye-aza dubu tagyi n cei kpe shinyi cei anyi, (144,000) ɓa kwo anyi woi-woyi, n Shekwoyi shinkpegye aba n na anya wye-wyeyi dai ngun anyi, n na tukwo dai shiba cei anyi, zaho to ɓei kpe anyi yen, sai aza dubu tagyi ncei kpe shinyi cei anyi yi ho (144,000). N na gni ɓa n na anyi nyi.

YOHANNA ƁEWYEGYE 15:3

Ɓai kwo Musa anyi, Shekwoyi fyenu n kugya anyi yi, “Oho aɓo zhin-zhin Shekwoyi ikoda, oho azokwo vinya zhin ɓefyece nu n gaiciya yi, O, Esu esa vinya nya, nyikado nu tawo edna n ma, O Dagayi, wa la oho eye tun ma? Gama oho nu zhin gyi-gyiyi n ho gmanyi yi. Akni vinya ɓaɓe ɓa ga ho mwa-mwa, gama aku oho aɓo zhin manayi wu.”

YOHANNA ƁEWYEGYE 15:7

Zaknayi n na a wye-wyeyi da n gun anyi yi ho, wa ga zaho-zahoi nɓa mi papa Zinariya nya n nu-nuyi n Shekwoyi wye-wyeyi da minagyi yakwoyi, n wo nyi nyalo-nyalo nyi.

YOHANNA ƁEWYEGYE 16:14

A zafun, aɓo wowoyi zhinyi ye, ɓa si egbe do n asu anyi nyayi vinya, ɓa yeba zhi ɓa sunkun n Dagayi n nyipyeyi yakwoyi owadawyi, Shekwoyi ikoda nya.

YOHANNA ƁEWYEGYE 16:7

Mawo malaika nwo gni n bagadi aba nyi woi gna, “E Dagayi, Shekwoyi ikoda oho tata wulo cewo dei-dei.”

YOHANNA ƁEWYEGYE 19:15

Wo n ebe yakwo gyi-gyi-yi shi nwo egbe wa zun abye kni n cei, wa gyi ebe tu nɓa tukwo n sinkna bwayi, wa dna anab nuwan-piba Shekwoyi ikoda minagyi nya.

YOHANNA ƁEWYEGYE 19:4

Atukwoda shiba cei anyi, n awyewyeyi dayi ngun anyi ɓa yazhi n kni ɓai ga Shekwoyi mwa-mwa, n wo sasetu n Esu-shinkpegye ɓai gna, Amin, Haliluya la Dagayi tu.

YOHANNA ƁEWYEGYE 21:22

Aduwa-nyakun to ɓei nyi n ezhi yin gama Dagayi Shekwoyi ikoda n Kugya yi a ga ɓa nu mwa-mwa n na aba vinya.

YOHANNA ƁEWYEGYE 3:7

“Ka wasikaye ge tukwoda nwo dna n eklisiya n Filadalfiya nyi: ‘Tnu-tnu ye nkwo nyi oza n wo Gyi-gyi-yi, n gaiciya yi n Dawuda makuliyi shi, wa gu enya ya n zaho ta mi n gun, wa gu enya n zaho ta mi n guyan, wonu na tnu.’

YOHANNA ƁEWYEGYE 4:4

Esu ashinkpegye a ɓiyi n gun shiba cei anyi n she Esu Shinkpegye dnagmayi gun, n na atukwodai ʼshiba-cei-anyi n sase kpe n ɓa, n na ajei kpe n bui-bui n rawani zinariya nya yi wan n ɓa tukwo.

YOHANNA ƁEWYEGYE 4:6

N nuwan yakwoyi n wu ngye cristal kwoyi kun n shinkpegye-esu nya. Anya awye-wyeyi n gun anyi n zhi n wo shinkpegye aba, n na aba ngun anyi, ɓai ɓe n na awyei, avun n abye yi.

YOHANNA ƁEWYEGYE 4:9

Esa n na Anya a wye-wyeyi a ga mwa-mwa, latu n godiyai n oza aba nwo tu n esu-shinkpegye, n wo n wye-wyeyi nyalo-nyalo nyi.

YOHANNA ƁEWYEGYE 5:6

Ma shi awye magye, Kugya n gni-agni-gni n a tukwoda shiba cei anyi yi abye, n esu shinkpegye n a nya awye-wyeyi abye, kugya yi n na acigusai kpe n ɓa ɓei wu wo n sadohoi. Wo n na amwai tnaba, n na awyeyi tnaba, n ɓa zhin misali n na Zafun ngun tnabai Shekwoyi anya, n na tnu n cei n sepa dohodohoyi n na anyi.

YOHANNA ƁEWYEGYE 6:1

Shi mi ɓei shi awye, ma gye kugyai lo hatimiyi kmisunyi ya. Wa ya takarda kmikmiyi leya, zaknayi n na awye-wyeyi da n gun anyi yi mi. Wa sa ewyi n begye yi wo ngye ogma wyisa, wa ci ge, “Ɓe.”

YOHANNA ƁEWYEGYE 6:6

Begye kwa gmi n na awyewyeyi dayi mi kwa ci ge, “Bredi sule gmanyi nu, mudu ngun ata barley nya sule gmanyi nu, amma olive emi n anab-nuwan yi to lon.”

YOHANNA ƁEWYEGYE 7:11

Nsai amalaika vinya ɓa yezhi ɓai shegun esu-shinkpegye n na a tukwodayi n awye-wyeyi dayi ɓai yazhi ɓai ga Shekwoyi mwa-mwa.

YOHANNA ƁEWYEGYE 7:15

Cenu zhin ɓai zhi n Shekwoyi Esu-shinkpegye abye, ɓai zhinwo tnu-tnu n sukwoyi n nyipye dna n wo aduwa-nyakun. Oza nwo sasetu n Esu-shinkpeye nyi woɓa tuɓa ofun.