YOHANNA ƁEWYEGYE 4:4 - Alkawali Woiwoyi

⁴ Esu ashinkpegye a ɓiyi n gun shiba cei anyi n she Esu Shinkpegye dnagmayi gun, n na atukwodai ʼshiba-cei-anyi n sase kpe n ɓa, n na ajei kpe n bui-bui n rawani zinariya nya yi wan n ɓa tukwo.

YOHANNA ƁEWYEGYE 4:4 ပူးပေါင်းရင်းမြစ်များ

Matta 19:28

Yesu wa gna, “Gaiciya, esa Mi, Eza Nugun, ɓei sase tu Mi shinkpegye latu nya n Shekwoyi Bemi, fyehin, Oma bara ɓei sase kpe na shin-kpegye awo cei-aba fyei da Israilayi abye awo-cei-aba owa.

Luka 22:30

Fye ɓei gyi fyei sin dna n omi ebemi. Fye ɓei kpe n abegyi ashinkpegye fyei da a Islailayi vinya owa.

Timatawus II 4:8

N Eshe mi rawani pmi milo n Dagayi Alkali gaiciya da ɓei gami ewyi n wo ɓei jezeɓe n cei. To ge emi n mi gmanyin ama har na zai ɓe n ɓa sase n wyetuyi ge ɓa pmi owo jezeɓe lo n Jesun.

YOHANNA ƁEWYEGYE 11:16

A tukwoda shiba cei anyi nɓa sase kpe n ashinkpegye-esu nya n Shekwoyi abye nyi, ɓa yazhi ɓa ga wo mwa-mwa ɓai gna.

YOHANNA ƁEWYEGYE 14:3

Kwaya dnagmayi ye-aza dubu tagyi n cei kpe shinyi cei anyi, (144,000) ɓa kwo anyi woi-woyi, n Shekwoyi shinkpegye aba n na anya wye-wyeyi dai ngun anyi, n na tukwo dai shiba cei anyi, zaho to ɓei kpe anyi yen, sai aza dubu tagyi ncei kpe shinyi cei anyi yi ho (144,000). N na gni ɓa n na anyi nyi.

YOHANNA ƁEWYEGYE 19:14

Akun sunyi n eshe vinya n na linen manayi kpe bmiya-bmiya yi vinya, ɓai viwo n kpe n adokwo buyi.

YOHANNA ƁEWYEGYE 19:4

Atukwoda shiba cei anyi, n awyewyeyi dayi ngun anyi ɓa yazhi n kni ɓai ga Shekwoyi mwa-mwa, n wo sasetu n Esu-shinkpegye ɓai gna, Amin, Haliluya la Dagayi tu.

YOHANNA ƁEWYEGYE 2:10

To zhin wahala dnawo n ho ye ha sin nyin, gama esa fyewyi shetan ɓa she a zaho yafi n kurkuku wa mwi fye gye. Aɓa ga fye wahala anyi-pyei ngun awo. La mi gni, ha nu egbe kwo efiyi nu, mihin ce mi ɓa gaho rawani wye-wyeyi nya. Abye, mwa-mwa tna zo yi.

YOHANNA ƁEWYEGYE 20:4

Nnavun magye esushinkpegye n na azai sase kpe n ɓai n na la izini ga ɓa ɓa dawa, ma gye a wye-wyeyi aza nya n na ɓei kmiɓa tukwo ya ntu nɓa seida Yesu nya ɓo, ntu n Shekwoyi ɓeda waʼazi zhin ɓo, n na azai n ɓato ga Nyawye-wyeyi mwa-mwa n owo nya zhin-zhin yin, to ɓa gwo owo zetu nɓa nyikunmi ko abwan. Ɓai ku wye-wyeyi jebwa ɓai gyi ebe ngnisun n Kristi yi har aye tagyi ngun awo (1,000).

YOHANNA ƁEWYEGYE 3:18

“Omi shaula nho aba okwonu ha si zinariya hin-hin n mi, n na alakwo pmiaya n ena yi, nsayi nu nho ɓa ze nyabwayi, hi-hin, Hasi n mi, a je abui n gyi-gyi-yi, n nabai n hota gni n bwotolo yin, n vinyikwo yin, ha bwa shigbe n mi kwa kaho awyesan gna, kwa jeze ɓeho n wyeba gyei.

YOHANNA ƁEWYEGYE 4:10

A tukwoda shiba cei anyi ye, ɓa miya zhi n wo abye ɓa gawo mwa-mwa, wye-wyeida nyalo-nyalo nya ɓa ya oɓa a rawani zhi n wo abye, ɓai kwo anyi ɓai cige.

YOHANNA ƁEWYEGYE 4:6

N nuwan yakwoyi n wu ngye cristal kwoyi kun n shinkpegye-esu nya. Anya awye-wyeyi n gun anyi n zhi n wo shinkpegye aba, n na aba ngun anyi, ɓai ɓe n na awyei, avun n abye yi.

YOHANNA ƁEWYEGYE 5:11

Dna n mi ɓewyegye, mawo amalaika n mwa-begye n na wye! Wyeyi dayi n na Tukwodayi, ɓai kwo anyi.

YOHANNA ƁEWYEGYE 5:14

Awye-wyeyi da ɓai ci ge, Amin. A tukwodayi shiba cei anyi ɓai yazhi nwo abye ɓai ga wo mwamwa.

YOHANNA ƁEWYEGYE 5:6

Ma shi awye magye, Kugya n gni-agni-gni n a tukwoda shiba cei anyi yi abye, n esu shinkpegye n a nya awye-wyeyi abye, kugya yi n na acigusai kpe n ɓa ɓei wu wo n sadohoi. Wo n na amwai tnaba, n na awyeyi tnaba, n ɓa zhin misali n na Zafun ngun tnabai Shekwoyi anya, n na tnu n cei n sepa dohodohoyi n na anyi.

YOHANNA ƁEWYEGYE 5:8

Shi wo ɓei gwo takarda kmi-kmiyi a tukwoda shiba cei anyi ho, ɓa yazhi n kugya yi abye, zaho-zahoi n ɓa mi n molo yi shi n Zinariya papai n tulare yifi, Shekwoyi aza aduwa.

YOHANNA ƁEWYEGYE 6:11

Aga zahozahoi n ɓami aje abui-bui, a gna ɓa ge, ɓa sun esa fyewyi, sai aku oɓa azaje wu n anyi, nɓa zhin Yesu afyenu nyi, ɓa ku ɓe da ɓa.

YOHANNA ƁEWYEGYE 7:11

Nsai amalaika vinya ɓa yezhi ɓai shegun esu-shinkpegye n na a tukwodayi n awye-wyeyi dayi ɓai yazhi ɓai ga Shekwoyi mwa-mwa.

YOHANNA ƁEWYEGYE 7:9

Ndeye avun ma gye aza begye, n na ata mi aba ɓan n na abye vinya, n akniyi, n na nyitalai n gni agni zhin n esu-shinkpegye abye n kugyai, n na aje buyi kpe, n na a zunyi bwala yi shi n ɓa akun.

YOHANNA ƁEWYEGYE 9:7

Aɓo hi ɓo wu ngye a dokwo n na zhin-zhinyi n gye ɓa lo kun, N na anya hoi kpe n ɓa tukwo n gye rawani zinariya nya, oɓa awyeba wu ngye aza nyikwoci nya.