Yakubu 5:20 - Alkawali Woiwoyi

²⁰ Ozahi n wa jezeɓe n woi n Shekwoyi aba nyi, wo la wyewyeyi bwi-bwiyi gni n efi, kwoi ɓe n owo a laifi gafara zhin yi n mwa.

Yakubu 5:20 ပူးပေါင်းရင်းမြစ်များ

Yohanna 5:24

“Ma gna fye gaiciya, oza n wa wo mi ɓeda wa ga Shekwoyi gaiciya wo ɓa bwa wye-wyei nyalo-nyalonya, ata da wo owam, ama wo la gmi n efi woilo wye-wyei mi.

Aromayi 11:14

Nna bai n kwo yezhin ma zhin ɓa ɓa ye enya n fye abyedo n cei lo, n zokwoyi magni azaho nɓa mi.

Akorintiyi I 1:21

Gama Shekwoyi dna n wa wyega, wa ku kpe ge anyi ta kpe wo ye dna naza wyegam. Amma wa zhin ntuge wa gni aza dna n waʼazi zhin mi, n nanyi gye ko ge gboloyi nyi.

Akorintiyi I 9:22

Esa mi gni naza-ba nɓa to n kalai lo dna gaiciya gam, ma ze tnakala-da, nnabai ma bma ba zhin. Ntu cenu mi la mihin gbodo n zahozahoi yi ntuge ko wuso-wuso, oza ye ge mi gna wo Kristi ɓeda, n nabai Kristi wa gni wo.

Timatawus I 4:16

Zhin peceiye n na aɓei n ho zhin, n ho anubo zhin yi n jesun. La kpema n ɓo n kwo zhin gaiciya, Shekwoyi ɓa tuho anabarka, wa zhin apma n hoi ha bma azaje zhin.

Filimon 1:19

Mi ɓa gba ho kwo ta, (“emi Bulus mi la ye mi ɓa gaho, cenu zhin mi yi kakwo fi n ya n mi abwayi,”) Mita wu ho shi ho n tayi shi mi lon, Ɓehin-hin ho n hohin wye-wyeyi tainu shi mi.

Yakubu 1:15

Aɓonubo-zhin nukwoyi ye zhin oza wa zhin aɓo nukwoyi, n na avun kwa zhin oza wa gwo tata efi nya n Shekwoyi aba.

Yakubu 1:21

Ntu cenu fye la anya nukwoyi kunya nfye awye-wyeyi nɓa to bmiyan, n na ɓo yi n ɓa she fye kna, fya gba fyehin tukwo fya dagma shi fye la nabari manayi woi-woi gwo, gama kwo ɓami kwa gni yi awyewyeyi, ngye shi kwo shi yi abugba bwa nyi.

Yakubu 5:15

Oɓa aduwa nɓa zhin n gaiciya yli ga, ɓa ɓa kawo gna, gama Dagayi ɓa ka wo gna, ndei nyasan n kwo sanwo nyi laifi nu na bewo n kwoi, Dagayi ɓa zhin wo gafara.

Yakubu 5:19

Omi azaje, ndei zaho la bma n Shekwoyi zokwo to woi ye kpema Dagayin, oza ho wa bma wo zhin wa gye Gaiciya.

Bitrus I 4:8

Nya kwo du vinya, fye gyi abye fyei wu aje ye-ye dnagmai ntuge yeye zhin kwa pui alaifi nya mwa begye.

YOHANNA ƁEWYEGYE 20:6

Anabarkada nu n agyi-gyi yi aza nɓa bwa lo-lo dna n kalaku kmisunyi. Gama Efi Bayi to n ikoyi lo n ɓa tukwon gama ɓaɓa zhin a prist Shekwoyi anya n Kristi yi ɓai gyi ebe n woi har aye tagyi ngun awo.