Yohanna 7:4 - Alkawali Woiwoyi

⁴ Ndei ho ye a kpe ho ye, sai ha hohin gmi wu, to zhin aɓo n so-son, shi ho mi lo hoi zhin aɓoye nyi, wu hohin n anyi vinya aba.”

Yohanna 7:4 ပူးပေါင်းရင်းမြစ်များ

Matta 23:5

Nya ɓa zhin vinya ɓa zhin ge agye nu. Ɓa zhan ɓo gye aza gyi-gyi-yi, ɓai shi a takarda aduwa nya n na ayoyi kafi, ɓai ɓe atnu-tnu-je ɓopa nya yi kpe.

Matta 4:6

“Gye agna,” Shetan nu gna Yesu lonu, “ntu ge ha wu ge ho zhin Shekwoyi Nugun nu, ntu ge Shekwoyi ɓeda gna ge, ‘Shekwoyi ɓa tnu amalaika ɓa kna ho to ha wu ho hi m.’ Ɓa ɓa knaho to ha lu hohin ya n na pma m.”

Matta 6:16

“N sayi ntu azumi ɓo. Fye tna nyagyi-gyi ntu zafun ɓo. Fye to zhin kwo pei-pei m, ngye shi a kwoce- dnayi zhin ɓa wu ge ɓa n wahala yi lo, to ɓa so tukwo m, n nabai aza ci ɓa sun-sun. Gaiciya, lada nu n ɓa ɓa bwa.

Matta 6:5

Ntu aduwa zhin ɓo, esa fya zhin aduwa, fye to zhin ngye a kwoce dnayin. Ɓa nu n a zhin aduwa na zokwo n aduwa nyakun yi, ntu ge aza gye ɓa. Gaiciya, oɓa lada nu n ɓa ɓa bwa gwo.

Luka 6:45

Oza manayi zhin wa zhin aɓo manayi. Aɓo manayi zhin ɓa knu n wo bugba nu. Oza nukwoyi kwa wa zhin aɓo nukwoyi. Ɓa kun n wo bugba nu ce. Nya kwo dna bugba a zhin a gye kwo nɓeda.

Yohanna 18:20

Yesu wa dna ɓegbe wa ci ge, “Aza kpe mi nyawu ɓeye lo vinya, Ma ku waʼazi zhin dna nna duwa-nyakun, a Yahudiyi atukwoda ɓai wo. Mi to wu nyaho n vim, ma wu kwo pei-pei nu.

Yohanna 7:3

Yesu amaje ɓa gna wo ge wo lo Yahudiya ntu awyefan ɓo. “Lo aba n aza lo, ntuge ho zhin aɓo wo-woyi nabai oho abara ɓa gye.

Yohanna 7:5

Ntu ge ko owo amaje nɓahin, ɓa to ɓo ga wo gaiciya m.