Yakubu 2:20 - Alkawali Woiwoyi

²⁰ Azacije, fye ɓei tumwi n kniwyiyi nu ge, gaiciya ga to n na pmayi lo ntna aɓe zhin n Shekwoyi yen ma? Gaiciya ga n kwo ta wu kwohin n na tnu-tnu manayin kwo to zhin gaiciya ga nun.

Yakubu 2:20 ပူးပေါင်းရင်းမြစ်များ

Aromayi 1:21

E, ɓa kpe owo ɓe yelo, amma ɓato yen, ko ɓa gawo mwa-mwan, ko ɓa zhin wo godiya n tu nwo bmazhin ɓo fyegyi-fyegyin. Safyewyi, ɓaya a nubwozhin abanza nya shi Shekwoyi wu, n nyayi nwo ye ɓa zhin. Oɓa bugba tnaceyi kwa ze wyegma kwa ku jeje.

Aromayi 3:28

Onya gmanyi nu n yi kpe lo, okwo nu ge a ta bwa gni-gni n awyidna bwashi ɓo nu m, ama n gaiciya ga aba.

Aromayi 9:20

Aʼa to dalo nun, Ho zhin kni nua ha zan Shekwoyi zanshin n laifi a? Enya n na zhin ko, kwo ɓa mi kwa gna oza n wa zhin kwo nyi ge kni na zhin hoi zhin mi n layia?

Agalatiyayi 5:6

Eyi, n Kristi la wye-wyei nyalo-nyalo nya gayi nyi, yi to n na apmai lo ya damu kwo yi kaciya yi zhin lon, ko yi shi a Yahudiyi awyidna bwa lon, ntuge nya n yi ye kwonu zhin gaiciya ga tnu-tnu dna n ye-ye.

Agalatiyayi 6:3

N zaho gye ge wo du wyi lo wa zhin lonu, wo dna wohin kwoce nu, wo to zhin nyaho nun.

Akolosiyi 2:8

Fyeto fa aza ɓa wunfye gaiciya ga ya n ye-ye yin, n na anyi ɓeyekpe yin, oɓa amsa nukwoyi, akpe-kpe gyei n na mi ɓa kpe n aza ɓeyekpe na ɓo mwi yi, mai-makon nya n Kristi wa da.

Timatawus I 1:6

Ama a malami deye ɓa ku bwi zokwo, ɓai gyi ɓahin esa, ɓai na aɓo, ɓai daɓo n tna ce-ce.

Titus 1:10

Gama aza lo n mwa begye n ɓa ta vi ɓon, Deye kwo zhin gaiciya nu tun ba ga na aza aba n ɓa gna nge tilas a shi a Yahudiyi awyidna bwa nyin. Ama deye zhin ɓeda gbeloyi nu, kwo bua za wye, to ɓa gye gaiciyan.

Yakubu 1:26

Oza nwa ci ge wo zhin Yesu-viyi nu, to wa wan wo nyitala shi nkwo gyi-gyi-yi ngye ebe nyin, wo dna wohin kwoce nu, owo knunnu zhin gbeloyi nu.

Yakubu 2:17

Ntucenu fye gye, gaiciyaga to kunlo n kwo gmanyin, Tilas ha zhin bemana ha wu ge ho n gaiciya gailo. Gaiciya ga n kwo to wu kwohin n na tnu-tnu manayin, kwo to zhin gaiciya ga nun, kwo zhin gbeloyi nu, fi-fiyi njesun.

Yakubu 2:26

Shi nayi n kwo to n zafun yi n zhin fi-fiyi nu nyi, elonu gaiciya ga n kwo to n na atnu-tnu manayin, zhin fi-fiyi nu.