YOHANNA ƁEWYEGYE 13:6 - Alkawali Woiwoyi

⁶ N sai vinya wa tu Shekwoyi eye cegye n wo aduwa nyakunyi n azayi vinya nɓafi n eshe.

YOHANNA ƁEWYEGYE 13:6 ပူးပေါင်းရင်းမြစ်များ

Matta 12:34

Efye awa ɓi! Ko ɓa ye zhin nwuna aza nukwoyi ngye fye fya da ɓeda manayia? Ntu ge eza bugba nu wu za ɓo nwo ɓa da.

Matta 15:19

N bugba nu na nubo-zhin nukwoyi kun, za wu, anagbai zhin, evi, akata-ce, ntukwo mwa yi.

Yohanna 1:14

Yesu ɓo la ze Oza wa dna n anyi ye n yi atasin. Yi ku wo latu gye wye. Latu Shekwoyi ɓi gba nya nu. N nunuyi na alheri n gaiciya yi.

Aromayi 3:13

Oɓa ɓeda tucegye, n ce asin ngye vingwo nkwo gu-guyi ya gni. Oɓa nyitala nu-nuyi n na katayi. Ɓeda doho-dohoyi nɓa da kwo n mwi nukwoyi fi, n kwo ɓa wu oza.

Akolosiyi 1:19

Gama Shekwoyi ɓei ye owohin tukwo wa dna nwo Nugun.

Akolosiyi 2:9

Gama dna Kristi Shekwoyi wa wu wohin tukwo dna n nayi.

Aibraniyi 9:2

Tent (lubui) ɓo nyi ntu wo latu ɓo, ko ɓei safi n gun aba, Nyakun kmisunyi a yikwo ge aba gyi-gyi-yi.

Aibraniyi 9:24

Yesu ɓei lo eshe nu n kwohin tukwo, to ge aba gyi-gyi-yi nna mi n nabwa yi m, Wo lo n she Woi wu wohin tukwo n Shekwoyi abye ntu yi ɓo.

YOHANNA ƁEWYEGYE 11:12

N avun begye yakwo ɓei sawyi n eshe, nge, “Gunzhi ɓe,” ɓai kukala gun eshe oɓa nuwunyi gye.

YOHANNA ƁEWYEGYE 12:12

Fye dagma o, eshemi, ofye n fye zhin eshe aɓinyi. Ama aiya n fye aba aza nfye fi n anyi nyi, gama shetan n la ɓe dafye n minagyi yakwoi, Ntuge wo kpelo owo esa to ye kun lon.”

YOHANNA ƁEWYEGYE 15:5

N na avun mashi awye ma gye aba gyi-gyi-yi vinya, n na aduwanyakun n eshe mi, n guya gni.

YOHANNA ƁEWYEGYE 18:20

“ ‘Amma oho, O eshe, dagma n owo bwi-bwi, efye Shekwoyi aɓi, n na anabiyi n na amanzaniyi, gama Shekwoyi ku owa dawo gafye n sayi.’ ”

YOHANNA ƁEWYEGYE 21:3

Ma wo begye yakwo, kwoi gmi n esu-shinkpegye kwoi gna, “Shi awye Shekwoyi puwa lo n kunsun n na azai nsayi, wa sase n kunsun nɓai ɓa zhin owo aza, E, Shekwoyi nwohin tukwo wa sase dna nɓa atasin.

YOHANNA ƁEWYEGYE 4:1

A Shi mi ɓei shi awye ma gye abokunmi n guya gni n she, mawo begye n mi ɓei shinwo nyi, kwo ɓei wo n gye abye knaknaci yakwo, kwa daɓo n miyi kwa ci ge, “Ɓe ya ma wu ho aɓo nɓa ɓa zhin n na abye.”

YOHANNA ƁEWYEGYE 4:4

Esu ashinkpegye a ɓiyi n gun shiba cei anyi n she Esu Shinkpegye dnagmayi gun, n na atukwodai ʼshiba-cei-anyi n sase kpe n ɓa, n na ajei kpe n bui-bui n rawani zinariya nya yi wan n ɓa tukwo.

YOHANNA ƁEWYEGYE 5:13

“Nna vun mawo aza vinya n eshe nanyi yi, n na a zafiyi n ekni mi, n na anuwan yakwoyi ɓai gna, Anabarka, n mwa-mwai, n latu yi, n ikoi, zhin oza nya nu n wo sase tu n esu-shinkpegye nyi, n kugyai nyalonyaloi.”

YOHANNA ƁEWYEGYE 7:15

Cenu zhin ɓai zhi n Shekwoyi Esu-shinkpegye abye, ɓai zhinwo tnu-tnu n sukwoyi n nyipye dna n wo aduwa-nyakun. Oza nwo sasetu n Esu-shinkpeye nyi woɓa tuɓa ofun.

YOHANNA ƁEWYEGYE 7:9

Ndeye avun ma gye aza begye, n na ata mi aba ɓan n na abye vinya, n akniyi, n na nyitalai n gni agni zhin n esu-shinkpegye abye n kugyai, n na aje buyi kpe, n na a zunyi bwala yi shi n ɓa akun.