Yakubu 1:21 - Alkawali Woiwoyi

²¹ Ntu cenu fye la anya nukwoyi kunya nfye awye-wyeyi nɓa to bmiyan, n na ɓo yi n ɓa she fye kna, fya gba fyehin tukwo fya dagma shi fye la nabari manayi woi-woi gwo, gama kwo ɓami kwa gni yi awyewyeyi, ngye shi kwo shi yi abugba bwa nyi.

Yakubu 1:21 ပူးပေါင်းရင်းမြစ်များ

Matta 5:5

A hankuri zhin yi na tukwo gbayi yi ɓa ku gode ntu ge anyi vinya zhin ɓa nya nu.

Yohanna 6:63

Zafun Gyi-gyi-yi nu ga wye-wyeyi nyalo-nyalo nya, ama nayi nya ta ga za kwom. Mi ku wu fye shi fye ɓa bwa wye-wyeyi zafun nya.

Yohanna 6:68

Siman Bitrus wa dna wo ɓegbe wa gna, “Dagayi, yi ɓa lo da nyika? Oho nu gmanyi nna ɓeda yi nɓa ɓa mi ɓa ga wye-wyeyi nyalo-nyalo nya,

Atnu-tnuyi Aɓozhin 10:33

Ce nu a zhin ma tnu ho ɓo hoi e. Yi zhi yi pmi ho nu ya wo enya n Shekwoyi ye ha gna yi.”

Atnu-tnuyi Aɓozhin 13:26

“Omi azaje Ibrahim a yawyi n fye abye do yi n fye wo Shekwoyi dna nyi, gni-gni ye zmn fye nya nu.

Aromayi 1:16

Nabari manayi Kristi nya vinyiko ta wo milon, Shekwoyi ikoda zokwonu n wo ɓe n na zayi ri Shemi n ɓa gwo ko. Aɓei zhin nabari ye waʼazi n kmisun na Yahudiyi aba nu, amma n sayiye ala aza vinya yi ɓa ɓe Shekwoyi aba n zokwo yeyi.

Aromayi 11:17

Ama a bwala ho n Ibrahim shinwa, a Yahudiyi ho, ala ɓa kaya, efye abyedo a bwala a bmana nya, ngye zaitun bmana nya bwala, a fyefyegyi. Nlonu n saiye fyei gwo anabarka n Shekwoyi ɓei ga Ibrahim n wo aɓiyi ɓai sin shinwa gma n Shekwoyi wa nu n wohin tukwoyi.

Aromayi 6:17

Fye gode n Shekwoyi, ntu ge fye ɓei zhin laifi abara nu, nsaiye fyeku ɓovi n fye abugbayi vinya, enya n Shekwoyi wa wufye.

Akorintiyi I 15:2

Nabari Manai ye nu ɓa gni fye, fyei ya gyi abye nko bwashi yi kam-kam, sai dai ngye fye to ɓo shin gaiciya manai nu ga n kmisunyim.

Akorintiyi II 7:1

Ntu n na alkawali dnagmayi ɓo n na a cei gayi nyi, omi a nugundo ye-ye-yi, yi la awye pmi ya n ɓonukwoyi doho-doho yi, Ko dna n zafun, ya ze yihin a gyi-gyi-yi, ya zan-zan n Shekwoyi dnawoyi, yi ga yihin tukwo n wo akun.

Afisusuyi 1:13

Ntu nya ɓo n Kristi wa zhin nyi, ofye vinya ce n fya wo nabari manayi shi oza ɓa pwo, fya ga Kristi gaiciya nyi, a tufye eze n Zafun Gyi-gyi-yi ge fye zhin Kristi nya nu, oza n na ɓei zhin wo alkawali ga a Yesu viyi nyi.

Afisusuyi 4:22

To, fyeku a nayi kwo-kwoi ya, n kwo ɓei zhin aɓe a nukwoyi nyi, n kwo la bo vinya n nu-nuyi n shakpei.

Afisusuyi 4:25

Fye to zhin akata cefi ajen, fye da gaiciya, ntuge yi zhin aje aga nu, idan ya ce a kata fi aje yi kni aje bugba nu.

Afisusuyi 5:4

A nabari nukwoyi, ɓeda nukwoyi n na awyefan kasayi, ɓato zhin fye nyanun, fye pa aje Shekwoyi alheri ɓo, n wo zhin ga fye nyi fyei zhin godiya.

Atasalunikayi I 1:5

Gama esa n yi ɓei ɓe fye n Nabari manayi nyi, kwo to ɓei ze oɓo gbeloyi nu n fye aban, ama fye ɓei kna tnubua n na gmadayi. Enya n yi ɓei gna fye, kwo ɓei ku tnu-tnu yakwo lo nfye mi, ntu ge Zafun Gyi-gyi-yi ɓei ku buzangna ga fye, fya kpe lalei ge ɓeda n yi gna fye nyi kwo zhin gaiciya nu. Fyei kpe lo shi eyi ase-se ɓei ku wu fye nge eyi ɓeda zhin gaiciya nu.

Atasalunikayi I 2:13

Yi ta fa Shekwoyi ami sa ɓo n tu ce n, ngye esa n yi ɓei zhin fye waʼazi, fye to ɓei zhin nubwo nge eyi ɓeda nun, ama fye ɓei gwo eyi ɓeda ngye Shekwoyi ɓedanu, Okwoi nu ɓehinhin. Kwa shan fyedo esa n fye ɓei gakwo gaiciya cei nyi.

Titus 2:11

Gama cauta gni-gni nya ala ga aza vinya.

Aibraniyi 12:1

She azalo n mwa ɓai shi ya, wye nyi, yi ku akaya shanwoyi ya, yi ku a laifi fa nɓa shi yi nyi to ɓai ye ge ya gyi abye nyin. N nabai ya zan-zan dna n gaiciya n hakuri yi n Shekwoyi la shi n ya bye nyi.

Aibraniyi 2:3

Ntu cenu, yi ɓa po n wuna n ya na gni-gni dnagmayi ye a ɓoʼa? Gama Yesu ɓei da nabari manayi. Owo abara, n ɓa ɓo wo wo nyi, ɓa ka yi ɓe cei.

Aibraniyi 4:2

Nabari manayi ɓei la ɓe yi aba, ngye ɓa ɓaku wo ce, ama ko to ɓei zhin ampanyi m, ntu ge ɓa to wo n gaiciya gai m.

Yakubu 4:8

Esa n ha ɓe viwyi n Shekwoyi, Shekwoyi ɓa wo viwyi n hoi. Fye la abwana nfye a laifi, fya fa Shekwoyi wa nu fye abugba, wa ze ɓa agyi-gyi-yi, agaiciya da n wo aba.

Yakubu 5:20

Ozahi n wa jezeɓe n woi n Shekwoyi aba nyi, wo la wyewyeyi bwi-bwiyi gni n efi, kwoi ɓe n owo a laifi gafara zhin yi n mwa.

Bitrus I 1:22

Nsaiye fye ɓa mi fya ye n na zai n tuge ala fya bugba zhan ya n tukwo ye yi, n nuwun yi, esa n fye ɓei kpema Kristi wa gni fye nyi, ntucenu fye ku kpe lalei ge fye ku yelo n jei, n bugbai gmanyi.

Bitrus I 1:9

Efye lada n na bye deye ntu fye gaiciya ga ɓo, okwonu zhin efya wye-wyeyi gni-gni.

Bitrus I 2:1

Ntu cenu fye la nuwun gmiya n bugba. Fye to zhin aɓo n gye fye zhin aza manayi n munaficiyi gwo dna n mim, Fye ku tna-gaiciya ya, n eshei, n na za ɓedai n ɓa vun.

Bitrus I 2:11

Oma zaje, fye zhin azhiɓeyi nu ya. Shikwonyi ofya yi hin-hin lo n ʼshe mi nu, mi gyi fye wye fya bui anyi dada nukwoyi ye nya si, ɓa to zhin ofye nun, ntuge ɓa sunkun n ʼfya wye-wyeyi.