Yohanna 17:3 - Alkawali Woiwoyi

³ Zokwo wye-wyeyi nyalo-nyalo nya nu nyi, ɓa kpe ge ho nu zhin Shekwoyi gaiciya nya gmanyi, ɓedo n Yesu Kristi yi n ha tnu nwoi dna anyi nyi.

Yohanna 17:3 ပူးပေါင်းရင်းမြစ်များ

Markus 9:37

“Eza n wa ye na ɓiyi ngye za deye dna Miye, wo ye n Miyi nu. Eza n wa ye n Miyi, woye n Mi Dadayi nu n Wa tnu n Miyi nyi.”

Luka 9:48

Wa gna ɓa ge, oza nwa gwo oɓi nawyi ye dna nmi eye, wo gwo mi nu, oza nwa gwo mi, wo gwo oza nu nwa tun mi nyi. Oza nwo zhin oza nawyi owo nu ɓa zhin oza dnagmai.

Yohanna 10:36

Ama Omi da, Dada la mi ze gyi-gyi-yi. Owo nu na tnu nmi yi. Mi kpe wo agye nwuna? Shi ma yi Mihin ge Shekwoyi Nugun?

Yohanna 11:42

Mikpe lo ge ho zhin ha wo mi cici, ama mi da deye lonu, ntu aza ɓo nu nɓa zhi ya nyi, ntuge ɓa ga gaiciya ge oho na tnu mi.

Yohanna 14:26

Ama shi Dada ɓo tnu n Bmazhinyi, wato Zafun Gyi-gyi-yi wo ɓo wu fye aɓo vinya. Njesun wo ɓo pa fye aɓo n mi ku gna fye nyi.

Yohanna 17:18

Ngye shi ha tnu mi dna nanyi nyi, elo nu mihin mi tnu ɓai fi nanyi.

Yohanna 17:21

Mi zhin aduwa ge ɓa ze gmanyi, Dada, ngye shi mi dna nho, ohohin ndna nmi. N lo nu ɓa fi n yi mi, ntu ge anyi ɓa ga gaiciya ge oho na nu mi.

Yohanna 17:23

Omi ndna nɓa mi, ohohin ndna nmi. Fwa ɓa ze gmanyi dei-dei, anyi ɓa kpe ge oho na tnu nmi-i, Mi ku ye nɓai ngye shi hohin ha ye mi nyi.

Yohanna 17:25

“O, Dada ɓefyeceyi, anyi ta kpe ho ye lo m. Ama mi da kpe ho ye lo, abara ye njesun ɓa kpe lo ge ho na tnu nmi yi dna na nyi.

Yohanna 17:8

Ntu ge mi ku ho awyidna ga ɓa vinya, ɓai la gwo. Ɓa kpe lo ge ma gmi nho aba nu, Oho na tnu mi.

Yohanna 3:17

Shekwoyi to ɓei tnu n wo ɓi-i ntu ge wa da ʼwa nun, ama ntuge wa gni anyi.

Yohanna 3:34

Yesu n Shekwoyi wa tnu woi nyi, wo da owo aɓeda nu; Shekwoyi la Zafun gawo ntna cezhiba.

Yohanna 5:44

Fye ta mi fya ga gaiciyam ntuge fye zan latu shin n aje aba, to fyei gye fye anuwan n latu yi nkwo gmi n Shekwoyi abam.

Yohanna 6:57

Ngye shi Dada wye-wyei nya wa tnu n mi-i, mi n wye-wyei lo ntu wo ɓo. Elonu oza nwa gyi mi nayi wohin wo ɓa bwa wye-wyei ntu mi ɓo ce.

Yohanna 7:29

Ama mi kpe wo ye lo, ntu ge ma gmi nwo aba nu, owo na tnu mi.”

Yohanna 8:19

Ɓa nya wo ge, “Oho Dada gni na?” Yesu wa gna ɓa ge, “Fye ta kpe oza ye nwo zhin omi Dada m, Fye ɓo kpe mi ye lo, fye kpe wo ye ce.”

Akorintiyi I 15:34

Fye lo fyehin hankali, fya zhin ɓefyece, fya fa laifi. Mi da deye fya wo vinyiko nu, ntuge azaho nfye mi ta kpe Shekwoyi ye lom.

Akorintiyi I 8:4

To, yi ɓa gyi nya na ku shan gba cei? Yi kpelo ge oshan to ku Shekwoyi nu zhin m, yi-i kpelo ge Shekwoyi bwasun gmanyi nu.

Akorintiyi II 4:6

Shekwoyi n wa cige, “Buzangna ɓa knaya n wyegma aba nyi,” owo nu na zhin owo buzangna kwoi ɓe ya bugba, kwoi ɓe yi buzangna n Shekwoyi latu yekpe yi, nkwo nyi n Yesu awyeba nyi.

Afilibiyi 3:10

Nsaiye mi ku anya vinya ya, miku gye okwonu zhin zokwo gmanyi n za ɓa kpe Kristi ye, oza kpe iko ye n kwo ɓo je wo wye-wyeyi ga nyi, ma bwa awyega wahala sin nya, n fi yi ngnisun n woi.

Afilibiyi 3:8

E, anya vinya zhin gbeloyi nu, n na mwi ɓa do n gyibai nza ɓa bwa woi ya kpema Kristi Yesu emi Dagayi. Miku anya ya vinya, mito ze ɓa n gye nyahon n na abai ma bwa Kristi.

Atasalunikayi I 1:9

Ntu ge ɓa gnayi shi fye ɓei gwo yi nwu, shi fye ɓei pmi avun wu efye ashan-gba, fya vi Shekwoyi, n nabai nsayi ye Shekwoyi wye-wyeyi da n gaiciya da yi, wo nu gmanyi ɓa ze fye tukwoda.

Atasalunikayi II 1:8

Woi ɓe n owai, tu na aza tukwo n ɓata ye ɓa kpe Shekwoyi yen, ɓai to ye ɓa gwo wo shiri wa gni ɓa dna n eyi Dagayi Yesu Kristi n.

Aibraniyi 3:1

Ntu deye ɓo, ema zaje Gyi-gyi-yi, yi zhin Shekwoyi aza kni-kni yi nu. Fye ku efya bugba ga Yesu na tnu nwoi nyi. Eyi pirist dnagmanyi gaiciya ga nya.

Bitrus II 1:2

Fye ye Shekwoyi alheri lo woye ga fye lo abye? To, fye tumwi fya kpe woye lo abye-abye.

Bitrus II 1:3

Ntuge n fye kpewoye labye, wo ɓa ga fye, dna nwo iko yakwo, anya vinya n fye ɓa pmai, ntu na sase manai ɓo: har wo zhin wa gayi owo latu n ɓemanai yi.

Bitrus II 1:8

Nfya gyabye lonu, fye ɓa gna kala bwa-bwa dna zafun har fya ze aza apmada n yi Dagayi Yesu Kristi aba.

Yohanna I 1:2

Oza deye n wo zhin wye-wyeyi nyi, woi gmi n Shekwoyi aba nyi, aku wo wuyi, yi zhin seida ge yiku gye wo. Mi da Kristi nu ɓo, n wo zhin wye-wyeyi nyalo-nyalo nya nyi, wo ɓei kunsun n Dadayi a wuyi wo.

Yohanna I 1:3

Ma gnafye njesun, yi gnafye oɓo nu n yi ku gye yi ku to bwa, nna abai fya bwa jedoɓe n na gmadai n yi cei lo n Dadayi n Yesu Kristi owo Nugun.

Yohanna I 2:23

Gama oza nwo ta ga Kristi Shekwoyi Nugun gaiciyan, wo ta bwa Shekwoyi Dadan, ama oza nwo n Kristi Shekwoyi Nugun yi lo, wo n Shekwoyi Dada yi lo.

Yohanna I 4:6

Ama yi zhin Shekwoyi aɓinu, ntu cenu aza n ɓa kpe Shekwoyi ye ɓa nu knayi ɓeda tunbua. Azado ta won, Zokwonu njesun n yi ɓa kpe kwo ɓeda gmi n Shekwoyi aba nu, ntuge n kwo gmi nwoabanuanyitawon.

Yohanna I 5:20

Yi kpelo ge Kristi, Shekwoyi Nugun, nla ɓe wa bmayi zhin, yakpe, ya bwa Shekwoyi hinhin ye, Nsayiye yi filo n Shekwoyi ntuge yi fi lo n Yesu Kristi owo Nugun. Nwonu zhin Shekwoyi gaiciyada gmanyi, owonu zhin wyewyeyi nyalo-nyalo nya.