Yohanna 11:4 - Alkawali Woiwoyi

⁴ Shi Yesu ɓo wo lonu, wa gna ge, “Ai Liyazaru nyasan to zhin efi nya num, ama ntu Shekwoyi latu ɓo nu; njesun Shekwoyi Nugun ɓa bwa latu.”

Yohanna 11:4 ပူးပေါင်းရင်းမြစ်များ

Yohanna 11:40

Yesu wa gna wo ge, “Mi to ku gna ho ge ndei ha ga gaiciya ho ɓa gye Shekwoyi mwa-mwa wye m?”

Yohanna 9:3

Yesu wa gna ɓa ge, “Zaho-zahoi laifi nu to n, ko owo ko owa zamayi m, ama ntuge a wu Shekwoyi iko.

Bitrus I 4:14

Fye dagma n na kni fye akmi ai tu fye ʼkni she fye vi Yesu, ntuge n kwa bwa fye lonu Shekwoyi Zafun ɓa ɓe fye aba n mwa-mwa yakwoyi.

Yohanna 5:23

Ntuge aza vinya ɓa ga Nugun mwa-mwa, ngye shi ɓa ga Dada. Nfye to ye fya ga Shekwoyi Nugun mwa-mwa n wa tnu mwoi nyim, agye fye ta ga Dada mwa-mwa lo n.

Yohanna 17:5

Nsaiye, Dada, la mi tu nho aba, n latu pyai nmi ɓei cei shin sun nhoi, tunyi to ai zhin anyi nyim.

Yohanna 2:11

Deye nu ɓei zhin ɓo wo-woyi kmisunyi, n Yesu ɓo zhin dna n Kana Galili nya. Shi owa bara ɓo gye wo mwa-mwa, ɓa ga wo gaiciya.

Bitrus I 4:11

Ala ho yi ha zhin waʼazi? To zhin waʼazi ngye Shekwoyi nu daɓo nho ʼgbe yi. Ayiho ha bma aza zhin nu? Zhin kwo n kalayi vinya n Shekwoyi wa gaho, n nabai a la Shekwoyi tu dna n Yesu Kristi, mwa-mwa n ikoyi owo nya nu har nyalonyalo. Amin.

Afilibiyi 1:20

Gama mi zhin nubo n na awyetuyi, mi ta zhin ɓeho n kwo ɓa zhin mi ma wo mihin vinyikwon, ama ma gni n shiri yi zhin n saho-sahoi, ma da Kristi nabari n bugba kalayi, sa n mi dna n na a zhin gye n ya, shi mi shin gye n sapa n na abai ma ga Kristi mwa-mwa, kwo mi-i n wye-wyeyi kwo mi ya fi.

Yohanna 17:1

Esa nu wo ɓo la pwo aɓeda ye da ɓo, Wa kpe awye shi nshe wa gna, “Dada! Esa la si ha la ho Nugun tu. Nabai, Nugun nwohin wa la ho tu.

Yohanna 9:24

Ayahudiyi ɓa je zahi yi ɓa gna wo ge, “Ga Shekwoyi mwa-mwa, to ge Yesu m, yi kpe lo ge Yesu zhin laifi da nu.”

Yohanna 8:54

Yesu wa gna ɓa ge, nma ci mihin omi cici to zhin nyaho nun, ama Omi Dada nfye gna ge wo zhin fye Shekwoyi nyi, Owo nu ga mi mwa-mwa ye.

Aromayi 11:11

Kwa wunu, nge Shekwoyi ku owo aza ya har abada? Awo, Owo nufi n na bai abyedo ɓa bwa pwopwo. N na bai ɓa Yahudiyi ɓa wo she ɓa ya Shekwoyi gni-gni zanshin ga ɓahin.

Yohanna 17:10

Anya vinyan n mi cei, ɓa zhin oha nya nu, Oho anya omi anya nu, Mi-i la latu bwa nɓa aba.

Yohanna 12:28

Dada la oho ye tu!” Ɓa wo begye nshe kwoi gna, “Mi la mi ye latu, Mi-i ɓa la kwo tu njesun.”

Bitrus I 1:21

Ntu cenu efye gaiciya ga nyi n Shekwoyi nu n wo ɓei la Kristi kala n efi, wa gawo mwa-mwa n jesun nyi. Nsaiye efye gaiciya ga n na wyetui ɓa bwa kpema n wo nu gmanyi.

Afilibiyi 1:11

Fye zhin ɓemana nu ci-ci, aɓo n ɓa ɓa wu ge fye zhin Shekwoyi aɓi nu. Ntuge de ye ɓa ɓe n latu yi, n mwa-mwa yi n Shekwoyi aba.

Yohanna 10:38

Ama ngye mi zhin Owo atnu-tnu nu, fye ga atnu-tnu ho gaiciya, ko fye to ga mi gaiciya m, fye ɓa kpe ge, Dada dna lo nmi, Mihin ce mi dna lo n Dada.