Yakubu 2:14 - Alkawali Woiwoyi

¹⁴ Emi azaje ye-yeyi, mi gye kwo apma, nfye cige fye n gaiciya gailo, fyei zhin a Yesu-viyi nu, ama to fyei bma azaje zhin. Gaiciya-ga yi pya ɓa gni oza?

Yakubu 2:14 ပူးပေါင်းရင်းမြစ်များ

Matta 5:20

“Ama ma pma fye gna sai efye aɓo manayi zhin ɓa du a Farisiyawayi nya n na Yahudawayi abyeda yi, n to lo nu n, fye ta mi fya lo eshe ebe m!

Luka 3:11

Yohanna ci ge, “Ngye ho na ajei lo ngnu aba, to, sai ha ga zaho gmanyi. Ngye ho nyagyi lo n mwa, to, sai ha cega ʼza nɓa to cei lo m.”

Luka 6:49

“Amma aza nɓa wo mi to ɓai zhin biyaya m, ɓa wu ngye aza nu n wo mi nyaknu ntna fandeshe manayi. Sanu n ase a ci n cei kwo zhin kwa miya butuu.”

Atnu-tnuyi Aɓozhin 15:9

Wo to n gna yi tu lo n eyi atan-tasin nɓa yi m ntu ge wo la ɓa bugba zhanya ntu ɓa gaiciya ga ɓo ngye yihin.

Atnu-tnuyi Aɓozhin 8:13

Siman ce, wa gaiciya ga har a ku wo zhin batizma. Wa vi Filibus cei wo wo, ntu aɓo wowoyi ɓo nwo zhin nyi.

Atnu-tnuyi Aɓozhin 8:21

Ho ta gni deye bwa n zayi m, gama oho bugba to wu lo n Shekwoyi bwa m.

Aromayi 2:25

Ayi oza ye Yahudiyi nu kwo zhin ɓe manayi nu, n ho shi wo awyidna bwa. Ama n ho to shi ɓa bwan, ho to du aɓe nukwoyi zhinyi lo n. (Atna-kaciya zhinyi).

Akorintiyi I 15:2

Nabari Manai ye nu ɓa gni fye, fyei ya gyi abye nko bwashi yi kam-kam, sai dai ngye fye to ɓo shin gaiciya manai nu ga n kmisunyim.

Akorintiyi I 16:22

Zaho-zahoi wo to ya Dagayi m, eknil tu lo n wo. Eyi Dagayi, ɓe.

Agalatiyayi 5:13

Emazaje, ala loloya ga fye, to ge loloya fya zhin ɓenukwo yin, ama loloya fya ye na jei fya bma je zhin.

Agalatiyayi 5:6

Eyi, n Kristi la wye-wyei nyalo-nyalo nya gayi nyi, yi to n na apmai lo ya damu kwo yi kaciya yi zhin lon, ko yi shi a Yahudiyi awyidna bwa lon, ntuge nya n yi ye kwonu zhin gaiciya ga tnu-tnu dna n ye-ye.

Atasalunikayi I 1:3

Yi ta ze ofye atnu-tnu ye-ye nya amwi, esa n yi daɓo n Shekwoyi Dadayi, ntu fye ɓom, nfye gaiciya ga kalada yi, nfye awyetu yi nfye cei ntu Dagayi Yesu Kristi jezeɓe ɓo nna anyi nyin.

Timatawus I 1:5

Enya n kwo womi pwa lo kwonu ge a Yesu-viyi n ɓo vinya ɓa ku nu n ye-yei n kwo gmi n na bugba gyi-gyi-yi oɓa bemwi n gyi-gyi-yi, oɓa gaiciya ga kwa bwa kala.

Timatawus I 4:8

Nayi tnu-tnu n bmiya, amma Zafun tnu-tnu n du, kwoi bmaho zhin n nya n ho zhin. Ntu cenu tumwi ha ze Yesu viyi manayi, kwo ta bmaho zhin dna anyi ye nu gmanyin, ama har n doi n kwo ye ɓe-ɓelo.

Titus 1:16

Azayi pya ci ge ɓa kpe Shekwoyi ye, ama nha gye nya n ɓa zhin, ha ku kpe ge ɓata kpe wo ye lon. Ɓa wun-wun yi ya, to ɓai vi ɓom, n tna a pma dna n ɓe manayi zhin.

Titus 3:8

A nyaye n ma gnaho nyi ɓa zhin gaiciya nu, la nyimaɓa n na abai a Yesu viyi ɓa zhin peceiye, ɓa zhin ɓemana n sai vinya, gama kwo to bmiya lonu gmanyin, ama kwo zhin kwa ɓe n na ampanyi.

Aibraniyi 11:17

Sanu Shekwoyi ɓeitu Ibrahim mwi cei nyi wo ɓo dudu wa kpema wo. Ntu cenu wa ga Ishaku owo ɓi. Har wa ku shiri zhin wa zun wo sha ntu sadaka ɓo.

Aibraniyi 13:9

Shi Shekwoyi ta shan do nyin, to ye a malami doho-doho ɓa dna fye kwoce n nyawu nukwoyi m. Fa Shekwoyi alheri kwa ga fye kala. To ge anyagyi ho pya awyidna ko kwa zhibaje m, ɓa zhin banza nu-nnaza ba nɓa gyi ɓa nyi.

Yakubu 1:16

Ntucenu fye to bwi zokwon, emi azaje.

Yakubu 2:16

Ha gna wo ge, “To, lohonya Shekwoyi tu ho anabarka, ha bwa jekpe, ha gyi nyagyi n bugbai gmanyi,” To ha gawo ajekpe kwo nyagyin, mi gye kwo ampanyi?

Yakubu 2:18

Ama zaho ɓa naɓo ge “Fye gna, zokwo n kwo lo Shekwoyi aba gaiciya ga nu gmanyi, to ma cige atnu-tnu n na pmailo n mwa, gama n tna atnu-tnu manayi, ho takpe kwo ho n gaiciya gai lo, kwo ho to n cei lon. Ama zaho-zahoi ɓakpe ge mi n gaiciya gai lo ngye shi mi zhin aɓo n wu.”

Yakubu 2:26

Shi nayi n kwo to n zafun yi n zhin fi-fiyi nu nyi, elonu gaiciya ga n kwo to n na atnu-tnu manayin, zhin fi-fiyi nu.

Bitrus II 1:5

Ama kafin fye gwo anabarka ye, fye n na pmailo n nyai n kwo du gaiciya ga, tilas fya zhin atna fya ze aza manayi; har ma kwo to zotu lo ɓon, ntuge fye na pmailo fya kpe Shekwoyi ye lo abye-abye, fya kpe enya ye n wo cei pma fya zhin.