YOHANNA ƁEWYEGYE 17:3 - Alkawali Woiwoyi

³ Malaika wa lami dna n Zafun, yalo bmana. Nɓo magye nyikwoza n sasetu n Nyawan-nyawan, n wu n byei-byei ciwu, n na atukwoyi ngun tnaba, n na amwayi gyi ngun awo, n nya yi kakpe nɓa, n ɓa tu Shekwoyi eye cegye.

YOHANNA ƁEWYEGYE 17:3 ပူးပေါင်းရင်းမြစ်များ

Matta 27:28

Ɓa kma wo aje ya vinya, ɓa kpe wo eje bye-byei.

Atnu-tnuyi Aɓozhin 8:39

Shi ɓa ɓei kun n nuwan Zafun Gyi-gyi-gyi-yi wa la Filibus to za kakayi wa je wo gye m amma walo wo nya woi dagma.

Atasalunikayi II 2:4

Wo ɓei tu Shekwoyi cegye n nya doho-dohoi n na gakwo mwa-mwa, Wo ɓei lo wo sase tu n Shekwoyi nyakun ngye Shekwoyi, woi cige wo zhin Shekwoyi nu.

YOHANNA ƁEWYEGYE 1:10

Dagayi nyipyeyi nu ɓei, mi-i gawo mwa-mwa, esa fyewyi mawo begye yakwo n mi avun, begye n wo n gye a bye kna-knaci.

YOHANNA ƁEWYEGYE 12:14

Ama a gawo a bwase n gun aba ngye zunkwo, wa gye afu lo bmana, aba n na cei zhin gni wo, aba n na ɓei shiwo bwa, ai guwo n owayi, Dragon, aye ngun ata n tokunyi.

YOHANNA ƁEWYEGYE 12:3

Esa fyewyei Dragon byei-byei kwa gmiɓe n na tukwo yi gyi ngun tnaba, n na amwayi gyi ngun awo, n na a rawani yi kun n kwo atukwo agun tnaba.

YOHANNA ƁEWYEGYE 12:6

Nyikwoza yi wa busi lo bmana, aba n Shekwoyi n cei zhiwo, wa shiwo bwa har anyi-pyeyi dubu gmanyi n tagyi gun aba n cei kpe shi tnanyi (1,260).

YOHANNA ƁEWYEGYE 17:18

Nyikwoza yi n ha gye n ho ruya nyi, owonu zhin ezhi dnagmayi n kwo gyi ebe tu n asu anyi nya tukwo nyi.

YOHANNA ƁEWYEGYE 17:4

Nyikwozai n jekpei kpe bmina-bmina ndohoi kpe ciwu, n nyigunyi zhin n Zinariya yi, n lu-lu manayi, n na akutabmiya-bmiya yi, n ebwe yi shi zinariya nya, n nunuyi n wye bwo yi, asisi nya, a cegye owo anagbai nya.

YOHANNA ƁEWYEGYE 18:12

Owonu ɓei zhinɓa anya siyi dnagmayi n zinariya, azurfa, akuta manayi, luʼu-luʼu yi, linen manayi, siliki, n eje byei-byei yi, n na shinwan sundayi, n na akaya yi n na zhin n dagba nyi-kna yi, n na shinwan nakwoyi, akaya yi n sinkna byei-byei yi, n sunkna zhiyi-zhiyi, n kuta manayi yi.

YOHANNA ƁEWYEGYE 18:16

‘Aiya, ezhi dnagmai, n bmiya ngye nyikwoza, n zhi-zhinyi n linen putu-putu yi, n eje bye-byei ciwu, n zhin-zhin yi n zinariya yi, n na a kuta manayi, n luʼu-lu-uyi.

YOHANNA ƁEWYEGYE 21:10

Wa la mi dna n ruya wa lomi yi n epe nshe, ma gye ezhi manayi-i, Urushelima gyi-gyi-yi kwoi gmi n na anyi bmana n Shekwoyi aba.

YOHANNA ƁEWYEGYE 4:2

Nsayi-sayi, mi dna n zafun, n ɓo n eshe ma gye, okwo mwa-mwa, esushikpe-gye n zahoi sasetu nkwo.