Yohanna 10:3 - Alkawali Woiwoyi

³ “Abokunmi guyi zhin wa gu wo aba ya, akni zhin ɓa wo ʼwo begye, ɓa ɓe dawo wa yi ɓa nɓa aye yi, wa kna ɓa njesun.

Yohanna 10:3 ပူးပေါင်းရင်းမြစ်များ

Yohanna 10:14

Omi nu zhin Kniknayi Manayi, Mi kpe omi akni ye, omi akni ɓai kpe mi ye.

Yohanna 10:16

Mi akni do yi lo, nɓa to fi lo n gwodo yem. Tile nu ma ɓe nɓai, ntuge ɓa wo mi begye, ɓa ze gwodo gmanyi, Kniknayi gmanyi.

Yohanna 10:4

Wa duya gyi nɓa bye, ɓa vi wo, ntuge ɓa kpe wo begye ye.

Yohanna 10:9

Omi nu zhin abokunmi. Zaho-zahoi nwa lo nna bokunmi ye wo a pwo, wo ɓa gmi woi lo, woi ɓa bwa nyagyi manayi wa gyi.

Yohanna 6:37

Aza n Dada ku gami nyi, tile ɓa ɓe mi aba. Mihin kwa mi ta nya ɓa yam.

Yohanna 6:45

Alkawali kwo-kwoi ku da ge, ʼShekwoyi ɓo wu aza nya vinya, Oza n wa wo Dada ɓeda wo ɓa ɓe mi aba.

Aromayi 8:30

Shi wa kni yi, wa yi yi nge yi ɓe dawo, sanu n ya ɓe ncei wa ze yi ge, “tna laifi da,” Wa nuyi n Kristi ɓemanayi wa gayi agni-gni manayi n wohin yi, wa zhin yi alkawali owo mwa-mwa nya.

Akorintiyi I 16:9

Abokunmi guguyi yalo ya n mwa pata n maba ntu tnutnu ɓo, ama anuwunyi lo ce n mwa begye.

Afilibiyi 4:3

Ma gna fye, emi a tnu-tnu kun-zhin yi n gaiciya yi, fye bma anyikwoza ye zhin. Ntu ge ɓa ɓei ku tnu-tnu kun zhin n miyi dna n Nabari manayi waʼazi zhin. Ɓa tnu-tnu ngnisun zhin Klement n mi azaje yi n ɓa aye kafi lo n lifafi wye-wyeyi nya nyi.

Akolosiyi 4:3

Fye to ze amwi, fye zhin yi aduwa ntu yi ɓo n na ɓai Shekwoyi wa gayi aba n yi ɓa zhin Nabari manayi Kristi nya waʼazin n mi dna n Kurkuku n tu kwo ɓo nyi.

Timatawus II 2:19

Ama Shekwoyi gaiciya gni agni lo ngye apma, nyaho ta shan kwo ashan. Fandashen kuta nyanu, n na aɓedaye yi ka kpe n kwo, “Dagayi kpe aza yi lo n ɓa zhin owo anya.” Njesun, “Oza n wo yi wohin nge Yesu viyi wo to zhin aɓo nukwoyi zhin.”

Bitrus I 1:12

Aku gna ɓa ge aɓeye ta zhin n ɓa wye-wyeyi sa nun, ama nna aye begye avun nu. Nsaiye aku Nabari Manayi ye wuyi pei-pei, Aɓei zhinyi kwo waʼazi dna n iko Zafun Gyi-gyi-yi nya n wo gmi n ʼshe, n wo ɓei da ɓo n ɓai nyi kwo zhin oɓo wo-woyi nu, oɓo agmada nya njesun, ntuge har amalaika ma ɓa cei pma lo ɓa kpe ɓeye awyega.

Yohanna I 4:6

Ama yi zhin Shekwoyi aɓinu, ntu cenu aza n ɓa kpe Shekwoyi ye ɓa nu knayi ɓeda tunbua. Azado ta won, Zokwonu njesun n yi ɓa kpe kwo ɓeda gmi n Shekwoyi aba nu, ntuge n kwo gmi nwoabanuanyitawon.

Yohanna III 1:14

Gama mi na awyetu yilo mi ɓaɓe daho, yi ɓei daɓo n mwa n gnisun.

YOHANNA ƁEWYEGYE 20:15

Oza n na to gye owo eye kadna n litafi wye-wyeyi nyan a shewo ya dna n anapi–Ena zun–dna.

YOHANNA ƁEWYEGYE 3:20

“Shiwye esa la mi sun gni n na abokun mi, mi-i lu, oza-ho-zaho-yi n wa wo mi yiwo wa gu abaya, mi ɓa ɓe dawo ya zhin zumunta n woi, owo n miyi.

YOHANNA ƁEWYEGYE 7:17

Gama kugya n wo gni n esushinkpegye abye nyi, wo ɓa gaɓa nyagyi, wa knaɓa wa lo nɓai n Nuwan wye-wyeyi nya aba. Shekwoyi ɓa wunɓa awyenyi ya vinya.”