Yakubu 3:13 - Alkawali Woiwoyi

¹³ Ngye hoce-ceyi lo, zan-zan cewo n bmiya ntuge ɓe manayi zhin, n hohin tukwo-gbayi nu ɓa zhin akpe ge ho ce-cei lo.

Yakubu 3:13 ပူးပေါင်းရင်းမြစ်များ

Matta 11:29

Fye la ma kaya, ɓa wo lo fafa miɓa wu fye ge mi zhin eza hankali da nu n bugba sun-sun gye nya yi, efye wye-wyei ɓa bwa sun-sun. Ntu ge mi ta ga za akaya shan-wo yi m.”

Matta 21:5

“Gna Urushelima ge Okwo Su ɓe da kwo lo, n tukwo gba yi, ntu zhagawyi ɓi yi.”

Matta 5:5

A hankuri zhin yi na tukwo gbayi yi ɓa ku gode ntu ge anyi vinya zhin ɓa nya nu.

Matta 7:24

“Aza nɓa wo mi ɓeda ɓai vi kwo, ɓa zhin aza cece nu, ngye eza n wo mi nyakun tu na pma.

Akorintiyi I 6:5

Mi ye ma dna fye vinyiko nu. Ashe ɓeyekpei to lo ko gmanyi n na Yesu-viyi nwo ɓa mi wa gna a ɓena ajeyam?

Akorintiyi II 10:1

Omi Bulus, mi gyi fye wye pecei-ye shi Kristi n wohin tukwo ɓa zhin, ama azaho nfye mi cilo nge, “Bulus wasika woshan esa nwo gni n tagni, ama esa nwo si n ya, edna ɓawo wo wa daɓo nkalayi.”

Akorintiyi II 8:24

Fyewu fye ye-ye n na aza deye aba ntu mi ɓo, fya zhin ɓa enya vinya n mi gma n fyei nyi, ntuge aza vinya ɓa gye.

Agalatiyayi 5:23

Ɓefyece, zawanshi, peceiye. Aɓeye vinya ta zhin gaba lo na Yahudiyi aɓeknin yin.

Agalatiyayi 6:1

Omi azaje, ndei Yesu viyi wa zhin laifi ho, ofye nfye ce zhi n Gyi-gyi-yi nyi, fya bma wo zhin fya jeze ɓe n woi, n na atnayi n zokwo manayi, fyei pa nfyehin ge kpekni nsu fye ɓei ka laifi zhin.

Agalatiyayi 6:4

Zaho-zahoi la tabata ge wo zihn hakuri lo n ɓemana zhin, n na bai nu n wo ɓa bwa bugba da, to wa zhin atna wa mwi wohin do n zado yin.

Afisusuyi 4:2

Fye gba fyehin tukwo fya zhin peceiye, fye zhin hakuri n na ajeyi, ntu ye-ye ɓo to fya gye aje laifin ngye nya ho nun.

Afilibiyi 1:27

Ama kwo kni ɓe nu yi bwa miʼa, fye pa, fya zan-zan ngye a Yesu viyi n na bai kwo to mi-i shan fye gye n shasun, mi ɓa wo nabari manayi nge fye mi zhin lo n bugbai gmanyi, fyei da Nabari manayi.

Akolosiyi 3:12

Tunda Shekwoyi la fye kni, n wa ga fye wye-wyeyi woi-woi nyi, ntu n wo ye-ye lolo yi ɓo n fye aba, fye tu sun-sun-gye mwi, n bugbafuyi n na azaye n cei. Fye to damu n ɓei n ɓa ɓa dan, ama fye sin wahala dna n na atnazhin n hakuri yi.

Timatawus I 4:12

To ye zaho wa ci ho wyegba ntu ge hoye zhin ɓinuyin. La ze ɓa ɓemwi-tu nya. Fa ɓa vi ho nya wu n ho ase-sei, la ze ɓa efye dna n yeye, nho gaiciya gayi, nho aɓonubazhin manayi.

Timatawus I 6:11

O, Timatawus, ho zhin Shekwoyi zanu, bu aɓo nukwoyi ye si vinya, ha zhin oɓo n kwo wu cewo n bmiya, hoi tumwi ha kpema wu, hoi ye azaje, ha zhin hankuri n mi bwai.

Timatawus II 2:25

Gba hohin tukwo esa n ho wu aza, n gaiciya nku ɓa gmi aje. Gama n ha daɓo n ɓai peceiye n na atnazhin yi, kpekni, dna n Shekwoyi bmazhin ɓa ɓa pmi ɓe ɓa vi gaiciya.

Titus 3:2

Ɓa to da ɓeda nukwoyi n zaho-zahoi tukwon, kwo ɓa wu anyan ama ɓa zhin peceiye ɓai zhin ɓemana n aza ba vinya.

Aibraniyi 13:5

Fye to ku ze agyiwye ye yi m. Zhin godiya n nya yi n ho cei lo. Shekwoyi ɓei gna ge wo ta ya yi m. Mi kun-sun lo n fyei nyalo-nyalo. Nɓa ga fye nyagyi cici.

Yakubu 1:21

Ntu cenu fye la anya nukwoyi kunya nfye awye-wyeyi nɓa to bmiyan, n na ɓo yi n ɓa she fye kna, fya gba fyehin tukwo fya dagma shi fye la nabari manayi woi-woi gwo, gama kwo ɓami kwa gni yi awyewyeyi, ngye shi kwo shi yi abugba bwa nyi.

Yakubu 2:18

Ama zaho ɓa naɓo ge “Fye gna, zokwo n kwo lo Shekwoyi aba gaiciya ga nu gmanyi, to ma cige atnu-tnu n na pmailo n mwa, gama n tna atnu-tnu manayi, ho takpe kwo ho n gaiciya gai lo, kwo ho to n cei lon. Ama zaho-zahoi ɓakpe ge mi n gaiciya gai lo ngye shi mi zhin aɓo n wu.”

Yakubu 3:1

Omi azaje ye-yei, fye to gna ye, fya ze anya-wuyi num, gama yi zhin ya bwi aba nsayi mwa begye. Esa yi adini wuyi, n yi kpe ɓemanayi ye nyi, n ya zhin ɓenukwoyi eyi tata ɓei la du azaje nya. Nʼza mi wa wan wo nyitala, kwo wunu wo ɓa mi wa wan wo nayi shi vinya, n zokwo doho-dohoyi.

Yakubu 3:17

Ama wyemwa n kwo gmi n ʼshe, kwo gyi-gyi-yi, n nasuwayi, kwo ye bugba fu n ɓemanazhin yi, kwo ye n na aza tayi, kwo ga kwohin n na aza ba, kwo nunuyi n sun-sun-gyeyi, n na ɓemana-zhinyi, kwo n bugbayi gmanyi, n lo cewo n tna kata.

Bitrus I 1:15

Ama fye ku ze agyi-gyiyi n ɓeho-ɓehoi nfye zhin, ngye shi Dagayi zhin gyi-gyi-yi nu n wa yi fye nyi.

Bitrus I 2:12

Fye zhin peceiye shi fye sase n fya knuzhiyi n ɓa zhin atnaviyi nyi, ntuge ɓa gye fye ngye aɓo nukwoyi zhin yi, shi ɓa gye fye ɓemana ɓa ɓei ci Shekwoyi ntu fya tnu-tnu manayi ɓo esa n Kristi ɓa jezeɓe cei.

Bitrus I 2:9

Ama fye to wulo lonun, ntuge Shekwoyi la fye kni n wohin yi, fye zhin Esu a pirist nu, fye gyi-gyiyi lo n bmiya, fye zhin Shekwoyi anyanu, aɓeye vinya ntu ge fya wu aza shi Shekwoyi wa yi fye n wyegmaa mi woi lo fye fi n wo buzangna ɓewowoyi nya.

Bitrus I 3:4

Ama fye ku bmiya n mi nfye abugba mi, n bmiya-bmiya yi n kwo mwasa dna n zafun, konu zhin nya manayi n Shekwoyi abye.