Yohanna 17:2 - Alkawali Woiwoyi

² Gama Ho la iko ga wo tu naza tukwo vinya, ntu ge wa ga wye-wyeyi nyalo-nyalo nya nna aza ba nho ku ɓa ga wo nyi.

Yohanna 17:2 ပူးပေါင်းရင်းမြစ်များ

Matta 11:27

“Emi Dada ku anya vinya fa fi n ma kun. Dada gmanyi wo nu kpe Nugun ye, Nugun ce wa kpe Dada fye ɓedo naza yi n Nugun wu ɓa Dada.

Matta 25:46

“Ɓa ɓolo tata nyalo-nyalo nya aba, ama aɓefyeceyi ɓolo wye-wyei nyalo-nyalo nya nu.”

Matta 28:18

Yesu wa gna wo abara, “Iko vinya n ʼshe ɓedo na nyi yi, a la ga Mi.

Yohanna 17:24

Dada, mi ye aza no ku ga mi nyi, ɓa sase aba nmi nyi, ɓa gye mi mwa-mwa wye, mwa-mwa n ha ga mi ntu ge, ho ye mi tunyi to ai zhin anyi m.

Yohanna 17:6

“Mi ku ho ɓo gna aza vinya nha ga mi fi nanyi nyi. Ɓa ɓei zhin ha nyanu, hoi ga mi ɓa, ɓai ku gaiciya gaho ɓeda.

Yohanna 17:9

“Mita gyiwye ntu aza vinya ɓo nu m. Ama mi gyiwye ntu naza ɓo nu nha ga mi nyi. Ntu ge ɓa nu zhin oha nya.

Yohanna 3:35

Shekwoyi ye Yesu har wo ku anya ga wo vinya.

Yohanna 4:14

Ama omi nuwan zhin kwa gyi za nuwan mikun har nyalo-nyalo. Kwa ze lizhiya wye-wyeyi nya dna nza mi. Kwoi zeya har nyalo-nyalo fi n wo mi, kwoi ga wo wye-wyeyi nyalo-nyalo nya.”

Yohanna 6:27

Fye to zhin tnu-tnu ntu nyagyi ɓo nkwo ɓa wun Iyam, ama ntu nyagyi wye-wyei nya ɓo, okwo nu n Oza Nugun ɓa ga fye. Ce na zhin Shekwyi Dada woi tnu n woi.”

Yohanna 6:37

Aza n Dada ku gami nyi, tile ɓa ɓe mi aba. Mihin kwa mi ta nya ɓa yam.

Yohanna 6:39

Shekowyi ɓeye nu nyi ge, To zaknayi wa bwi, dna n na aza n wa gami nyi m. Ama ma ku ɓa kala lo wye-wyeyi nyalo-nyalo nya, n nyipyei kmaknayi.

Aromayi 6:23

Gama laifi lada ofi nu, amma Shekwoyi cauta wye-wyei nyalo-nyalo nya nu dna n Yesu Kristi eyi Dagayi.

Akorintiyi I 15:25

Ntuge ko zhin tile nu Yesu gyi be, sai wo ku wa nuwunyi vinya zofi n wa pita sinta.

Afisusuyi 1:20

Iko dnagmayi ye nu bwa jesun n kwo ɓei la Kristi kala n efi, kwa se wo ase tu n Shekwoyi bwai-zhe-bwa n eshe.

Afilibiyi 2:10

Nnabai n Yesu ye nyikutukwo doho-doho n she mi, n anyi mi yi, n anyi sintai ɓei ca kwokwo.

Timatawus I 1:16

Ama Shekwoyi wa gye mi sun-sun, n na bai Kristi Yesu wa zhin apma n miyi, wa wu shi wo zhin hakuri n na alaifi dayi, har n ɓa dnagmayi yi, n na abai, n ɓa ɓa kpe nge ɓa ɓa mi ɓabwa wye-wyeyi nyalo-nyalo nya.

Aibraniyi 1:2

Ama nsaiye Shekwoyi daɓo yi n wo Nugun ʼgbe Yesu. Anya vinya wo nu zhin ɓa gado gyiyi. Owo nu na zhin ɓa.

Bitrus I 3:22

Nsaiye Kristi dnalo n ʼshe, n sase tu n mwa, mwa aba n Shekwoyi bwai-zhe-bwa, amalaika, n na iko yi n ʼshe mi ɓa yazhi lo n wa bye ɓai vi wo ɓeda.

Yohanna I 1:2

Oza deye n wo zhin wye-wyeyi nyi, woi gmi n Shekwoyi aba nyi, aku wo wuyi, yi zhin seida ge yiku gye wo. Mi da Kristi nu ɓo, n wo zhin wye-wyeyi nyalo-nyalo nya nyi, wo ɓei kunsun n Dadayi a wuyi wo.

Yohanna I 2:25

Nwohin tukwo wo ku deye alkawali zhin yi wato wye-wyeyi nyalo-nyalo nya.

Yohanna I 5:20

Yi kpelo ge Kristi, Shekwoyi Nugun, nla ɓe wa bmayi zhin, yakpe, ya bwa Shekwoyi hinhin ye, Nsayiye yi filo n Shekwoyi ntuge yi fi lo n Yesu Kristi owo Nugun. Nwonu zhin Shekwoyi gaiciyada gmanyi, owonu zhin wyewyeyi nyalo-nyalo nya.

Yahuda 1:21

Fye ku fi aba n Shekwoyi ye-ye nyi, Wa tu fye anabarka, fye pmi n hakuri yi, wye-wyeyi nyalo-nyalo nya n eyi Dagayi Yesu Kristi dna n wo sun-sun gye ye wo ga fye nyi.