Yohanna 5:4 - Alkawali Woiwoyi

⁴ Ntu ge malaika Dagayi nya ɓei zhin woi ɓe nsa-sayi, wa bui nuwan zundna hi. Oza nwa kmi pita dna, n nuwanhi wa gwo kagna.

Yohanna 5:4 ပူးပေါင်းရင်းမြစ်များ

Matta 11:12

Tunyi, esa nu Yohanna ɓo ya waʼazi zhin ɓedo n batisma yi har n sayi, aza mwa begye lo ɓai ɓe Shekwoyi ebe mi.

Matta 6:33

Wo ɓa ga fye ɓa n bugba da yi, ndei fya wo nu shi na bye kpa, fyei zan-zan ngye shi wo ye fya zan.

Luka 13:24

Yesu wa cige, “Abokunmi eshe nya bwa sun ciwyi nu. La hoi yi n nabai ho lo. Gama aza mwa ɓei ye ntuge ɓa lo fi, amma sanu puwa da ɓei gu aba ato ɓei shan aba bwa m. Nsayi oza n wo ɓei gni woi ci ge Dagayi gu mi abaya, Dagayi ɓei ciwo ge, ‘Mi ta kpe hoye lo m.’

Luka 16:16

Kafin Yohanna wo ya waʼazi zhin n batisma yi, Musa owa, nu ɓei zhin fye zokwo ɓedo n waʼazi n anabi gbo-gbo ɓei zhin anyi. Amma Yohanna wa ɓe fye n nabari maayi nge Shekwoyi bemi la ga ɓe. To aza zhi nyi n mwa ɓai ye.

Yohanna 5:3

Anyasan-yi ɓei zhi ɓo n mwa begye, awyebuayi, naʼzab-mazhiyi, na bwa-fifiyi dayi. Ɓai zhi ɓai pmi nuwan zundnahi kwa shan-shan.

Yohanna 5:5

Ozaho ɓei shi ɓo, n wo ɓei ku aye bwa shita-cei-nyimwa-nyimwa (38) shi nyasan ɓei ya wo.

Yohanna 5:7

Nyasan-yi wa ci wo ge, “Mi ye lo, ama mi to nzayi lo nwo ɓa bma mi zhin m. Shi mi ye lo ma lo dna, ma gye zado la lolo dna n ma bye.”

Akorintiyi I 6:11

Esa lo n na zaho ɓei bwa wu lonu n fye mi, ama n sayi ala fya laifi zhan ya, a la fye kni ntu Shekwoyi ɓo. Wo la fye gwo ntu nya ɓo n Dagayi Yesu Kristi n Zafun Shekwoyi nya yi wa zhin nfye ɓo.

Yohanna I 1:7

Ama n yi zan-zan fi n buzangna Shekwoyi nya, shi Kristi ɓei zhin nyi, yi n jedoɓe yi lo n bugba buyi n na ajei, Yesu owo Nugun ami ɓa zhanyi ya na laifi vinya.