Yakubu 4:4 - Alkawali Woiwoyi

⁴ Fye wu ngye nyikwoza nu nwo to gaiciya yi nwo ɓa aban, woi ye nwo ɓa anuwuyi. Fye ta kpe lo ge nfya gyi nugundo n anyi yi, kwo ɓa zhin fye fya ze Shekwoyi anubayi n? Ma gna fye ndei fye ye anyig-mada lo, fye ta mi fya zhin Shekwoyi anugundon sai owo anuwuyi.

Yakubu 4:4 ပူးပေါင်းရင်းမြစ်များ

Matta 12:39

Yesu wa gna ɓa ge, “Sai abye nukwoi ɓedo na tna gaiciya-gai yi, ɓa nu ɓa nya a tuze ɓo. Anyi ta shan ɓa doho wu ndu tuze anabi Yanana nya m! Ntu ge shi Yunana ɓo dna nʼbmiya yakwo mi anypyei gun ata, asukwoyi gun ata, nʼlo nu Emi Masihu ɓa dna nʼkni nubo anyipyeyi gun ata, asukwo gun ata.

Matta 16:4

Abye nukwoyi, atna gaiciya ga yi, fye nya atuze ɓo n she bmana, a ta wu fye atuze do n du Yunana nya n. Yesu a la wo nya ka, wa fa ɓa zhi.

Matta 6:24

“Ho ta mi ha zhin a Dagayi ngun aba bauta m, watau Shekwoyi n na gyiwye yi. Tile haye n gmanyi yi, ha wun gmanyi nu.

Luka 19:27

To, emi anuwuyi ye nɓa to cei pma ge ma gyibe tu nɓa tukwo nyi m, fye ɓe n ɓai fya wu ɓa zhiya.”

Yohanna 15:19

Fye ɓo gna fye zhin anyi nya nu, ɓo ye nfyei, ama fye to zhin anyi nyanu m, ntu ge mi la fye kni nɓa. Ce nu zhin anyi ɓai wun fye nu.

Yohanna 17:14

Mi ku ho ɓeda ga ɓa, anyi wun ɓa nu, ntu ge ɓa to zhin anyi nya nu m, ngye shi mihin to zhin anyi nya nu nyim.

Yohanna 7:7

Anyi ta wun fye nu lom, ama ɓa ta ye mi lon, ntuge mi gna ge oɓa atnu-tnu zhin anukwoyi nu.

Aromayi 5:10

Tunyi, yi ye zhin wo anuɓayi, a jeze ɓe n yi n Shekwoyi aba, ntu n wo Nugun efi ɓo. Anabarka yakwo nu, n yi ɓa gna bwa n sayi n yi ku zhin wo anugundo nyi, woi dna lo n yi mi.

Aromayi 8:7

Ntuge eyi oza kwo-kwoyi n kwo dna yi nyi kwo zhin nuɓayi nu n Shekwoyi, kwo ta ye kwa shi Shekwoyi awyidna bwan, kwoi ta min.

Akorintiyi I 1:20

To mi gye awyega da, aɓeyekpei n naza yi n ɓa mi n gbegyi tu na anyi nya tukwo nyi. Shekwoyi ku ɓa ze amama da, woi ku wu ge oɓa wyega zhin gboloyi nu.

Akorintiyi I 1:21

Gama Shekwoyi dna n wa wyega, wa ku kpe ge anyi ta kpe wo ye dna naza wyegam. Amma wa zhin ntuge wa gni aza dna n waʼazi zhin mi, n nanyi gye ko ge gboloyi nyi.

Agalatiyayi 1:10

Fye gye lo nfyehin, mita ye ma fu fye bugba nu n na ɓeda manayi yin. Miye ma zhin ɓonu n kwo da Shekwoyi. Ndei mi zhin atna ma fu aza bugba nu, ha gye mi to zhin Kristi fyenu nu m.

Yakubu 1:27

Yesu-viyi nwo gyi-gyi-yi ntna aɓe nya n Shekwoyi Dada awyeba, ozanu n wo shi a kuwyi bwa, n na anyigbayi, n zayi n wo kpema Dagayi n gaiciya yi, to wun-wun yi ya, kwo n tucegye n na anyi nya yin.