YOHANNA ƁEWYEGYE 1:9 - Alkawali Woiwoyi

⁹ Ominu, efye zado, Yohanna, wahala kun-sunyi ntu n Yesu ɓo, n wo ka fye wasika ye, emihin ce, mila hakuri bwa n Yesu ga, yi ɓei gyi ebe n woyi. Mi ɓei tu n muse n na yi kwo ge Batmus, n na ɓei nyami ya ntu ge mi zhin Shekwoyi ɓeda waʼazi, mi-i da oɓo n mi kpeyolo n Yesu Kristi tukwo.

YOHANNA ƁEWYEGYE 1:9 ပူးပေါင်းရင်းမြစ်များ

Matta 20:23

Wa gna ɓa, “Fye ɓa ku sin nkwo. Ama mi ta mi ma da, aza n ɓa ɓei sase kpe na shinkpegye n wo Vivi n Mi yi m. Aba deye zhin ntu naza ɓo nu n mi Dada wa ga ɓa.”

Markus 10:39

Ɓa ci ge, “yi ɓami.” Yesu wa ci ɓa ge, “Fye ɓa sin dna n Mi kofi azhin fye batisma n Mi batisma yi,

Yohanna 16:33

Ma gna fye deye, ntu ge fya bwa bugbafu nu. Fye ɓa bwa wahala dna nanyi ye. Ama agu-tu-fye ngye apma, Miku nasara zhin n nanyi yi.”

Atnu-tnuyi Aɓozhin 1:15

Wyiho ɓa ye zhi aza 120 ɓa zhin adduwa Bitrus wa laka gni wa da ɓo n ɓai.

Atnu-tnuyi Aɓozhin 14:22

Ɓai bma a Yesu viyi zhin n Yesu ɓedayi, ɓa gna ɓa ge ɓa to fa Yesu m. Kwo wahalai nu ɓe, ntuge zokwo nu bwa sun nu n ko ɓa lo n yi n she.

Aromayi 8:17

Shi yi zhin owo aɓi nu nyi, yi ɓei gyiwo gado – ntuge nya n Shekwoyi gawo Nugun Yesu kwo zhin eyi nyanu ce. Ama n yi ye owo mwa-mwa tilas ya gye azhin nkunsun nwoi.

Aromayi 8:25

Ama ndei yi ga Shekwoyi gaiciya n nya tukwo n kwoto zhin, kwo wu yi nge yi pmi n hankuri yi n bugba kalai.

Akorintiyi II 1:7

Ntuce nu eyi awyetu n fye, kwo ta sha-sha m. Yi kpelo ge shi fye sin wahala lo ngnisun n yi nyi, fye zhin fya bwa eyi atnazhin hi pya lo ce.

Afilibiyi 1:7

Kwo wulo cewo ma wo n mi mi ntu fye ɓo ngye shi mi wo nyi, ntuge, fye dnalo n mi bugba mwa. Yila gni bwa ngnisun Shekwoyi anabarka esa n mi ɓei dna n Kurkuku nyi, n esayi n mi ɓei la gmi nyi. Mi-i sunkun ntu gaiciya ɓo mi-i gna aza Kristi nabari.

Afilibiyi 4:14

Ama dudu lo nu, fye ku zhin n bmiya n fya bma mi zhin dna n mi wahala n saiye nyi.

Atasalunikayi II 3:5

Dagayi ɓa ga fye awyega fya gane n Shekwoyi ye-ye yi, n hakuri yi n kwo gmi n Kristi aba nyi.

Timatawus II 1:8

Ndei ha zhin apma n ikoyei n kwo dna n ho nyi, hota wo aza dnan, n Dagayi ɓeda gnayi n, kwo ɓai kpe ge mi zhin ho nugundo nu, koda-yake mi dnalo n kurkuku ntu n Kristi eye ɓo. Ho ɓa gni n shiri yi zhin-ha sin wahala n miyi ntu n Dagayi-ɓo, gama woɓa gaho kala dna n na azhingye.

Aibraniyi 10:36

Fye zhin peceiye, fya zhin hankuri. Deye fye zhin Shekwoyi ɓeye nu. N fya zhin Shekwoyi ɓeye, fye ɓei gwo lada n mwa.

Bitrus I 5:1

Nsaiye ofye a eklisiya tukwoda, omi n mihin mi zhin tukwoda nu, n ma wyei mʼɓei ku gye Kristi woi fi tu n zundu, n mihin mʼɓei bwa wo mwa-mwa, n wo latu yi esa n wa jeze ɓe cei, Oma tukwodaje, emi wyegyi nfya ba ge:

YOHANNA ƁEWYEGYE 1:1

Littafi ye kpe anya, anyaya n ɓa ɓa zhin esa fyewyi, n Yesu Kristi asesemi, Shekwoyi ɓei ga wo Izini ge wo kpe ɓa nya ya wu Yohanna owo bara. A tnu n Malaikayi n eshe wa ɓe wa wu wo oɓa awyega.

YOHANNA ƁEWYEGYE 1:2

Yohanna wa kaɓa kpe vinya, Shekwoyi ɓeda, n Yesu Kristi yi n na aɓei vinya n wo ɓei wo, woi ce woi gye.

YOHANNA ƁEWYEGYE 1:4

Daga Yohanna, zuwa a ekilisiya n gun tnaba n ɓa fi n Asiya nyi, Turki. Omi anugundo, Alheri, n bugbafuyi, nɓa kun n Shekwoyi aba, nwo nyi nyi, n wo ɓei nyi, woi ye wa ɓe, n na zafun ngun tnabayi nɓa zhi n wo abye nyi.

YOHANNA ƁEWYEGYE 1:6

Wola yi yezhi fi n owo ebemi, wa zeyi a pirist Shekwoyi owo Dada anya. Fye gawo mwa-mwa nyalo-nyal-o nya, wo gyi ebe nyalonyalo Amin.

YOHANNA ƁEWYEGYE 11:7

Esa n ɓa ɓei ku zo n ba seida yi aye ngun ata n tokunyi, oza nukwoyi n wo gmiɓe n obwotnanceyi nyi, wo ɓei ya okun n ɓayi, woi gyi nasara n ɓa tukwo woi wuɓa.

YOHANNA ƁEWYEGYE 12:11

Ɓa gyi nasara n wo tukwo n kugya ami yi nu, n ɓa seidayi gama ɓato ye ɓa wye-wyeyi m, ɓa gakwo ntu wo ɓo.

YOHANNA ƁEWYEGYE 12:17

Nnavun Dragon kwa gyiminagyi kwa nya owo aɓi-aje vinya n ɓa vi Shekwoyi owa ɓai gna ɓa zhin Yesu anya nu. Wa gni woi pmi n ola gbe.

YOHANNA ƁEWYEGYE 13:10

Shekwoyi aza n na ɓai zhi n kurkuku ɓo, aɓei wanɓa, ai lo n ɓai, aza n na n ɓai zhi n efi ɓo aɓei wuɓa, Amma fyeto wo ednan, gama efye sa nyi hankuri nya n bugba kalayi.

YOHANNA ƁEWYEGYE 14:12

Fa deye kwa ga Shekwoyi aza kala, ɓa zhin hakuri dna n wahala doho-dohoyi n nazhinyi, gama aza n ɓa mi zhi n kalayi dna n wo awyi-dnai vi, ɓai kpema Yesu, ɓa zhin aza gyi-gyi-yi nu.

YOHANNA ƁEWYEGYE 19:10

Ma yashi nwo apita ma ga wo mwa-mwa, ama wa gna, lafa to zhin. “Gama mi zhin Shekwoyi fyenu nu n gye ho ce, n ho azajei a Yesu viyi, n ɓa zhin seida n ɓa gaiciya gayi n Yesu nyi.” Delili anabci ye nya vinya, n na ɓoi n ma wu ho nyi, ɓa zhin seida nu tu n Yesu tukwo.

YOHANNA ƁEWYEGYE 20:4

Nnavun magye esushinkpegye n na azai sase kpe n ɓai n na la izini ga ɓa ɓa dawa, ma gye a wye-wyeyi aza nya n na ɓei kmiɓa tukwo ya ntu nɓa seida Yesu nya ɓo, ntu n Shekwoyi ɓeda waʼazi zhin ɓo, n na azai n ɓato ga Nyawye-wyeyi mwa-mwa n owo nya zhin-zhin yin, to ɓa gwo owo zetu nɓa nyikunmi ko abwan. Ɓai ku wye-wyeyi jebwa ɓai gyi ebe ngnisun n Kristi yi har aye tagyi ngun awo (1,000).

YOHANNA ƁEWYEGYE 3:10

“Ntuge hoku ɓo vi n hakuriyi ko da yace ho sin wahala lo ntucenu mi ɓa guho n wahala yakwo esa n jarabai nkwo ɓaɓe n na anyi tukwo a mwi zaho-zahoi gye n wo n wyewyeyi.

YOHANNA ƁEWYEGYE 6:9

Shiwo ɓei lo hatimi tnuyi ya, ma gye bagadi, n kwo sinta magye awye-wyeyi azanya n na ɓei wu ɓa ntu Shekwoyi Ɓeda waʼazi zhin ɓo, ntu n oɓa gbenu ɓo dna n seida zhin.

YOHANNA ƁEWYEGYE 7:14

Maci ge, Awo, Shekwo Mwasa, mi gyiho wye, ha gnami. “Aza nyi n ɓa kun n wahala Dnagmayi, ɓala oɓa aje zhanya n bui-bui fi n kugya ami.