Yakubu 2:1 - Alkawali Woiwoyi

¹ Omi aza ye-yeyi fye ɓa gna n wuna nu ge fye zhin Dagayi Yesu Kristi nya nu, Dagayi latu nya, fye gna ye n na anyabwayi nu fyei zhin awyekwoyi nukwoyia?

Yakubu 2:1 ပူးပေါင်းရင်းမြစ်များ

Matta 22:16

Ɓa ku shaula zhin ge, ɓa tnu n ɓa zayi ɓedo na siyasa-da yi, ɓo nya wo ɓeye: “Zadnagmai, yi kpe lo ge ho da gaiciya ko ai ɓa tu ho ʼbe nu sha, ntna dna, to hoi kni-kni m.

Atnu-tnuyi Aɓozhin 10:34

Bitrus wa gna mi ku gye a Yahudiyi nu to zhin aza n Shekwoyi ye gmanyi m.

Atnu-tnuyi Aɓozhin 20:21

Nabari gmanyi nu n mi cei ntu a Yahudiyi ɓo ɓedo abye do yi, nabari ho ko nu nyi ge aza ɓa fa laifi ɓa ɓe Shekwoyi aba. Tile zaho-zahoi wa ga Yesu gaiciya.

Atnu-tnuyi Aɓozhin 24:24

Anyipyei fyewyi avun Feliks wa ɓe n Dirasilayi owo nyikwo, wo ɓei zhin Yahudiyi za nu. Ɓa tnu Bulus ɓo ntu ge wa gna ɓa Yesu ɓeda.

Atnu-tnuyi Aɓozhin 7:2

Istifanus wa gna ge, “Shekwoyi ɓei wu wohin tukwo eyi dada Ibrahim aba n Irak kafin wo lo Suriya.

Aromayi 1:11

Ntuge a wo mi pwa ma ɓe fya ba n nabai ma ɓe fye gaiciya ga, n ko ɓa zhi ofye ikklisiya kwa mwa dna n Dagayi. Miye fye bmazhin lo ce, ntuge mita ye ma ɓe fye gaiciya ga nu gmanyin, amma ofye nya kwa ɓe mi kala. Zaho-i zahoi n yi mi wa bwa anabarka n na aje aba.

Akorintiyi I 2:8

Ama aza-yako anyi nya to ɓei kpe ce yem, ntuge ɓa ɓei gna ɓa kpe koye nu, ɓa to ɓei ɓa zun Dagayi mwa-mwa nya du m.

Akolosiyi 1:4

Gama yi ku wo, shi fye kpema Dagayi n jesun shi fye ye owo aza n sun.

Timatawus I 1:19

La gaiciya ga shi n kalai dna n Kristi ha anubo-zhin ze agyi-gyi-yi, ha zhin oɓo n kpe ge kwo zhin ɓemana nu. Gama azaho n la oɓa anubozhin zungna ɓai zhin oɓo n ɓa kpelo ge kwo to bmiya lon, kwo to zhin ɓe wo-woyi nu shi ɓa ya ɓa gaiciya ga dna n Kristi, ɓai la Shekwoyi eye aɓo na lo nun.

Timatawus I 5:21

Mi ga ho wyidna ye n Shekwoyi abye n Dagayi Yesu Kristi yi, n wo a amalaika a Gyi-gyi-yi, fya zhin lonu kwo pasto yi zhin ho nungundo nu kwo to woi zhin ho nungundon. Fye zhin aza ɓo gmanyi.

Titus 1:1

Wasika ye kwo gmi n Bulus akun nu, Shekwoyi fyenu, Yesu Kristi tnu-tnuyi.

Titus 2:13

Yi shi esayi awye n yi pmi nyi, n na aɓei gyewo mwa-mwa wye n cei nyi, mwa-mwa eyi Shekwoyi dnagmayi n eyi Gniyi Yesu Kristi yi.

Aibraniyi 1:3

Yesu nu wu Shekwoyi buzangna ɓehin-hin nya, wonu zhin Shekwoyi degbe, Owo iko nu shi aɓo bwa vinya. She wo ɓei pwo ya laifi zhanya ɓo, n wo ami yi wa lo wa sase n Shekwoyi shinkpegye bwaizhe-bwa.

Aibraniyi 12:2

Yi shi Yesu nu awye, wo nu zhin yi gnabye. Vinyikwo to ɓei wo wo wa fi ntu ya laifi ɓon. Wo ɓei kpe ge kwo ɓa ɓe wo n mwa-mwai. Nsaiye kuwa wo tu lo n naba duduyi n kunsun n Shekwoyi n ʼshemi.

Yakubu 1:16

Ntucenu fye to bwi zokwon, emi azaje.

Yakubu 1:19

Omi azaje ye-yeyi fye to ze amwi ge, kwo gna bmiya oza kna ɓeda tnubuan n mwa, ama oza daɓo cewyi, to oza gyi minagyin.

Yakubu 2:3

Fya gnaye n nyabwayi nu, fya ga wo aseseba manayi fya gna wyekwoyi ge, “La gni n bwai kwo ha sase.”

Yakubu 2:9

Ama fye ta shi Dagayi owa ye bwa lon, nfya gnaye n na anyabwayi fya laɓatu, kwo zhin ɓenukwoyi nu.

Yakubu 3:17

Ama wyemwa n kwo gmi n ʼshe, kwo gyi-gyi-yi, n nasuwayi, kwo ye bugba fu n ɓemanazhin yi, kwo ye n na aza tayi, kwo ga kwohin n na aza ba, kwo nunuyi n sun-sun-gyeyi, n na ɓemana-zhinyi, kwo n bugbayi gmanyi, n lo cewo n tna kata.

Bitrus II 1:1

Wasika nkwo gmi n Siman Bitrus aba, Yesu Kristi fyenu n tnu-tnuyi. Kwoi lo aza ba vinya n ɓa ku gaiciya ga latu nya bwa eyi-nya pya nyi, dna n ɓefyece eyi Shekwoyi, n eyi Gniyi Yesu Kristi nya yi.

Yahuda 1:16

Aza deye zhin anya abwa shiyi nu nyaho ta kunɓa, bai zhin ɓenukwoyi doho-dohoi n ɓa gye, ɓai mwa ɓahin n gbeyi, n ɓa ga aza mwa-mwa ɓa ga ntuge ɓa ye nyaho nu.

YOHANNA ƁEWYEGYE 14:12

Fa deye kwa ga Shekwoyi aza kala, ɓa zhin hakuri dna n wahala doho-dohoyi n nazhinyi, gama aza n ɓa mi zhi n kalayi dna n wo awyi-dnai vi, ɓai kpema Yesu, ɓa zhin aza gyi-gyi-yi nu.