Yohanna 1:4 - Alkawali Woiwoyi

⁴ Wye-wyeyi nyi nwo mi, wye-wyeyi kwa ko zhin anyi buzangna nu.

Yohanna 1:4 ပူးပေါင်းရင်းမြစ်များ

Matta 4:16

“Aza nɓa ɓei sase fi n wyegma ɓaku gye buzagna dnagmayi. Ɓa ɓo sase fi n ʼkni efi nya nu. Buzangna kwa kpeya da ɓa.”

Luka 2:32

Owo nu zhin buzangna n wo ɓa wu aza nɓa to kpeho ye m. Owo nu ɓa ɓe n daraja yi n ho aza Israila aba.”

Yohanna 11:25

Yesu wa gna wo ge, Mi zhin maku aza fi ka, ma je a wye-wyeyi ga, oza nwa ga mi gaiciya kwo woi fi, wo ɓa je wye-wyeyi bwa;

Yohanna 12:35

Yesu wa gna ɓa ge, “Emi buzangna ɓo kunsun nfyei nsai fyewyi. Fye zan-zan dna nkwo, ntu ge esa ɓe lo, wyegma ɓa dna, fye to ɓo je zokwo wyegyem.

Yohanna 12:46

Ma ɓe ngye buzangna anyi nya, ntu ge Ozaho-zahoi nwa ga mi gaiciya wo ta zan-zan dna nwyegmam.

Yohanna 14:6

Yesu wa gna wo ge, “Omi nu zhin zokwo, n gaiciya yi n wye-wyeyi. Zaho-zahoi ta mi wa lo Dada abam, sai wa e mi aba kpa.

Yohanna 3:19

Owa ku gyi ɓa ge, buzangna la ɓe anyi mi, ama ɓa gna wyegma ye ndu buzangna. Ntuge ɓa zhin aɓo nukwoyi zhin yi nu.

Yohanna 5:21

Ngye shi Dada ku azafi kala wa ga ɓa wye-wyei nyi, Elonu Nugun ga aza wye-wyei n wo ye cei.

Yohanna 5:26

Ngye shi Dada n wye-wyei lo n wohin tukwo nyi, elonu wo la iko ga Nugun wa bwa wye-wyei n wohin tukwo ce.

Yohanna 8:12

Yesu wa je gwodu n nyawuyi wa cige, “Omi nu zhin buzangna anyi nya, oza nwa vi mi wo ta zan-zan dna n wyegmam, ama wo ɓa bwa buzangna wye-wyeyi nya.”

Yohanna 9:5

Mi ye dna anyi mi, omi nu zhin buzangna anyi nya.”

Atnu-tnuyi Aɓozhin 26:23

Nge Masihu ɓa sin wahala, wa ze oza kmisunyi n wo ɓo laka la evingwo, wa ɓe n buzangna yi na Yahudiyi aba ɓedo n abye do yi.”

Akorintiyi I 15:45

Ntuge Litafi ku da ge, oza kmisunyi Adamu ɓo ze wye-wyeyi da; ama Adamu kmaknayi wo nu ga wye-wyeyi zafun nya.

Afisusuyi 5:14

Cenu zhin Shekwoyi woi daɓo, n wo ɓeda wa cige, “Fye kun agyewyi, o, gye-wanyi, fye kukala n efi, Kristi ɓa ga fye buzangna.”

Akolosiyi 3:4

Esa n Kristi nwo zhin eyi wye-wyeyi hin-hin, wa jezeɓe fye ɓei bmiya na fyei bwa owo mwa-mwa.

Yohanna I 1:1

Kristi ɓei n wye-wyeyi kafin a zhin anyi, har emi n mihin tukwo maku gyewo nmi awyei, maku wo wo woi daɓo, ma wo to bwa nmi abwai, Wo zhin Shekwoyi ɓeda wye-wyeyi nya nu.

Yohanna I 1:2

Oza deye n wo zhin wye-wyeyi nyi, woi gmi n Shekwoyi aba nyi, aku wo wuyi, yi zhin seida ge yiku gye wo. Mi da Kristi nu ɓo, n wo zhin wye-wyeyi nyalo-nyalo nya nyi, wo ɓei kunsun n Dadayi a wuyi wo.

Yohanna I 5:11

Knido nu n Shekwoyi n kuda? Nge wo la wyewyeyi nyalo-nyalo nya gayi, wyewyeyi ye kwo dna lo n owo Nugun nu.

YOHANNA ƁEWYEGYE 22:1

Wa wu mi ola gyi-gyi-yi Nuwan wye-wyeyi nya, n tna cegye dnayi n gye crystal, kwoi zhe n Shekwoyi shinkpegye, n Kugyayi.

YOHANNA ƁEWYEGYE 22:16

Omi Yesu, mi la tnu n mi malaika yi, wa gna a eklisiya aɓeye, e mi nu zhin Dauda abye tukwo n wo yawyi. Ominu zhin kpasu labmi nya.”