YOHANNA ƁEWYEGYE 3:7 - Alkawali Woiwoyi

⁷ “Ka wasikaye ge tukwoda nwo dna n eklisiya n Filadalfiya nyi: ‘Tnu-tnu ye nkwo nyi oza n wo Gyi-gyi-yi, n gaiciya yi n Dawuda makuliyi shi, wa gu enya ya n zaho ta mi n gun, wa gu enya n zaho ta mi n guyan, wonu na tnu.’

YOHANNA ƁEWYEGYE 3:7 ပူးပေါင်းရင်းမြစ်များ

Matta 16:19

Miɓa ga ho mabudi Shekwoyi ɓemi nya, abokunmi doho-dohoi ha gu nanyi, a la ɓa gu ʼshe, ado n ha guya, ala ɓa guya ʼshe.”

Matta 24:35

“Eshe n ʼkni yi ɓa ɓa duya, ama emi aɓeda ɓa ta shan duya m.

Markus 1:24

“Knihin nu zhin Hoi gna yi gnagna ya, Yesu Nazaratiyi, Ha ɓe Ha wuyi nu? Mi kpe Ho ye lo, Shekwoyi Nugun Gyi-gyi-yi.”

Luka 1:32

Eɓi hi ɓa zhin eza dnagmayi nu har aɓa yiwo ge Shekwoyi ɓi. Shekwoyi kwa woɓa ga eɓiye ewo dada ʼbe wato woɓa tuwo n Dawuda shinkpegye.

Luka 4:34

“Yesu Nazaratiyi, ho la ɓe ntuge ha gayi wahala. Suku-suku lo ho nya. Yita ye lo ya zhin nyaho n hoi m. Ai mi kpe ho ye lo. Oho nu zhin Shekwoyi Gyi-gyi-yi nugun.”

Yohanna 14:6

Yesu wa gna wo ge, “Omi nu zhin zokwo, n gaiciya yi n wye-wyeyi. Zaho-zahoi ta mi wa lo Dada abam, sai wa e mi aba kpa.

Atnu-tnuyi Aɓozhin 3:14

Fye to ɓo ye a lo oza Gyi-gyi-yi yam, sai ʼzawuyi.

Yohanna I 5:20

Yi kpelo ge Kristi, Shekwoyi Nugun, nla ɓe wa bmayi zhin, yakpe, ya bwa Shekwoyi hinhin ye, Nsayiye yi filo n Shekwoyi ntuge yi fi lo n Yesu Kristi owo Nugun. Nwonu zhin Shekwoyi gaiciyada gmanyi, owonu zhin wyewyeyi nyalo-nyalo nya.

YOHANNA ƁEWYEGYE 1:11

Kwoi ci ge, “Ominu zhin A n Z yi. Kmisunyi n kmazoyi,” Nna vun ma wowo woi cige, “Ka anya vinya n ha gye, ha tnun n ho wasika yi n na ikklisiya ngun tnaba aba, n ɓa fi n Turki nyi. Ikklisiya n Afisus, n doi n kwo dna n Simiruna nyi, n na adoyi n ɓa fi n Pargamus, Thiatira, Sardisu, Filadalfiya, n Lawudikiya yi nyi.”

YOHANNA ƁEWYEGYE 1:5

N Yesu Kristi yi n wa nu egbe woi wuyi gaiciya vinya nyi. Owo nu zhin Kmisunyi n wo ɓei lakala n efi, to wa shan fin. Wo du esu dohodohoyilo n esayi vinya, n wa loyiya, n yi alaifi, shi wa ze owo ami ya ntu yi ɓo nyi.

YOHANNA ƁEWYEGYE 15:3

Ɓai kwo Musa anyi, Shekwoyi fyenu n kugya anyi yi, “Oho aɓo zhin-zhin Shekwoyi ikoda, oho azokwo vinya zhin ɓefyece nu n gaiciya yi, O, Esu esa vinya nya, nyikado nu tawo edna n ma, O Dagayi, wa la oho eye tun ma? Gama oho nu zhin gyi-gyiyi n ho gmanyi yi. Akni vinya ɓaɓe ɓa ga ho mwa-mwa, gama aku oho aɓo zhin manayi wu.”

YOHANNA ƁEWYEGYE 16:7

Mawo malaika nwo gni n bagadi aba nyi woi gna, “E Dagayi, Shekwoyi ikoda oho tata wulo cewo dei-dei.”

YOHANNA ƁEWYEGYE 19:11

Nnavun ma gye eshe n guya gni n dokwo buyi gni agni gni n ɓo, ayi oza n wo ɓei sase tu n dokwo yi nyi ge, “Gbenuyi n Gaiciya yi” Oza nwo ta aza nyi, woi sun okun.

YOHANNA ƁEWYEGYE 19:2

Gama owo wada zhin ɓefyece nu n gaiciya yi. Wola karuwa yakwoi ta n wo ɓei tu anyi cegye n wo alaifi nyi, woi gba ta ga wo afyenu n na ɓei wu nyi.”

YOHANNA ƁEWYEGYE 2:1

Ka wasika ga ikklisiya tukwoda n Afisus ha gnawo ge: “Mika ma gna ho tnu-tnu n kwo gmi n wo aba n wo zan-zan dna n na ikklisiya nyi, nɓa tukwo-dai shi n wo bwai-zhe bwa nyi.

YOHANNA ƁEWYEGYE 21:5

Oza nwo sase tu n esushinkpegye nyi wa gna, “Gyewye, mi zhin anya woi-woyi nu,” wa gnami nsai ge, “Ka aɓeye kpe, gama oɓo n mi gnaho nyi kwo zhin oɓo hin-hin nu n gaiciya yi.”

YOHANNA ƁEWYEGYE 3:14

Ka wasikaye ga ikklisiya tukwoda n Lawudikiya: “Tnu-tnuye gmi n oza aba nu n wo gni agni n kalayi, Seida zhinyi egbe nuyi, gaiciya dayi (n na anya vinya nɓa nyi, kwo ɓei nyi, kwo n kwoye ɓeɓe lo) Shekwoyi nyazhin yi kmisunyi.

YOHANNA ƁEWYEGYE 4:8

Doho-dohoi n na anya a wye-wyeyi ye n na abminai gyi ngun tnanyi, oɓa abmina atasinya n fuya n na awyei, sukwo n nyipyei ɓai ci ge Gyi-gyi-yi, gyi-gyi-yi, gyi-gyi-yi Dagayi Shekwoyi ikoda, oza n wo ɓei nyi, n wo lo, owoi nu zhin ɓeɓeyi.

YOHANNA ƁEWYEGYE 5:9

Ɓa kwo anyi woi ge, “ho kuncelo I hala takarda kmi-kmiyi. Ha lo hatimi ya ha gu kwo ya. Gama aɓei la ho zun sha, oho ami n la aza si gaho n na abye vinya, ngye nyaga ntu n Shekwoyi ɓo.

YOHANNA ƁEWYEGYE 6:10

Ɓai yi Dagayi n begye kalayi ɓai gna, “O Dagayi ikoda vinya, gyi-gyi-yi, gaiciya da, ho ɓei da anyi da owa n kni wyiyi nu, tu aɓo tukwo n ɓa ɓei zhin yi nyiʼa? Ho gba efi ami ta ga yi n kniwyi yiʼa, n na aza n ɓa fi n anyi nyiʼa?”