Yakubu 1:22 - Alkawali Woiwoyi

²² Fye pa ge ɓeda nu n oza ɓa zhinkwo, to ge oza knatun-bua kawai n, Ntu cenu fye to dna fyehin kwocen.

Yakubu 1:22 ပူးပေါင်းရင်းမြစ်များ

Matta 12:50

Wa je ko ɓe ge, Eza n wo vi mi Dada ɓeye n wo dna she nyi, wo nu zhin mi zado, emi mapui n mi ʼya yi.”

Matta 28:20

Fye wu ɓa ɓa vi awyidna n Mi ku ga fye nyi, fye ku kpe ge Mi gnisun lo fyei ci-ci har anyi zo sa.”

Luka 11:28

Yesu wa cige, “I amma anabarka gna tulo n aza ɓa wo mi ɓeda ɓai zhin kwo nyi.”

Yohanna 13:17

Shi fye ku kpe lo nu nyi, fye ɓa bwa anabarka ndei fya zhin lo nu.

Akorintiyi I 15:33

Fye to ku ze aza gbolo m, “Anugundo nukwoi zhin ɓa wun aza manayi ya.”

Akorintiyi I 3:18

To zaho-zahoi wa dna wohin tukwo kwoce ge wo zhin za cece nu she anyi-da gye fyem. Ndei zaho gye wohin tukwo lo lonu, wo la ze mama ntuge wa bwa cece eshe nya.

Akorintiyi I 6:9

Fye ta kpe lo ge aza n ɓa zhin aɓoi pya ɓa to n gado yi lo n Shekwoyi bemi m? Fye to dna fyehin tukwo wyi m, ntuge aza nɓa zhin anagbai, ko ɓai gba ashan, to ɓai zhin befyece m, ko kwa zanugbai woi wagye n zanugbai yi, nyikoza woi wagye n zanugbai yi, nyikoza woi wagye n nyikoza yi-ɓa ta lo Woʼbe mim.

Agalatiyayi 6:3

N zaho gye ge wo du wyi lo wa zhin lonu, wo dna wohin kwoce nu, wo to zhin nyaho nun.

Agalatiyayi 6:7

Fye to ye a dna fye kwocen, fye pa, hota ya Shekwoyi na vun yi fya bwa lafiya n. Oza ɓa bwa nyanu do nwa bye.

Afilibiyi 4:8

Nsaiye emi azaje, shi mi zo wasika ye nyi, wuye ma gna fye ɓeye n kma-sun. Fye la wye dna n gaiciya, ni ɓoyi n kwo bmiya. Fye zhin aɓo nubo n ɓa gyi-gyi-yi n bmiya, anya n ɓa gyi-gyi-yi n fi n na azaje, fye zhin nubo n nyai n fye ɓa ci Shekwoyi, fyei dagma.

Akolosiyi 3:17

Enya vinya n fya zhin kwo fya da, fye fa kwa ze wakili Dagayi Yesu nya, fya ɓe n gnisun n woi n Shekwoyi Dada abye fya zhin wo godiya.

Timatawus II 3:13

Ɓehinhin, a malami akatayi, n na aza nukwoyi ɓa ɓa gyi abye abye n ɓenukwoyi, ɓai dna aza kwoce n mwa, n ɓahin ce shetan n la ɓa dnakwoce.

Titus 3:3

N sapa yi ɓei zhin aza mama n tna cei, yi kwo tukwo agnana. Aza ɓei dna yi woice ya ku ze afyenu aɓewyeda nya n shakpe nukwoyi nya yi, eyi awye-wyeyi ɓei wun azanu ɓahin ɓai wunyi nu.

Yakubu 1:26

Oza nwa ci ge wo zhin Yesu-viyi nu, to wa wan wo nyitala shi nkwo gyi-gyi-yi ngye ebe nyin, wo dna wohin kwoce nu, owo knunnu zhin gbeloyi nu.

Yakubu 4:11

Fye to ci aje wyegba, fya zan aje laifi zanshin, fya da aje ɓon, emi azaje. Nfya zhin lonu, fye sunkun n Shekwoyi wayi nu n kwo gna ge, fye ye n na jeyi nyi, fyei gna kwo to bmiya lon, ama, of ye tnu-tnu nu to fya kni, kwo owa ye bmiya lo kwo kwo to bmiya lon, ama fye vi kwo.

Yakubu 4:17

Fye pa ge, oza nwo kpe ɓemanayi ye to wa zhin kwon, kwo zhin laifi nu nwa ba.

Bitrus II 2:13

Lada nyi n na malami ye ɓei gwo ntu ɓa laifi ɓo. Ntuge ɓa sase fi nanyi da nukwoi fyegyi-fyegyi, ɓa zhin a vinyikwo nya nu n na aci gusai n fyaba, ɓa dna fye kwoce, ɓai sasefi n na laifi nukwoi n sahoi, har ɓai lofi nfya gmada ye-ye nya ngyeɓa zhin aza manayi.

Yohanna I 1:8

Nyacige yi to n laifi yi lon, yi dna yihin kwoce nu, yi na gaiciya aɓo.

Yohanna I 2:3

Yi ɓa kpe nwuna nu ge yi zhin owo anya nua? N ya shi yihin awye, yi zhin atna lo ya zhin oɓo n wo ye?

Yohanna I 3:7

O, Omi aɓi, fye toye zaha wa dna fye kwoce n, nfya zhin ɓemana n esai vinya, kwo wunu ge fye zhin aza manayi nu ngye wohin.

Yohanna III 1:11

Omi nugundo, to gwo zokwo nukwoi yen, vi oɓo n kwo bmiya hapa ge, aza nɓa zhin ɓo mana, ɓa wunu ge ɓa zhin Shekwoyi aɓinu, aza n ɓa gyi abye n ɓenukwoyi zhinyi, ɓa wu nu ge ɓa mwakpalo n Shekwoyi.

YOHANNA ƁEWYEGYE 12:9

Dragon yakwoye, owa kwo-kwoi n na yiwo Guzhenyi n satan yi nyi, n wo dna anyi vinya kwoce nyi, a shewo ya dna n anyi ɓedo n wo amalaika yi.