Yohanna 15:5 - Alkawali Woiwoyi

⁵ Omi nu zhin shinwan-gnai, fya zhin abwala. Oza nwo sase dna nmi, omihin ndna nwo, wo ɓa ga gyi-gyi nmwa, ntu ge ntna mi, fye ta mi fya zhin nyaho-nyaho yi m.

Yohanna 15:5 ပူးပေါင်းရင်းမြစ်များ

Matta 13:21

Ama ntu ge wo to nabai lo wa so ko dna n wo wye-wyei n, esa wahala laka ntu wo gaiciya ga ɓo, sai wo fuse, wa fa viɓo.

Yohanna 12:24

Ma gna fye gaiciya, ndei Owyibyegye to kaya dna nkni kwa fim, kwo ɓa bwa kwo nya shi lo nu gmanyi, ama nkwa fi, kwo zhin kwa ga wyishin nmwa.

Yohanna 15:16

Ofye ye nu to kni mi m! Omi nakni fye! Nabai fya lo fye ga gyi-gyi manayi. Nabai nyaho-nyahoi nfya gyiwye dna nmi eye, Dada ɓa ga fye kwo.

Yohanna 5:19

Yesu wa gna ɓa ge, “Nugun ta mi wa zhin nyaho n wohin tukwom.

Yohanna 9:33

Wo to ɓei gna wo zhin Shekwoyi za nun, to wo mi wa zhin deye m.”

Atnu-tnuyi Aɓozhin 4:12

Gni-gni to lo n na babaho yin, n Eshe sinta, eye do to lo n aza ɓa yi ɓa pwo nkwo aba m.”

Aromayi 6:22

Ama n sayi ye fye la kun n laifi iko, fye ku zhin Shekwoyi abara, owo gyiba nwo ga fye okwo nu gyi-gyi n wye-wyeyi nyalo-nyalo nya yi.

Aromayi 7:4

Ofye ɓa, ofye tukwo da kwo nu ɓei zhin owa a Yahudiyi nya, ama, fya ku fi n Kristi yi n zundu, tunda fye ku fi, fye to ye shan owa se lon, kohin to n ikoyi shan sun lo n fye tukwon. Fye a jeze ɓe wye-wyei sa n Kristi a laka n vingwo fyei ku ze aza woi-woyi Nsaiye, fye ku se oza nwa laka la n efi n nabai fya zhin a tnu-tnu a manayi, a tnu-tnu amanayi Shekwoyi nya.

Akorintiyi I 10:16

N Dagayi tebur, esa yi tu nuwan byei anabarka, kwo to wu ge, yi gni anabarka bwa nu dna n Yesu amin? Esa yi sa bredi ya, ya gyi, kwo wu ge yi gni Yesu nayi apma bwa nu n najei.

Akorintiyi I 12:12

Eyi anayi na gai lo mwa begye, ama n na ye agayi ɓedo vinya, ɓa zhin nayi gmanyi nu. Kristi wulo lonu nu.

Akorintiyi I 12:27

Ofye vinya fye zhin Kristi nayi nu, zaho-zahoi zhin oga nu nko mi.

Akorintiyi II 13:8

Eyi tnu-tnu nu ya ga ɓemana zhin bugba kala, to ge ya zhin nubo n ɓenukwoyin.

Akorintiyi II 9:10

Gama Shekwoyi n wo ga fwaiza nyabye, wa bye nyi, n na avun wa do nyabye n mwa wa gyi nyi, wo ɓa ga fye ndudu fya bye wa zhin kwa pa n na bai fya ga nya ndudu dna nfye ampanyi.

Agalatiyayi 5:22

Ama, n Zafun Gyi-gyi-yi nu gyi be tu n yi tukwo wo ɓa ɓe n na aɓeye pyai n yi mi. Yeye, bugba-buyi, bugba fu, hakuri azaye n cei ɓemana zhin.

Afisusuyi 5:9

Ntu n buzagna ye ɓo n kwo dna n fye nyi fye bwa enya nu zhin n kwo bmiva, n nya yi n kwo zhin gaiciya.

Afilibiyi 1:11

Fye zhin ɓemana nu ci-ci, aɓo n ɓa ɓa wu ge fye zhin Shekwoyi aɓi nu. Ntuge de ye ɓa ɓe n latu yi, n mwa-mwa yi n Shekwoyi aba.

Afilibiyi 4:13

Gama mi ɓa mi ma zhin nyaho-nyahoi n Shekwoyi a gnami dna n Kristi bmazhin n wo gami kala n iko yi nyi.

Afilibiyi 4:17

Ama ko da yake adami lo n fye acautayi, enya n kwo gnami agmada lo okwonu zhin lada yakwo, n fye ɓei bwa n she ntu n fye alheri ɓo nyi.

Akolosiyi 1:10

Yi nya wo n na abai efye asese ɓa da Dagayi agma kwa la wo tu, n na bai nfye ɓa bwa ɓe manayi zhin, fyei zhin aza ɓe manayi, fya tumwi fya kpe Shekwoyi ye lo abye-abye.

Akolosiyi 1:6

Nabari manayi n kwo ɓei ɓe fye abanyi, kwo laɓa lo n na anyi kwoi shan aza wye-wyeyi do. She ko ɓei shan fye nya do nyi, tunyi ewyi n fye ɓei wo, fya gane n Shekwoyi alheriyi n na alaifida aba.

Yakubu 1:17

Ama enya manayi doho-dohoyi nkwo bmiya kwo gmi n Shekwoyi aba nu, Owo na zhin buzangna, woi bmiyana nyalo-nyalo, n tna jejelu kwo kuwa wyegma.

Bitrus I 2:4

Fye ɓe Kristi aba, owo nu zhin Nyakun shishiyi Apma nya n Shekwoyi mi nya tu nyi. Koda shike aza la wo ciwyegba wo na pmailo n latui njesun n Shekwoyi aba n wa kni wo tu naza she nyi.

Bitrus II 3:18

Ama fye mwa fi n alheri, n yekpe yi eyi Dagayi n Gniyi yi Yesu Kristi nya. Mwamwa vinya n latu yakwo yi, ɓa kunsun woi nyalo-nyalo. Amin. Sai wyihoi.