Yakubu 3:17 - Alkawali Woiwoyi

¹⁷ Ama wyemwa n kwo gmi n ʼshe, kwo gyi-gyi-yi, n nasuwayi, kwo ye bugba fu n ɓemanazhin yi, kwo ye n na aza tayi, kwo ga kwohin n na aza ba, kwo nunuyi n sun-sun-gyeyi, n na ɓemana-zhinyi, kwo n bugbayi gmanyi, n lo cewo n tna kata.

Yakubu 3:17 ပူးပေါင်းရင်းမြစ်များ

Matta 23:28

Fye zhin atna fya wu ge fye zhin aza gyi-gyiyi nu, ama efye abugba nunu yi lo n laifi n cegye doho-dohoi.

Matta 5:8

Agmada n aza aba nɓa bugba gyi-gyi-yi, ntu ge ɓa ɓei gye Shekwoyi.

Matta 5:9

Agmada n aza aba n ɓa zan bugbafu shin, aɓa yi ɓa ge Shekwoyi aɓi.

Luka 21:15

Ntuge mi ɓei ga fye ɓeda n ɓeyekpe yi nfya nuwuyi to ɓei mi ɓai na ofye ɓeda aɓo m.

Luka 6:36

“Zhin kokari ha wu aza yeye she oho dada eshe nya zhin wa wu nyi.

Yohanna 1:14

Yesu ɓo la ze Oza wa dna n anyi ye n yi atasin. Yi ku wo latu gye wye. Latu Shekwoyi ɓi gba nya nu. N nunuyi na alheri n gaiciya yi.

Yohanna 1:47

Shi Yesu ɓo gye Natanailu ɓai ɓe wa ci ge, “Gyewye, wo nu zhin Israilayi ɓehin-hin nya, wo ta zhin awyebui m.”

Atnu-tnuyi Aɓozhin 11:24

Barnaba ɓo zhin oza manayi nu n nunuyi n Zafun Gyi-gyi-yi. Deye kwa zhin har aza mwa begye ɓa ga Dagayi gaiciya.

Atnu-tnuyi Aɓozhin 9:36

N Joppa nyikwoza ho dna ɓo n zhin viyi a yi wo Dokas ko Tabita woi bma aza zhin tun ɓa ga a sanyi ba.

Aromayi 12:18

To wu anya n zaho-zahoi. Bwa bugba buyi n na azai vinya ngye shi ho ɓa mi.

Aromayi 12:9

To ye aza n gbeyin, yeɓa cewo. To ye enya n kwo to bmiyan, ye ɓemana ha zhin kwo.

Aromayi 15:14

Mi kpe lo fye zhin aza manayi nu n ceceyi, omi azaje, fye kpe aɓeye ye lo n fye ɓami fya wu azaje ɓa.

Akorintiyi I 12:8

Zafun ga zaho ɓeda wyemwa nya (genyikpe), zaho kwa wa bwa nyaga ɓeyekpe, nya nu, du Zafun gmanyi nu ga ɓa.

Akorintiyi II 10:1

Omi Bulus, mi gyi fye wye pecei-ye shi Kristi n wohin tukwo ɓa zhin, ama azaho nfye mi cilo nge, “Bulus wasika woshan esa nwo gni n tagni, ama esa nwo si n ya, edna ɓawo wo wa daɓo nkalayi.”

Akorintiyi II 6:6

Yi ku yihin tukwo wu ge, yi zhin Shekwoyi abara nu dna n yi zan-zan gyi-gyi-yi, n yeye gaiciya nya yi, n hakuri yi dna n Zafun Gyi-gyi-yi.

Akorintiyi II 7:11

Fye gye nya n bugba-wun nkwo gmi n Shekwoyi aba, nku zhin ga fye. Kowi zhin fye, fye ku ze aza gaiciya da, aɓefyece-viyi, fyei zhin atna fya fa laifi nma ka fye nkwo tukwo nyi. Fya wodna nɓei nkwo ɓei zhin nyi, ai wo fye ngye mi ɓe ma bma fye zhin. Fye la kni, fyei la fyehin kun n laifi, shi fya ye fyei ta laifi-da, fye ku ɓo zhin nkwo bmiya.

Akorintiyi II 9:10

Gama Shekwoyi n wo ga fwaiza nyabye, wa bye nyi, n na avun wa do nyabye n mwa wa gyi nyi, wo ɓa ga fye ndudu fya bye wa zhin kwa pa n na bai fya ga nya ndudu dna nfye ampanyi.

Afisusuyi 5:9

Ntu n buzagna ye ɓo n kwo dna n fye nyi fye bwa enya nu zhin n kwo bmiva, n nya yi n kwo zhin gaiciya.

Afilibiyi 1:11

Fye zhin ɓemana nu ci-ci, aɓo n ɓa ɓa wu ge fye zhin Shekwoyi aɓi nu. Ntuge de ye ɓa ɓe n latu yi, n mwa-mwa yi n Shekwoyi aba.

Afilibiyi 4:8

Nsaiye emi azaje, shi mi zo wasika ye nyi, wuye ma gna fye ɓeye n kma-sun. Fye la wye dna n gaiciya, ni ɓoyi n kwo bmiya. Fye zhin aɓo nubo n ɓa gyi-gyi-yi n bmiya, anya n ɓa gyi-gyi-yi n fi n na azaje, fye zhin nubo n nyai n fye ɓa ci Shekwoyi, fyei dagma.

Akolosiyi 1:10

Yi nya wo n na abai efye asese ɓa da Dagayi agma kwa la wo tu, n na bai nfye ɓa bwa ɓe manayi zhin, fyei zhin aza ɓe manayi, fya tumwi fya kpe Shekwoyi ye lo abye-abye.

Atasalunikayi I 2:7

Ama yi ɓei zhin peceiye n efye aba, shi oɓi ya zhin wa gawo ɓi nyagyi peceiye nyi.

Timatawus I 5:21

Mi ga ho wyidna ye n Shekwoyi abye n Dagayi Yesu Kristi yi, n wo a amalaika a Gyi-gyi-yi, fya zhin lonu kwo pasto yi zhin ho nungundo nu kwo to woi zhin ho nungundon. Fye zhin aza ɓo gmanyi.

Timatawus II 2:24

Shekwoyi aza ta ku ze anya wuyin, tilas ɓaku ze amishiyi, hakuri da, ɓai wu aza nɓa ku bwi aba.

Titus 1:15

Oza n wo bugba gyi-gyi-yi wo gye anya vinya n gyi-gyi yi, ama oza n wo bugba tucegye n tna gaiciya, wo gye nyaho-nyahoi n tna bmiya yi nu, gama owo bugba cegye nya n bugba kala kpei nu zhin woi wo lonu, woi gye lo nu njesun.

Titus 3:2

Ɓa to da ɓeda nukwoyi n zaho-zahoi tukwon, kwo ɓa wu anyan ama ɓa zhin peceiye ɓai zhin ɓemana n aza ba vinya.

Aibraniyi 12:11

A tada oza sanu na ta won, sai dai ko la duya. Kwo zhin ha fa a zokwo nukwoyi ya vi zokwo do na gmada yi ɓedo lafiya yi.

Aibraniyi 12:14

To je zaho-zahoi m, ha zan-zan gyi-gyi-yi cici, Ntu ge aza n ɓa to gyi-gyi-yi m, ɓa ta gye Shekwoyi wye m.

Yakubu 1:17

Ama enya manayi doho-dohoyi nkwo bmiya kwo gmi n Shekwoyi aba nu, Owo na zhin buzangna, woi bmiyana nyalo-nyalo, n tna jejelu kwo kuwa wyegma.

Yakubu 1:5

Nfye n cei pma fya kpe enya n Shekwoyi ye fya zhin, fye nya wo, wo ɓa wu fye n ɓugbai gmanyi, gama wo n shiri yi zhin lo wa ga oza ɓeyekpe n bugbai gmanyi, oza nwa nya wo, wo ta na ɓon.

Yakubu 2:13

Gama ato ɓei gye aza sun-sun n ɓa to gye aza sun-sun. Ama nha gye oza sun-sun Shekwoyi ɓei gye ho sun-sun esa n wo ɓei da ho wa cei.

Yakubu 2:4

To, fye ye n zayi n tu n wo nyabwa ɓo kwa wanu ge fye kni aza kni-kni le nu.

Yakubu 3:15

Gama shewo n hohin tukwoye yi, ɓa to zhin Shekwoyi ce-ce pya nun. Aɓeye pya zhin anyi nyanu n tna zafun, shetan nu ce aɓeye pya bwa.

Yakubu 4:8

Esa n ha ɓe viwyi n Shekwoyi, Shekwoyi ɓa wo viwyi n hoi. Fye la abwana nfye a laifi, fya fa Shekwoyi wa nu fye abugba, wa ze ɓa agyi-gyi-yi, agaiciya da n wo aba.

Bitrus I 1:22

Nsaiye fye ɓa mi fya ye n na zai n tuge ala fya bugba zhan ya n tukwo ye yi, n nuwun yi, esa n fye ɓei kpema Kristi wa gni fye nyi, ntucenu fye ku kpe lalei ge fye ku yelo n jei, n bugbai gmanyi.

Bitrus I 2:1

Ntu cenu fye la nuwun gmiya n bugba. Fye to zhin aɓo n gye fye zhin aza manayi n munaficiyi gwo dna n mim, Fye ku tna-gaiciya ya, n eshei, n na za ɓedai n ɓa vun.

Bitrus I 2:18

Afyenu, fye ga fya dagayi mwamwa fya zhin oɓo ɓa gna fye vinya to ge sai ɓai nsunsun gyei nu kwo ye-yem, ama kwo ɓai zhin aza nukwoyi nu.

Yohanna I 3:18

Omi aɓi, yi fa ɓeda ɓo n gbeyi ge yi ye eyi azaje lo, yi ye ɓa cewo ya wu ɓa n yi aɓo zhin-zhin.

Yohanna I 3:3

Oza n wo ga ɓeye gaiciya wo ɓa shi wohin n gyi-gyi-yi, shi Kristi nwohin gyi-gyi-yi nyi.