Yakubu 2:19 - Alkawali Woiwoyi

¹⁹ Aza lo n fyemi n ɓa ye n cei shilo ge gaiciya ga gmanyi nu kun lo? Gaiciya ga n Shekwoyi gmanyi, To, pa ge aljanu ga gaiciya lo nu ce, n kalayi, har ɓei vin n dnayi.

Yakubu 2:19 ပူးပေါင်းရင်းမြစ်များ

Matta 8:29

Ɓa ya aku fi, “Ho ye kniyi n ʼya, O Shekwoyi Nugun? Esa to si n ho ɓa ga yi wahala n cei kpa m.”

Markus 1:24

“Knihin nu zhin Hoi gna yi gnagna ya, Yesu Nazaratiyi, Ha ɓe Ha wuyi nu? Mi kpe Ho ye lo, Shekwoyi Nugun Gyi-gyi-yi.”

Markus 12:29

Yesu wa dna ɓegbe, “Odo kwa ci ge, ‘Fye wo, O, Israila! Eyi Dagayi Shekwoyi gmanyi nu, Shekwoyi do to shasun m.

Markus 5:7

Yesu wa daɓo n alijanu yi wa gna, “zafun nukwoi gmiya ɓe” Kwa sawyi n kalai, “Yesu, Shekwoyi iko da Nugun, Ho ye ha zhin mi knihi nu a? Ntu Shekwoyi ɓo, to ga mi wahala m.”

Luka 4:34

“Yesu Nazaratiyi, ho la ɓe ntuge ha gayi wahala. Suku-suku lo ho nya. Yita ye lo ya zhin nyaho n hoi m. Ai mi kpe ho ye lo. Oho nu zhin Shekwoyi Gyi-gyi-yi nugun.”

Yohanna 17:3

Zokwo wye-wyeyi nyalo-nyalo nya nu nyi, ɓa kpe ge ho nu zhin Shekwoyi gaiciya nya gmanyi, ɓedo n Yesu Kristi yi n ha tnu nwoi dna anyi nyi.

Atnu-tnuyi Aɓozhin 16:17

Wa vi yi ɓe woi ɓewyi, “aza deye Shekwoyi abara nu, ɓa ɓe ntu ge ɓa gna fye, shi aba zhin fye alaifi gafara.”

Atnu-tnuyi Aɓozhin 19:15

Shi ɓa ɓei tumwi lonu, aljanu da wa gna, mi kpe Yesu yelo, n Bulus yi, amma nyikanu n fyei ya?

Atnu-tnuyi Aɓozhin 24:25

Wa daɓo nɓai tu efyece ɓo, n ɓemanayi zhin yi, n wa da yi nkwo ɓo lo nyi. Feliks wa wo dna shi wo ɓo wo aɓeye. Wa gna Bulus ge, “Lo kpa nɓa je ho yi mi la esa bwa.”

Aromayi 3:30

Shekwoyi gmanyi nu, owo nu ɓa gni Ayahudiyi ntu ɓa gaiciya ga ɓo, owo nu-i ɓa gni abyedo, ntu ba gaiciya ga ɓo.

Akorintiyi I 8:4

To, yi ɓa gyi nya na ku shan gba cei? Yi kpelo ge oshan to ku Shekwoyi nu zhin m, yi-i kpelo ge Shekwoyi bwasun gmanyi nu.

Akorintiyi I 8:6

Ama yi kpelo ge Shekwoyi bwasun lo gmanyi nu, Owo nu zhin Dada nwa zhin anya vinya, Wa zhin yi ya ze Wa nya. Njesun Dagayi bwasun gmanyi nu – Yesu Kristi – Wo nu na zhin anya vinya, Woi ga yi-wyewyeyi njesun.

Agalatiyayi 3:20

Ama esa n Shekwoyi ɓei ga Ibrahim owo alkawali wo ɓei ga wo n wo gmanyi nu, a malaika ko Musa to ɓei zhi ɓon. Zaho to ɓei dna n ɓa tasin.

Timatawus I 2:5

Nge Shekwoyi gni n sepa gmanyi, aza vinya zhin n sepa gmanyi, n Kristi Yesu n wohin tukwo zanyikwoci n dna n ɓa tasin wa ɓe n bai n na aba gmanyi.

Yakubu 2:8

E, ɓehin-hin, kwo bmiya fya shi Dagayi wyidna bwa, “Tilas ha ye nho kunzhinyi ha bmawo zhin shi ho ye hohin tukwo.”

Yahuda 1:4

Mi da deye ntu ge amalami ho a tna Shekwoyi yekpeyi, ɓaku lofi n fye mi, ɓai ci ge n ya ku vi Yesu, na avun, yi ɓami ya zan-zan shi yi n cei pma n tna Shekwoyi ta ta dnawo. Aɓei ka oɓa knizun tun-yin sapa, ntu ge ɓala pmi da eyi Tukwoda, wato Dagayi Yesu Kristi.

Yahuda 1:6

Ma pa fye njesun, amalaikayi ɓo, n ɓa ɓei gyi-gyi-yi n tna cegye nyi, ama ɓa pmi da ɓenukwoyi zhin. Nsaiye Shekwoyi nɓai fi agma filo n kurkuku wyegmanya ɓai pmi wada nyipyei.

YOHANNA ƁEWYEGYE 20:10

Nnavun, Shetan nwa dnaɓa kwoce nyi ai shewo yadna n ena zundna n kwo gyi n sulfa yi nyi, aba n Nyawan-nyawan n Anabi katayi fi nyi, ai wu ɓa anyi n nyipyeyi n sukwoyi nyalo-nyalo.