Yohanna 3:3 - Alkawali Woiwoyi

³ Yesu wa gna wo, “Miɓa gna ho gaiciya, sai a shan ho ma, ho ta mi ha gye Shekwoyi bemi m.”

Yohanna 3:3 ပူးပေါင်းရင်းမြစ်များ

Matta 16:17

Yesu wa gna wo ge, “Shekwoyi la ho tu anabarka, Siman, Yunana nugun. Ntu ge emi Dada n wo dna ʼshe nyi, wo na wu ho ɓeye, zanyikoci nu ton.

Matta 19:24

Ma je fye gna, kwo du lo n sauci lakunmi kwa du naci bwo da duciya da wo lo Shekwoyi ʼbe-mi!”

Matta 21:31

Aɓi ngun-aba yi, nyika nu vi wo dada ɓeye a?” Ɓa ci ge. “Ai eɓi kmisunyi nu.” Yesu wa wu ɓa wa gna, “Lalei aza nukwoyi na-kaluwa yi, ɓei ku lo Shekwoyi bemi n fya bye.

Matta 5:18

N mi bugba yi vinya, Ma gna fye, owa doho-dohoyi kwo ɓa gyi abye lo nu har kwa nu oɓo na ye ce yi.

Markus 10:14

Ama sanu Yesu ɓei gye ɓo ɓa zhin, to ca dawo m, Wa ci ɓa ge, “Fye fa aɓi nawyi ɓa ɓe Ma ba, gama Shekwoyi bemi zhin ɓa nya nu. Fye to nya ɓa yam.

Markus 9:47

“Nho wye zhin laifi, ha kwo gmiya. Gwoma ho lo Shekwoyi bemi n wyei gmanyi aya cige oha wye gnu aba gye anapyi.

Yohanna 1:13

Aza nɓa ga wo gaiciya ɓa ku zhin aza n na la ɓa shan ma. Toge nayi nami nu, kwokuwa n za ɓemwi m, ama Shekwoyi na ma ɓa dna n wo ɓe ye.

Yohanna 1:5

Buzangnahi kwoi kna aba ya n wyegma. Wyegma kwa kwo ta mi kwa gyi kwo sun m.

Yohanna 1:51

Ho ɓa gye eshe kwoi guya, ho gye a mailaika ɓai shin zhi ɓai je gun, dami, Oza nugun.

Yohanna 12:40

“Shekwoyi ku awye bua ɓa. Woi la bugba dna ɓa kala, ntu ge, to ɓa mi ɓa gye wyeba ko ɓa bwa awyega dna nɓa bugba ko ɓa ɓe mi aba, ma ka ɓa gnam.”

Yohanna 3:4

Ce ɓei wo Nikodimu n mwa, wa nya ge, “A shan mi ma n wu na? A zhin a shan zakwoyi ma? Zakwoyi ɓa mi wa lo wo ʼya nubo a je wo ma?”

Akorintiyi II 4:4

Ɓa ta ga gaiciya lom, ntuge oɓa ɓo nubozhin fi lo a wyegma. Shetam nu nafi ɓa ɓo. Wo ta ye ge ɓa gye buzangna n kwo ɓe oɓa ʼba nyi m. Buzangna n kwo kun n nabari manayi aba n ko wu Yesu Kristi latu nyi, n wo nu zhin Shekwoyi degbe nyi.

Akorintiyi II 5:17

Esanu oza la vi Yesu, wola ze oza woi-woyi, oza kwo-kwoyi la duya, hali woi-woyi la ɓe.

Agalatiyayi 6:15

Kwo to shan do lo m, kwo ai ya zhin yi kaciya ko to ai zhin yin, oɓo dnagmayi gmanyi kwonu ge, kwo alai shan ma, yi ku ze aza woi-woi.

Afisusuyi 2:1

Nsa dohoi fye ɓei fi n Shekwoyi knitu sinta, n zunkni zhi nyalonyalo ntu n fye alaifi ɓo.

Titus 3:5

Wa gniyi, tu ntuge n eyi ɓemana zhin ɓo nu wa gni yin, ama ntu n wo alheri ɓo n sun-sungye yi, wa zhan yi alaifiya, wa gayi agmada Zafun Gyi-gyi-yi nya n yi abugbami.

Yakubu 3:17

Ama wyemwa n kwo gmi n ʼshe, kwo gyi-gyi-yi, n nasuwayi, kwo ye bugba fu n ɓemanazhin yi, kwo ye n na aza tayi, kwo ga kwohin n na aza ba, kwo nunuyi n sun-sun-gyeyi, n na ɓemana-zhinyi, kwo n bugbayi gmanyi, n lo cewo n tna kata.

Bitrus I 1:3

Mwa-mwa vinya Shekwoyi nya nu n Dadayi, eyi Dagayi Yesu Kristi nya, ntuge owo sun-sungye tnazoyi nu na gayi esa a shan yi ma. Nsaiye yi sase n na awyetu wye-wyeyi nyalo-nyalo nya yi, ntuge Kristi ɓei la laka n efi.

Yohanna I 2:29

Shi yi kpelo ge Shekwoyi zhin oza manayi nu, woi zhin ɓemana n esai vinya, yi ɓa mi ya ci ge, aza nɓa zhin ɓe mana, ɓa zhin owo aɓinu.

Yohanna I 3:9

Oza n na la wo ma dna n Shekwoyi aɓi wo ta gyi abye n laifi zhin yin, ntuge nsaiye Shekwoyi wye-wyeyi dnalo n wo, ntuce wo ta gyi abye n laifi zhin yin, ntuge ala wye-wyeyi woi-woyi ye ma dna nwo, kwoi wanwo shi, alawo shanma.

Yohanna I 5:1

Nza ga gaiciya ge Yesu nu zhin Kristi, woi zhin Shekwoyi Nugun nu n ho Gniyi, agye ho zhin Shekwoyi ɓinu. Oza n wo ye n Dadayi, wo ye lo nu n wo Nugun yi.

Yohanna I 5:18

Oza to lo n wo la zhin Shekwoyi oɓi n wo ɓa gyi abye n laifi zhin, gama Kristi, Shekwoyi Nugun, wo yi shilo n kalayi, shetan ta mi wa to wo bwan.

Yohanna I 5:4

Gama Shekwoyi ʼɓi doho-dohoyi ɓami wa vi wo, woi gyi nasara n laifiyi, n na shakpe nukwoyi anyi nya yi, n wa kpema Kristi ntu ge wa bma wo zhin.

YOHANNA ƁEWYEGYE 3:14

Ka wasikaye ga ikklisiya tukwoda n Lawudikiya: “Tnu-tnuye gmi n oza aba nu n wo gni agni n kalayi, Seida zhinyi egbe nuyi, gaiciya dayi (n na anya vinya nɓa nyi, kwo ɓei nyi, kwo n kwoye ɓeɓe lo) Shekwoyi nyazhin yi kmisunyi.