Yohanna 1:1 - Alkawali Woiwoyi

¹ N kmisunhi Ɓeda ɓei nyi, Ɓedahi ɓei kunsun n Shekwoyi, Ɓedahi ɓei zhin Shekwoyi nu.

Yohanna 1:1 ပူးပေါင်းရင်းမြစ်များ

Matta 1:23

“Wo! Ɓinyikwoi ɓa gni n nuboyi! Wo ɓa ma eɓi nugbayi, aɓa yi wo ʼye Immanuel” (watau “Shekwoyi kun-sun lo yi”).

Luka 24:53

Ɓaku fi adduwa nyakun n saho-sahoi vinya ɓai zhin Skekwoyi gwodiya.

Yohanna 1:14

Yesu ɓo la ze Oza wa dna n anyi ye n yi atasin. Yi ku wo latu gye wye. Latu Shekwoyi ɓi gba nya nu. N nunuyi na alheri n gaiciya yi.

Yohanna 1:18

Ozaho to shin Shekwoyi wye gyem, sai Yesu gmanyi n wo nu kunsun n Shekwoyi nyi. Yesu, owo ɓi-gba, Shekwoyi zabayi, owo nu gna yi Shekwoyi ɓo.

Yohanna 1:2

Kafin a zhin nyaho-nyahoi wo ɓei kunsun n Shekwoyi.

Yohanna 16:28

Ma gmi n Dada aba nu, mi-i ɓe anyi, mɓa fa anyi, ma jeze lo Dada aba.”

Yohanna 17:5

Nsaiye, Dada, la mi tu nho aba, n latu pyai nmi ɓei cei shin sun nhoi, tunyi to ai zhin anyi nyim.

Yohanna 20:28

Toma wa ci wo ge, “Omi Dagayi nmi Shekwoyi.”

Yohanna 8:58

Yesu wa gna ɓa ge, “aɓo sun nna ma Ibrahim nyi mi-i nyi!”

Aromayi 9:5

Aza dnagmayi Shekwoyi anya efye zakwoyi nu Kristi nwohin, ɓei gmi nfye nuwo zhin Yahudiyi nu dna n nayi owo nwo gyibe tu n na anya she vinya nsaiye nyi. Mwa-mwa n Shekwoyi aba nyalo-nyalo.

Afisusuyi 3:9

Ma wu aza vinya nge Shekwoyi nu zhin abyedo gniyi ce, shi oza n wa zhin anya vinya nyi, wa zhin shiri tunyi n sapa.

Afilibiyi 2:6

Oza nu, kwo da yake wo ɓei zhin Shekwoyi nu, wo to ɓei gyima nge wo zhin Shekwoyi nu n.

Akolosiyi 1:15

Kristi nu zhin dogbe Shekwoyi nya, n na ata gyewye nyin. Wo ɓei nyi tun to Shekwoyi zhin nyahonyaho yin.

Akolosiyi 1:17

Wo nyi kafin nyaho-nyahoi ya, owo iko nu n na i nya vinya yi shi.

Timatawus I 3:16

Kwo zhin gaiciya nu asese manayi dna n Shekwoyi, kwo to zhin oɓo fafayi nun, amma amsa lo n Kristi, n wa ze zanyikwoci wa ɓe anyi, a gye wo n gyi-gyi n tna laifi dna n wo Zafun, amalaika ɓa zhin wo bauta, a zhin wo waʼazi n anyi vinya, aza gwowo n na aba vinya laɓa, a gwo wo njesun wo lo eshemi.

Titus 2:13

Yi shi esayi awye n yi pmi nyi, n na aɓei gyewo mwa-mwa wye n cei nyi, mwa-mwa eyi Shekwoyi dnagmayi n eyi Gniyi Yesu Kristi yi.

Aibraniyi 13:8

Yesu ta shan do n, Nya wo ɓei nyi n su nyi, wo zhin kwo nu n naiye kuma har nyalo-nyalo.

Aibraniyi 7:3

Malkizedek to ɓei n eya yi m. Eda ton, oɓi ma to nyin a takpe esa ye n na ɓei ma wo m, ko esa nwo ɓei fi m. Wo ɓei zhin ngye Shekwoyi nugun dogbe nu. Wo zhin pirist nu nyalo-nyalo.

Bitrus II 1:1

Wasika nkwo gmi n Siman Bitrus aba, Yesu Kristi fyenu n tnu-tnuyi. Kwoi lo aza ba vinya n ɓa ku gaiciya ga latu nya bwa eyi-nya pya nyi, dna n ɓefyece eyi Shekwoyi, n eyi Gniyi Yesu Kristi nya yi.

Yohanna I 5:20

Yi kpelo ge Kristi, Shekwoyi Nugun, nla ɓe wa bmayi zhin, yakpe, ya bwa Shekwoyi hinhin ye, Nsayiye yi filo n Shekwoyi ntuge yi fi lo n Yesu Kristi owo Nugun. Nwonu zhin Shekwoyi gaiciyada gmanyi, owonu zhin wyewyeyi nyalo-nyalo nya.

YOHANNA ƁEWYEGYE 1:11

Kwoi ci ge, “Ominu zhin A n Z yi. Kmisunyi n kmazoyi,” Nna vun ma wowo woi cige, “Ka anya vinya n ha gye, ha tnun n ho wasika yi n na ikklisiya ngun tnaba aba, n ɓa fi n Turki nyi. Ikklisiya n Afisus, n doi n kwo dna n Simiruna nyi, n na adoyi n ɓa fi n Pargamus, Thiatira, Sardisu, Filadalfiya, n Lawudikiya yi nyi.”

YOHANNA ƁEWYEGYE 1:17

Esa n mi ɓei gyewo ncei. Ma miya shi n wo apita ba ngye zafi, amma wa tomi bwa n wo bwaizhebwai wa cimi ge, To wo ednan, kwoda yake emi nu zhin, Kmisunyi n kmaknayi. Wye-wyeyi da n wo ɓei fi, woi wye-wyeyi lo nsai ye nyalonyalo, n wo n na a mabudi anapi nya yi n efi nyai nyi–to wo ednan.

YOHANNA ƁEWYEGYE 1:2

Yohanna wa kaɓa kpe vinya, Shekwoyi ɓeda, n Yesu Kristi yi n na aɓei vinya n wo ɓei wo, woi ce woi gye.

YOHANNA ƁEWYEGYE 1:8

Ominu zhin A n Z yi, kmisunyi n kmaknayi, anya vinya n ya Shekwoyi na dace n wo zhin Dagayi nyi, oza nwo ikoyi vinya nyi, n wo nyin, woi ɓei nyi, woi ɓelo njesun.

YOHANNA ƁEWYEGYE 19:13

Wo n na ajei kpe n dafi n ami, ayiwo ge, “Shekwoyi Ɓeda.”

YOHANNA ƁEWYEGYE 2:8

Kwo lo ikklisiya tukwoda aba n Simiruna: “Tnu-tnuye gmi n o-wo aba nu nwo zhin Kmisunyi n kmazoyi, n wo ɓei la fi wa lakala n wye-wyeyi nyi.

YOHANNA ƁEWYEGYE 21:6

Aku zo zhin, Eminu zhin A n Z yi, Kmisunyi n Kmazoyi, mi ɓa ga oza n nuwan mikun wowo a nuwan kpeba, nuwan wye-wyeyi nya, cauta.

YOHANNA ƁEWYEGYE 22:13

Ominu zhin A n Z yi, ayaba n azo bayi, kmisunyi n kmaknayi.

YOHANNA ƁEWYEGYE 3:14

Ka wasikaye ga ikklisiya tukwoda n Lawudikiya: “Tnu-tnuye gmi n oza aba nu n wo gni agni n kalayi, Seida zhinyi egbe nuyi, gaiciya dayi (n na anya vinya nɓa nyi, kwo ɓei nyi, kwo n kwoye ɓeɓe lo) Shekwoyi nyazhin yi kmisunyi.