Yakubu 1:19 - Alkawali Woiwoyi

¹⁹ Omi azaje ye-yeyi fye to ze amwi ge, kwo gna bmiya oza kna ɓeda tnubuan n mwa, ama oza daɓo cewyi, to oza gyi minagyin.

Yakubu 1:19 ပူးပေါင်းရင်းမြစ်များ

Matta 5:22

Ama mi la nyado ɓe, ma gna fye, kwo n ha gyi minagyi dna n ho puwa, ho la lo owa. Ndei ha yi ho nugundo ge, tukwo gbolo da, ho la lo wahala n kwo knunce a lo hoi n owa bokun. Ndei ha tu eza ekni ho la lo wahala anapyi nya.

Markus 12:37

Shi Dawuda ɓei la Wo yi ge owo Dagayi, Wo ɓa zhin wo ɓi nwuna?” (Ɓeda yepya, kwada aza, ɓa kna tunbua n pwawo yi mwa.)

Markus 2:2

Puwa n wo ɓei dnanyi, nu n na zayi har to ai bwa aba na boknumi gbem. Wa zhin ɓa waʼazi.

Luka 15:1

A gadu gwo yi n ɓa to n gaici yai nyi m, ɓedo n alaifida hoi ɓei zhin ɓa ɓe ntuge ɓa wo ɓeda.

Luka 19:48

Amma to ɓa kpe shi ɓa ɓa zhin-zhin n wu m, ntuge aza ɓei kna owo ɓeda tnubua sosai, har to ɓai ye ge owo ɓeda gmanyi kwo zun ɓa tnubua gnana m.

Atnu-tnuyi Aɓozhin 1:15

Wyiho ɓa ye zhi aza 120 ɓa zhin adduwa Bitrus wa laka gni wa da ɓo n ɓai.

Atnu-tnuyi Aɓozhin 10:33

Ce nu a zhin ma tnu ho ɓo hoi e. Yi zhi yi pmi ho nu ya wo enya n Shekwoyi ye ha gna yi.”

Atnu-tnuyi Aɓozhin 13:48

Shi abyedo ɓei wo lo nu, ɓa dagma ɓai ci Shekwoyi ntu wo ɓeda ɓo; aza akni-kniyi ntu wye-wyeyi nyalo-nyalo nya ɓo, ɓa bei ku gaiciya ga.

Atnu-tnuyi Aɓozhin 17:11

Aza n Beriya ɓei n yeyei du a Tasalunaikayi. Ɓa gwo Shekwoyi ɓeda na gmadai, ɓai ba fyegyi-fyegyi dna n Shekwoyi ɓeda, ntu ge ɓa kpe ge nya n Bulus da nyi kwo zhin gaiciya nu.

Atnu-tnuyi Aɓozhin 2:42

Ɓa ye ɓedo a Yesu viyi, abara ɓai wu ɓa nya, ɓai zhin zumun ta, ɓai zhin aduwa n gnisun.

Afisusuyi 4:26

N ha gyi minagyi to zhin laifi ha fa minagyi yi fi n ho min, to fa nyipyeyi kwa shin hoi gyi minagyin, ku kwo ze amwi npye.

Afisusuyi 4:31

Fye kufa napye ɓo n minagyi yi, anyawu, ɓeda nukwoyi, fye to fa a tna ajeye kwa lo dna n fya tasin m.

Akolosiyi 3:15

Fye fa bugbafu n kwo gmi n Kristi aba nyi, kwa dna n fye abugbami cici, gama efye tnu-tnu nyi n fye sai n fye zhin owo nayi aganyi. Fyei zhin godiya cici.

Akolosiyi 3:8

Ama nsaiye, esa la si n fye ɓa kma anya gye ya, fya kma jekpe kwo-kwoyi minagyi nya ya, nbmi-bmiyi, akmi, na ɓeda kasayi.

Atasalunikayi I 2:13

Yi ta fa Shekwoyi ami sa ɓo n tu ce n, ngye esa n yi ɓei zhin fye waʼazi, fye to ɓei zhin nubwo nge eyi ɓeda nun, ama fye ɓei gwo eyi ɓeda ngye Shekwoyi ɓedanu, Okwoi nu ɓehinhin. Kwa shan fyedo esa n fye ɓei gakwo gaiciya cei nyi.

Yakubu 1:16

Ntucenu fye to bwi zokwon, emi azaje.

Yakubu 1:2

Omi azaje ye-yeyi, fye sin wahala lo, fyei gye azhin? Fye dagma.

Yakubu 1:26

Oza nwa ci ge wo zhin Yesu-viyi nu, to wa wan wo nyitala shi nkwo gyi-gyi-yi ngye ebe nyin, wo dna wohin kwoce nu, owo knunnu zhin gbeloyi nu.

Yakubu 2:1

Omi aza ye-yeyi fye ɓa gna n wuna nu ge fye zhin Dagayi Yesu Kristi nya nu, Dagayi latu nya, fye gna ye n na anyabwayi nu fyei zhin awyekwoyi nukwoyia?

Yakubu 2:5

Fye wo, emi azaje, Shekwoyi nla awyekwoyi kni ɓa ze anyabwayi dna n gaiciya ga, Eshebemi zhin ɓa nya nu, gama cauta nu n Shekwoyi zhin aza alkawali nɓa ye Wo.

Yakubu 3:10

Nlonu ɓeda nukwoyi n anabarkayi ɓai kun ngbe gmanyi. Omi azaje ye-yei kwo to bmiya lo lonun.

Yakubu 4:11

Fye to ci aje wyegba, fya zan aje laifi zanshin, fya da aje ɓon, emi azaje. Nfya zhin lonu, fye sunkun n Shekwoyi wayi nu n kwo gna ge, fye ye n na jeyi nyi, fyei gna kwo to bmiya lon, ama, of ye tnu-tnu nu to fya kni, kwo owa ye bmiya lo kwo kwo to bmiya lon, ama fye vi kwo.

Yakubu 5:12

Ama dna aɓo vinya omi azaje, fye to si nyasi n ʼshe yi kwo anyin, bwaci ge e, kwo aʼa nnabai n ho ta zhin laifi a zun ho kni n.

Yakubu 5:19

Omi azaje, ndei zaho la bma n Shekwoyi zokwo to woi ye kpema Dagayin, oza ho wa bma wo zhin wa gye Gaiciya.

Yohanna I 2:21

Ntu cenu, mi taka fye ngye aza nu, n ɓa cei pma ɓa kpe gaiciya yen. Ama mi pma fye gna nu, ngye aza n ɓa kpe gaiciya ye, n na akatayi.