YOHANNA ƁEWYEGYE 10:7 - Alkawali Woiwoyi

⁷ Ama shi malaika tnabayi ɓei bye mwayi, n sayinu n Shekwoyi shiri-n kwo ɓei so shi tunyi n sapai kafin owo a bara anabi ɓei da kwo, kwo ɓa nu.”

YOHANNA ƁEWYEGYE 10:7 ပူးပေါင်းရင်းမြစ်များ

Atnu-tnuyi Aɓozhin 3:21

Gama woɓa sase n ʼshe har anya vinya la kun n laifi, ɓo nu aɓo ku da n kwo-kwoyi. Musa ɓo da ge Dagayi ɓa ga fye anabi nfye mi ngye mihin, sai fya wo wo.

Aromayi 11:25

Mi n cei pma fya kpe gaiciya ye n Shekwoyi aba, emi azaje yeyeyi n na bai nfye ta mwa fyehin tukwo fya ya abokwo zhin, E, kwo zhin gaiciya nu nge a Yahudiyi ho zhin gaba lo n Nabari Manayi-nsaiye, ama kwo ɓa bwa esanu la n fye abyedo fya ku ɓe Kristi aba vinya, efye n fya ye fya ɓe.

Aromayi 16:25

Mi fi fye n Shekwoyi akun, n wo ɓa mi wa ga fye kala, fya mizhi n Dagayi nyi shi Nabari Manayi da. Shi ma gna fye n wu nyi. Shekwoyi gni-gni shiri nyi ntu n fye ɓo abyedo n soshi tnuyi n sapa. Ama shi anabi ɓei ku pmada shi Shekwoyi wa gbe, a zhin Nabari ye waʼazi lo n na abaho-bahoi, n na bai aza vinya n na anyi, ɓa ga Kristi gaiciya ɓa vi wo ɓo. Shekwoyi gmanyi n cece wum wo nu nyi, mwa-mwa kunsun n woi ntu n Yesu Kristi ɓo. Har nyalo-nyalo Amin.

YOHANNA ƁEWYEGYE 14:6

Magye malaika doho woi gye afu n na anyi bmana, n Nabari manayi shi, wa zhin aza waʼazi ba akni doho-doho, n na abyei, n na anyitalayi.

YOHANNA ƁEWYEGYE 17:17

Gama Shekwoyi ɓei dnaɓa shiri nɓa nubo zhimi, shiri n kwo ɓanu wo beye. Ɓa ɓei gun egbe ɓa ga nyawan-nyawan byei oɓa ebegyi, n na abai Shekwoyi ɓeda kwa nu.