Yakubu 1:27 - Alkawali Woiwoyi

²⁷ Yesu-viyi nwo gyi-gyi-yi ntna aɓe nya n Shekwoyi Dada awyeba, ozanu n wo shi a kuwyi bwa, n na anyigbayi, n zayi n wo kpema Dagayi n gaiciya yi, to wun-wun yi ya, kwo n tucegye n na anyi nya yin.

Yakubu 1:27 ပူးပေါင်းရင်းမြစ်များ

Matta 5:8

Agmada n aza aba nɓa bugba gyi-gyi-yi, ntu ge ɓa ɓei gye Shekwoyi.

Luka 1:6

Zakaria n Alizabatu yi ɓei zhin aza manayi nu. Ɓa ɓei n zafun manayin njesun ɓai zhin aɓo manayi.

Aromayi 12:2

Fye to shan hali n na kunnu anyi nya yi n, ama fye ku ze aza woi-woi n naɓo nfye ɓa n zhin, nfye nubo zhinyi. Nlonu fye ɓa kpe nfye aɓo-mutu shiwo zokwo ɓa fu fye nubo.

Agalatiyayi 1:4

Wa fi ntu yi alaifi ɓo shi Shekwoyi Dada ɓei zhin shiri, wa gni yi n anyi nukwoyi ye n yi fi n ɓa nyi.

Agalatiyayi 3:11

A ku wuyi pei-pei ge, za to lo n wo ɓa bwa Shekwoyi alheri ntuge wo shi a Yahudiyi awyidna bwan, ntuge Shekwoyi ku luda ge zokwo n yi ɓa bwa gni-gni, konu zhin gaiciya ga. Shi Anabi Habaku ɓei da nge, “Oza n wa bwa wye-wyei, wo ɓa bwa ko dna n gaiciya ga nu n Shekwoyi.”

Agalatiyayi 5:6

Eyi, n Kristi la wye-wyei nyalo-nyalo nya gayi nyi, yi to n na apmai lo ya damu kwo yi kaciya yi zhin lon, ko yi shi a Yahudiyi awyidna bwa lon, ntuge nya n yi ye kwonu zhin gaiciya ga tnu-tnu dna n ye-ye.

Agalatiyayi 6:14

Nmi aba dai Shekwoyi kiyaye ma mwa mihin tukwo, sai dai dna Dagayi Yesu Kristi zundu mi. Ntu ge n zundu aba nu emi shakpe anyi da nya ɓei la duya tunyi n sapa, anyi ɓoda n kwo dna-mi nyi ɓola fi.

Afisusuyi 2:2

Fye ɓei gni zan-zan n begye yi, n gye azaje, n nu-nuyi n na laifiyi, fyei zhin Satan ɓeye, esu dnagmayi anyi bmana nya, n wo zhin tnu-tnu lo n saiye n na aza bugba, n ɓa zhin gaba n Dagayi nyi.

Timatawus I 1:5

Enya n kwo womi pwa lo kwonu ge a Yesu-viyi n ɓo vinya ɓa ku nu n ye-yei n kwo gmi n na bugba gyi-gyi-yi oɓa bemwi n gyi-gyi-yi, oɓa gaiciya ga kwa bwa kala.

Timatawus I 5:4

Ama ngye ɓa n na ɓiyi lo kwo ayawyi, oɓanu ɓa bma ɓa zhin, gama kwo bmiya ɓemana zhin kwa ya na api nu. Hoi bma a zakwoyi awyekwoyi zhin. Ɓo nu n kwo da Shekwoyi n mwa.

Titus 2:12

Ɓedo n na awyegayeyi yekpe n ge Shekwoyi ye ya pmi avun wu aɓo nukwoyi n na aɓo awyeda nukwoi, ya ze aza manayi, ya wo Shekwoyi dna fyegyi-fyegyi.

Yakubu 3:17

Ama wyemwa n kwo gmi n ʼshe, kwo gyi-gyi-yi, n nasuwayi, kwo ye bugba fu n ɓemanazhin yi, kwo ye n na aza tayi, kwo ga kwohin n na aza ba, kwo nunuyi n sun-sun-gyeyi, n na ɓemana-zhinyi, kwo n bugbayi gmanyi, n lo cewo n tna kata.

Yakubu 3:9

Nsahoi kwa ci eyi Dada n wo dna n ʼshe nyi, nsahoi kwa tu aza kni nna zhin ɓa dna n Shekwoyi dogbe nyi.

Yakubu 4:4

Fye wu ngye nyikwoza nu nwo to gaiciya yi nwo ɓa aban, woi ye nwo ɓa anuwuyi. Fye ta kpe lo ge nfya gyi nugundo n anyi yi, kwo ɓa zhin fye fya ze Shekwoyi anubayi n? Ma gna fye ndei fye ye anyig-mada lo, fye ta mi fya zhin Shekwoyi anugundon sai owo anuwuyi.

Bitrus II 1:4

Dna wo iko yakwo, woku anyabwaje gayi n anabarka manai yi nwa zhin yi alkawali nyi. Wato woku alkawali zhin ge woɓa gniyiya n shakpe, n cegyeyi nkwo sheyigun ɓa nyi, wa pmi wa gayi owo ɓefyece.

Bitrus II 2:20

Esanu oza la pwo n aɓenukwoyi anyi nya zokwo, ntu yi Dagayi n Gniyi yi Yesu Kristi yekpe ɓo, wa je lodna n laifi wa ze kwo fyenu njesun, wo zhin wa gna sapa wunya.

Bitrus II 3:14

Oma nugundo ye-yeyi, sa fye zhilo fyei pmi nyipyei ye, Owo ɓeɓe nya, fye zhin kukari fya sase ntna ɓenukwoi zhin yi, fya sase n gyi-gyi-yi, n bugba fuyi n wa bye.

Yohanna I 5:18

Oza to lo n wo la zhin Shekwoyi oɓi n wo ɓa gyi abye n laifi zhin, gama Kristi, Shekwoyi Nugun, wo yi shilo n kalayi, shetan ta mi wa to wo bwan.