YOHANNA ƁEWYEGYE 2:3 - Alkawali Woiwoyi

³ Hoku wahala sin ntu mi ɓo, to hoi fa min.

YOHANNA ƁEWYEGYE 2:3 ပူးပေါင်းရင်းမြစ်များ

Markus 15:21

Siman Siriniyi, woye bwa loloɓe, ayi wo wa ɓe wa bma Yesu zundu la (Siman nu zhin Alezanda dada n Rufus yi.)

Luka 14:27

Njesun oza nwo to la wohin zundu wa vi mi m, wo ta mi wa ze emi bara m.

Luka 18:1

Nwyihoi Yesu wa gna owa bara nabari ho n nabai wa wuɓa ge ɓa zhin aduwa cici. Har ɓa bwa amsa.

Luka 21:19

“Fye ku zhi dai-dai ntuge fye ɓei gni fyehin n lonu nu.

Luka 5:5

Siman wa ciwo ge, “Shekwo mwasa, ai akuyi ɓe nu zhi. Dna n sukwo vinya, yi to mi yi wan nyaho-nyahoi m. Amma she ho ku gna ge yi zhin nyi, yi ɓa tumwi ya gye.”

Luka 8:15

Amma ekni manayi wu ngye aza abugba manayi da nu. Ɓa zhin ɓa wo Shekwoyi ɓeda ɓa nyimako sosai har ɓa lo azado ncei, ntuge ɓa ka gaiciya ga ce.”

Yohanna 15:21

Aza n anyi ɓa ga fye wahala, ntu ge fye zhin oma nya nu, gama ɓa takpe Shekwoyi ye lo, nwa tnu nmi nyim.

Aromayi 12:12

Dagma n tu nyaɓo n Shekwoyi z hin gaho, zhin hakuri n wahalai, ha zhin aduwa ci-ci.

Aromayi 16:12

Fye ɓi Tarifaina gna n Tarifusayi Dagayi a tnu-tnuyi, n Barsisa yi n wa zhin tnu-tnu mwa ga Dagayi nyi.

Aromayi 2:7

Wo ɓei ga aza n ɓa zhin Shekwoyi ɓeye n hakuri yi, Wye-wyei nyalo-nyalo nya, ɓai zan mwa-mwa n latu yi shin n wyewye yi nyalo-nyalo nyai nwo ganyi.

Aromayi 8:25

Ama ndei yi ga Shekwoyi gaiciya n nya tukwo n kwoto zhin, kwo wu yi nge yi pmi n hankuri yi n bugba kalai.

Akorintiyi I 13:7

Nʼho ye za, ho ɓa viwo ɓeye komi nko nako yi; ho ɓa gawo gaiciya n naɓo vinya; oha wyetu lo nʼwo; hoi ɓa bwa atna n ʼwoi n ɓeho-ɓeho yi.

Akorintiyi I 16:16

fye zhin ɓo nɓa gna fye ge fye zhin, fya vi azaje ɓo nɓa zhin tnu-tnu ngye ɓa.

Akorintiyi II 10:15

Kwo to wu ge yi ye ya gwo mwa-mwa n zado nku zhin m. Yi ye efye gaiciya ga kwa mwa n na bai eyi tnu-tnu nfye aba kwa mwa pata.

Akorintiyi II 11:23

Ɓai gna ɓa zhin Kristi nu bauta? Ama miku bauta zhin wo ndu ɓa. (Mila zenya nu mi-i gma nsun layi). Miku tnu-tnu zhin n duɓa. Ayi dnami n kurkuku n na bwai mwabegye. A zhin mi bulala n na abwayi mwa begye. Mi sun n fiyi ci-ci.

Akorintiyi II 4:1

Shekwoyi nagayi tnu-tnu ye, dna nwo sun-sun-gye, ntuce nu yi ta gmi bugba yam,

Akorintiyi II 4:16

Ntucenu yi ta bwa bugba bmayam. Ko shi kwo nyi eyi nayi bwa konya lo-lonu, ama eyi zafun ɓe-ɓe nu ci-ci.

Akorintiyi II 5:9

Ama nya kwo du lo vinya, yi cei pma ya gawo agmada, kwo yi-i fi anyi ye kwo kwa n wo aba nʼshe.

Akorintiyi II 6:5

Esa mwa a kuyi lu, akuyi fi n kurkuku, avi ɓai wyiyi anya, tnu-tnu ku yi duwyi har ma nsahoi to yi mi n nyagyi m, balle a cige yi wangye.

Agalatiyayi 6:2

Fye wo aje akaya, fya bma aje zhin dna n wahala, kwo damuwa, nlonu fye vi yi Dagayi owa.

Agalatiyayi 6:9

Ato ɓeyi n ɓemana zhin yin, gma safyewyi yi ɓa do anabarka n yi to bma bugbaya ya fan.

Afilibiyi 2:16

Fyei wuɓa Nabari wye-wyeyi nya. Sanu n Kristi bei jeze ɓe ncei, aɓei da mi n mwa, nge emi tnu-tnu n fya ba to ze gbeloyin.

Afilibiyi 4:3

Ma gna fye, emi a tnu-tnu kun-zhin yi n gaiciya yi, fye bma anyikwoza ye zhin. Ntu ge ɓa ɓei ku tnu-tnu kun zhin n miyi dna n Nabari manayi waʼazi zhin. Ɓa tnu-tnu ngnisun zhin Klement n mi azaje yi n ɓa aye kafi lo n lifafi wye-wyeyi nya nyi.

Akolosiyi 1:11

Yi zhin aduwa n jesun, wa nu fye n wo kala yi n mwa-mwa n na bai fya gyi abye ko knidonu yi na zhiʼa. Fya ze nu-nu yi n Dagayi agmada yi cici.

Atasalunikayi I 1:3

Yi ta ze ofye atnu-tnu ye-ye nya amwi, esa n yi daɓo n Shekwoyi Dadayi, ntu fye ɓom, nfye gaiciya ga kalada yi, nfye awyetu yi nfye cei ntu Dagayi Yesu Kristi jezeɓe ɓo nna anyi nyin.

Atasalunikayi I 2:9

Fye to ye palon, omi azaje, shi yi ɓei zhin tnu-tnu n fye aba n sun, Nsukwoyi n nyi-pyei, ye zhin tnu-tnu, ya bwa nyagyi n na abai to ya tu azaho akayan, yi zhin Shekwoyi Nabari manayi waʼazi nfye aban.

Atasalunikayi I 5:12

Omi azaje, fye ga efye ikklisiya tukwoda mwa-mwa, nɓa zhin tnu-tnu n kalayi n fye aba nyi, ɓai daɓo n fyei tu na aɓo tukwo n ɓato bmiya lo nyin.

Atasalunikayi II 3:13

Ofye nfye ce nyi, omi azaje, ato ɓe fye n ɓemanayi zhin yin.

Atasalunikayi II 3:5

Dagayi ɓa ga fye awyega fya gane n Shekwoyi ye-ye yi, n hakuri yi n kwo gmi n Kristi aba nyi.

Atasalunikayi II 3:8

Yi to gwo nyagyi n zaho aba to yi-i gba won, ya zhin tnu-tnu mwa, n sukwoyi n nyipyei n na abai ya bwa agyiwye, n yi ɓei cei pma ya zhin apma n cei nyi, ntuge yi to ɓei cei pma ya tu fy akayan.

Timatawus I 5:17

A Pasto nɓa zhin tnu-tnu cewo n bugbai gmanyi, a gbaɓa dei-dei, a ciɓa dei-dei, tun baga aza n ɓa nyi-wye da waʼazi zhin n nyawu yi.

Aibraniyi 10:36

Fye zhin peceiye, fya zhin hankuri. Deye fye zhin Shekwoyi ɓeye nu. N fya zhin Shekwoyi ɓeye, fye ɓei gwo lada n mwa.

Aibraniyi 12:1

She azalo n mwa ɓai shi ya, wye nyi, yi ku akaya shanwoyi ya, yi ku a laifi fa nɓa shi yi nyi to ɓai ye ge ya gyi abye nyin. N nabai ya zan-zan dna n gaiciya n hakuri yi n Shekwoyi la shi n ya bye nyi.

Aibraniyi 13:13

Yi shegun Yesu n zhimi avun. Wato to ge nanyi ye mi m. Yi sun wahala ɓedo n vinyikwo yi n kun-sun woi.

Aibraniyi 6:10

Shekwoyi ta gyi za fim wo ta gyi za atam. Wo ku yeye gye, n fye wu aza ntu wo ɓo nyi, wo ta ze ko amwim. Fye gyi abye lonu.

Aibraniyi 6:12

Fye to wo bwato m. Fye vi anabawa kwo-kwoyi bwi. Gama ɓa dagma lo n sayi n Shekwoyi aba. Ɓala Shekwoyi alkawali gwo.

Aibraniyi 6:15

Ibrahim ɓei bwa hankuri sosai, navun wa ma Ishaku.

Bitrus II 1:6

Nnavun fye tumwi fya ga ofye ɓopwawo nnabai fya ze amizhiyi nna Shekwoyi zokwo viyi yi, fyei fa Shekwoyi wa wu fye zokwo dna na gmada.

YOHANNA ƁEWYEGYE 1:9

Ominu, efye zado, Yohanna, wahala kun-sunyi ntu n Yesu ɓo, n wo ka fye wasika ye, emihin ce, mila hakuri bwa n Yesu ga, yi ɓei gyi ebe n woyi. Mi ɓei tu n muse n na yi kwo ge Batmus, n na ɓei nyami ya ntu ge mi zhin Shekwoyi ɓeda waʼazi, mi-i da oɓo n mi kpeyolo n Yesu Kristi tukwo.

YOHANNA ƁEWYEGYE 3:10

“Ntuge hoku ɓo vi n hakuriyi ko da yace ho sin wahala lo ntucenu mi ɓa guho n wahala yakwo esa n jarabai nkwo ɓaɓe n na anyi tukwo a mwi zaho-zahoi gye n wo n wyewyeyi.