YOHANNA ƁEWYEGYE 17:9 - Alkawali Woiwoyi

⁹ “Nsaiye, zhin nubo n mwa, owo amwayi ngun tnaba zhin ezhi yakwoho nu, n mitu n ape ngun tnaba, aba n nyikwozaye sase nyi.

YOHANNA ƁEWYEGYE 17:9 ပူးပေါင်းရင်းမြစ်များ

Matta 13:11

Wa gna ɓa ge alaye fye fya kpe Eshe Ebemi ɓeye, ama toge azaje m.

Matta 24:15

“Esa fye gye asisi ɓo (ko nu anabi Danailu ɓo da ko ɓo) koi gni agni aba gyi-gyi-yi (fa bahin wa bwa awye ga).

YOHANNA ƁEWYEGYE 13:1

Ma gye nyawan-nyawan ho kwoi gmi ɓe n nuwan-yakwo, n Ina aye awyebwo nyayi kakpe n amwayi ngun awo n a rawani n gun awoyi kun n kwo amwayi ngun awo, N na bara kugya nya aye yi kakpe n kwo atukwo doho-dohoi n ɓa mi kwoi sa Shekwoyi ye n cegyei n na akmiyi.

YOHANNA ƁEWYEGYE 13:18

Oɓo ɓednayi nyi sai oza zhin nubo nu kpa oza kpekwoye. Aza n ɓaɓa mi ɓa zhinkwo awyega okwo nu zhin tnanyi-tnanyi a ku ngun ata (666) wato tagyi tnanyi n cei kpe shi tnanyi cei tnanyi.

YOHANNA ƁEWYEGYE 17:18

Nyikwoza yi n ha gye n ho ruya nyi, owonu zhin ezhi dnagmayi n kwo gyi ebe tu n asu anyi nya tukwo nyi.

YOHANNA ƁEWYEGYE 17:3

Malaika wa lami dna n Zafun, yalo bmana. Nɓo magye nyikwoza n sasetu n Nyawan-nyawan, n wu n byei-byei ciwu, n na atukwoyi ngun tnaba, n na amwayi gyi ngun awo, n nya yi kakpe nɓa, n ɓa tu Shekwoyi eye cegye.

YOHANNA ƁEWYEGYE 17:7

Malaika wa nyami ge, “Kninu zhin cei wo hoa? Miɓa wuho owo, ma wuho nyawan-nyawan n wo gun nyi, nya n wo zhin kwo dogbe.