YOHANNA ƁEWYEGYE 1:1 - Alkawali Woiwoyi

¹ Littafi ye kpe anya, anyaya n ɓa ɓa zhin esa fyewyi, n Yesu Kristi asesemi, Shekwoyi ɓei ga wo Izini ge wo kpe ɓa nya ya wu Yohanna owo bara. A tnu n Malaikayi n eshe wa ɓe wa wu wo oɓa awyega.

YOHANNA ƁEWYEGYE 1:1 ပူးပေါင်းရင်းမြစ်များ

Yohanna 12:49

Gama ɓeda nmi da nyi omi ɓeda nu tom, Mi da ɓo nu n Dada wa tnu mi ge mi da.

Yohanna 15:15

Mi to yi fye lo ge afyenu m, ntu ge puwada to zhin wa zhin shaula nfyenu yim, Fye zhin mi anugundo nu, ntu ge mi ku aɓo gna fye vinya n Dada wa gna mi nyi.

Yohanna 17:8

Ntu ge mi ku ho awyidna ga ɓa vinya, ɓai la gwo. Ɓa kpe lo ge ma gmi nho aba nu, Oho na tnu mi.

Yohanna 3:32

Nya wa wo, woi gye, ko nu n wo da, ama aza fyewyi nu ga wo ɓeda gaiciya.

Yohanna 8:26

Aɓo lo mwa n mi ɓa da, har ma zun fye kni n owa yi, ama oza nwa tnu mi nyi wo zhin gaiciya da nu, aɓo nma wo nwo aba Imi ku gna anyi.

Aromayi 16:25

Mi fi fye n Shekwoyi akun, n wo ɓa mi wa ga fye kala, fya mizhi n Dagayi nyi shi Nabari Manayi da. Shi ma gna fye n wu nyi. Shekwoyi gni-gni shiri nyi ntu n fye ɓo abyedo n soshi tnuyi n sapa. Ama shi anabi ɓei ku pmada shi Shekwoyi wa gbe, a zhin Nabari ye waʼazi lo n na abaho-bahoi, n na bai aza vinya n na anyi, ɓa ga Kristi gaiciya ɓa vi wo ɓo. Shekwoyi gmanyi n cece wum wo nu nyi, mwa-mwa kunsun n woi ntu n Yesu Kristi ɓo. Har nyalo-nyalo Amin.

Titus 1:1

Wasika ye kwo gmi n Bulus akun nu, Shekwoyi fyenu, Yesu Kristi tnu-tnuyi.

YOHANNA ƁEWYEGYE 1:19

Ka enya n ho ye bwagye nyi, n na anyai n na ɓa wuho esafyewyi.

YOHANNA ƁEWYEGYE 1:9

Ominu, efye zado, Yohanna, wahala kun-sunyi ntu n Yesu ɓo, n wo ka fye wasika ye, emihin ce, mila hakuri bwa n Yesu ga, yi ɓei gyi ebe n woyi. Mi ɓei tu n muse n na yi kwo ge Batmus, n na ɓei nyami ya ntu ge mi zhin Shekwoyi ɓeda waʼazi, mi-i da oɓo n mi kpeyolo n Yesu Kristi tukwo.

YOHANNA ƁEWYEGYE 17:1

Zaknayi n na amalaika n ɓa ɓei ze anyasan anukwoyi ya nyi, wa ɓe wa daɓo n mi yi, wa gna, “Ɓe ngnisum n miyi, ma wuho oɓo n kwo ye kwa bwa Karuwa Tawoɓo ye, n wo sase tu n na anuwan yakwo anyi nya nyi.

YOHANNA ƁEWYEGYE 19:10

Ma yashi nwo apita ma ga wo mwa-mwa, ama wa gna, lafa to zhin. “Gama mi zhin Shekwoyi fyenu nu n gye ho ce, n ho azajei a Yesu viyi, n ɓa zhin seida n ɓa gaiciya gayi n Yesu nyi.” Delili anabci ye nya vinya, n na ɓoi n ma wu ho nyi, ɓa zhin seida nu tu n Yesu tukwo.

YOHANNA ƁEWYEGYE 19:9

Malaika wa ba ɓeda ye gami, “An, abarka da nu aza n na la ɓa yi ɓa ɓe kugya a buki aba.” Wa kma ɓeda ɓe nge, “Shekwoyi nu na dace.”

YOHANNA ƁEWYEGYE 21:2

Omi Yohanna, magye, Ezhi Gyi-gyi-yi, Urushelima woi-woyi kwoi gmi n Shekwoyi aba n eshe kwoi shin zhi ɓe, nya bmiya-bmiya yi, ngye mula anyikwo n wo mula pa aba.

YOHANNA ƁEWYEGYE 21:9

Malaika gmanyi n na amalaika tnaba mi nɓa n ɓo ze a papa anyasan dnagmayi nya nyi, wa ɓe wa gna mi ge, “Gni ɓe n miyi ma wuho mula-nyikwo, kugya nyikwo.”

YOHANNA ƁEWYEGYE 22:1

Wa wu mi ola gyi-gyi-yi Nuwan wye-wyeyi nya, n tna cegye dnayi n gye crystal, kwoi zhe n Shekwoyi shinkpegye, n Kugyayi.

YOHANNA ƁEWYEGYE 22:16

Omi Yesu, mi la tnu n mi malaika yi, wa gna a eklisiya aɓeye, e mi nu zhin Dauda abye tukwo n wo yawyi. Ominu zhin kpasu labmi nya.”

YOHANNA ƁEWYEGYE 22:6

Malaika wa gnami ge, ɓeda ye zhin gbenu yi nu n gaiciya yi. “Mi ɓelo esa fyewyi.” Shekwoyi n wo gna owo anabi oɓo nkwo ɓelo n na abye nyi, wo na tnu n-wo malaika yi wagnaho ge abyeye ɓelo esafyewyi. Anabarka da nu oza n wa gakwo gaiciya, n na anya yi vinya n ɓa kafi littafi.

YOHANNA ƁEWYEGYE 22:8

Omi Yohanna, magye ma wo aɓeye vinya, ma yashi ma ga malaika mwa-mwa n wa wumi ɓa nyi.

YOHANNA ƁEWYEGYE 22:9

Ama wa gna, “Awo, to zhin oɓo n wu lo nun, emihin ce, mi zhin Yesu bara nu n gye ho, n ho azajei anabi, n na azai n ɓa wo ɓeda n na cei kafi n littafi, ga Shekwoyi nu mwa-mwa n wo gmanyi yi.”

YOHANNA ƁEWYEGYE 4:1

A Shi mi ɓei shi awye ma gye abokunmi n guya gni n she, mawo begye n mi ɓei shinwo nyi, kwo ɓei wo n gye abye knaknaci yakwo, kwa daɓo n miyi kwa ci ge, “Ɓe ya ma wu ho aɓo nɓa ɓa zhin n na abye.”

YOHANNA ƁEWYEGYE 5:7

Wa lakala ɓe abye wa gwo takarda kmi-kmiyi n za akun n wo ɓei sase tu n esu-shinkpegye nyi.