YOHANNA ƁEWYEGYE 15:2 - Alkawali Woiwoyi

² Ma gye nyaho tazhi nmi abye n wu ngye ena n maganyi yi, n na azayi gni agni kpe, nɓa ɓo gyi nasara n Nyawan-nyawan nukwoyi n owo nya zhin-zhin yi, n wo tuzei n lambai, oɓa vinya n Shekwoyi amuloyi shi.

YOHANNA ƁEWYEGYE 15:2 ပူးပေါင်းရင်းမြစ်များ

Matta 3:11

“Aza n ɓa ye abui, mi zhin ɓa batisma n nuwan yi, ama ozado ɓe lo n wo du mi lo, owo abuada mi ta mi ma shin (mi ta mi ma la wo tnu-tnu m) owo nu ɓa zhin fye batisma n Zafun Gyi-gyi-yi ɓedo n ena yi.

Bitrus I 1:7

A wahala ye ɓe da fye ntuge, a mwi fye gaiciya ga gye nu, agye kwo kwo n kalayi lo, n gyi-gyi-yi, a mwi kwo gye shi ena zhin kwo mwi zinariya gye nyi kwa zhan kwo ya, ofye gaiciya ga du zinariya lo n latu n Shekwoyi aba, ntu cenu n fye gaiciya ga migni n kalayi n kwo mutu, avun, dna n wahala abednai, kwo ɓa ɓe fye n ci-ci yi, n mwa-mwayi, n latuyi ewyi n Yesu Kristi ɓei jezeɓe nyi.

Bitrus I 4:12

Oma nugundo, ceto wofye fye ya sin wahala napyei n na bye deyen, ntuge oɓo woyi honu toye kwa bwa fyen.

YOHANNA ƁEWYEGYE 12:11

Ɓa gyi nasara n wo tukwo n kugya ami yi nu, n ɓa seidayi gama ɓato ye ɓa wye-wyeyi m, ɓa gakwo ntu wo ɓo.

YOHANNA ƁEWYEGYE 13:1

Ma gye nyawan-nyawan ho kwoi gmi ɓe n nuwan-yakwo, n Ina aye awyebwo nyayi kakpe n amwayi ngun awo n a rawani n gun awoyi kun n kwo amwayi ngun awo, N na bara kugya nya aye yi kakpe n kwo atukwo doho-dohoi n ɓa mi kwoi sa Shekwoyi ye n cegyei n na akmiyi.

YOHANNA ƁEWYEGYE 13:14

Wa zhin aɓo awo-woyi ye wo ɓei mi wa dna aza kwoce n na aba vinya, wo ɓei mi woi zhin aɓo a wowoi ye esa vinya n Nyawan-nyawan kmisunyi gni woi gye wo. Waga aza wyidna n na anyi nge ɓa zhin Nyawan-nyawan kmisunyi dogbe, n na ɓei la wo wu waje lakala nyi.

YOHANNA ƁEWYEGYE 13:17

Zahozahoyi ta bwa tnu-tnu, kwo wa si nyaho-nyahoyi n gni kwoho n tna tuze yin, n kwo nu zhin Nyawan-nyawan yi eye, kwo owo eye tuze.

YOHANNA ƁEWYEGYE 21:18

Ezhi n kwohin tukwo, nwu serai n gyi-gyi-yi zinariya nabmiya yi ngye maganyi. A zhin kwo agalu n jaspa yi nu, amikwo kpe n agoro awo-ceiaba n na akuta a nakwoyi – luʼu-luʼu yi goro kmisunyi n jaspa yi bayi n Sapphire yi tayi n chalcedonyi yi nyiyi n emaraod yi tunyi n Sardonyi yi tnanyi yi n Sardus yi tnaba yi n Crysolite yi nyimwa-nyimwa yi n beryl yi ciwa-gmanyi yi n topaz yi nwo yi n Chrysoprase yi awocei-gmanyi yi n jecinth yi awo-cei-aba yi n amethyst yi.

YOHANNA ƁEWYEGYE 4:6

N nuwan yakwoyi n wu ngye cristal kwoyi kun n shinkpegye-esu nya. Anya awye-wyeyi n gun anyi n zhi n wo shinkpegye aba, n na aba ngun anyi, ɓai ɓe n na awyei, avun n abye yi.

YOHANNA ƁEWYEGYE 5:8

Shi wo ɓei gwo takarda kmi-kmiyi a tukwoda shiba cei anyi ho, ɓa yazhi n kugya yi abye, zaho-zahoi n ɓa mi n molo yi shi n Zinariya papai n tulare yifi, Shekwoyi aza aduwa.