Yakubu 1:18 - Alkawali Woiwoyi

¹⁸ Njesun nyipyei a gmadanya nu n wo aba ewyi n wo ɓei gayi awye-wyeyi woi-woi n cei nyi, ntu gaiciya owo ɓeda nya ɓo, ya ku ze, aɓo kmisunyi, Owo puwa woi-woi nya.

Yakubu 1:18 ပူးပေါင်းရင်းမြစ်များ

Yohanna 1:13

Aza nɓa ga wo gaiciya ɓa ku zhin aza n na la ɓa shan ma. Toge nayi nami nu, kwokuwa n za ɓemwi m, ama Shekwoyi na ma ɓa dna n wo ɓe ye.

Aromayi 4:17

Nya nu n littafi a da, sa n kwo ciyi ge Shekwoyi ɓei la Ibrahim ze oda aza begye nya. Shekwoyi ɓa gwo aza vinya n ɓa ga Shekwoyi gaiciya shi Ibrahim ɓei zhin nyi. Alkawali deye gmi n Shekwoyi aba nu, n wo zhin a zafi ɓai bwa wye-wyeyi n jesun nyi, woi da aɓo ɓo n ɓa ɓei zhin n abye n gyeɓaku luzhin.

Akorintiyi I 4:15

Ko fye bwa aza n lo dubu gun awo ɓa wu fye Yesu ɓo, fye pa ge mi nu bwa fye dada zhin gmanyi. Ntuge omi nu na gni fye ɓe cei n Yesu aba, esa n mi ɓo zhin fye waʼazi cei nyi.

Akorintiyi II 6:7

Dna yi ɓeda gaiciya nya, njesun dna Shekwoyi iko, yi zhin wo nya nu Ɓefyece nu zhin eyi agu okun nya, yi ba sunkun n kwoi nu, ya kna yihin.

Afisusuyi 1:12

Shekwoyi ɓeye vinya kwonu ge ya la Shekwoyi tu, ya gawo mwa-mwa ntu n na aɓo a yakwo ye nwa zhin yi nyi, n yi zhin aza kmisunyi n ɓa ga Kristi gaiciya nyi.

Afisusuyi 1:13

Ntu nya ɓo n Kristi wa zhin nyi, ofye vinya ce n fya wo nabari manayi shi oza ɓa pwo, fya ga Kristi gaiciya nyi, a tufye eze n Zafun Gyi-gyi-yi ge fye zhin Kristi nya nu, oza n na ɓei zhin wo alkawali ga a Yesu viyi nyi.

Timatawus II 2:15

Zhin tnu-tnu n kalai, n na bai Shekwoyi ɓa cihoge, “Sanu n tnu-tnu yi.” Ha ze tnu-gnu zhin yi manayi n vinyikwo ta wo won, esa n. Shekwoyi a dna wo a tnu-tnu wye n cei. Kpe nya n wo ɓeda da kwoi wu njesun.

Aibraniyi 12:23

Fyehin kwa wato zaho-zaho n wo eye katu lo n Shemi, fye ɓe Shekwoyi-wada yi aba, fye ɓe azafun aza gni-gni yi nya aba. Ɓa lo n ʼshe, ɓa ku ze n nu-nuyi.

Yakubu 1:15

Aɓonubo-zhin nukwoyi ye zhin oza wa zhin aɓo nukwoyi, n na avun kwa zhin oza wa gwo tata efi nya n Shekwoyi aba.

Yakubu 1:21

Ntu cenu fye la anya nukwoyi kunya nfye awye-wyeyi nɓa to bmiyan, n na ɓo yi n ɓa she fye kna, fya gba fyehin tukwo fya dagma shi fye la nabari manayi woi-woi gwo, gama kwo ɓami kwa gni yi awyewyeyi, ngye shi kwo shi yi abugba bwa nyi.

Yakubu 3:14

Dna n zokwo doho-dohoi to gna ge ho cei-cei lon, ndei ho gyi minagyi lo, hoi woshe, hoi ye hohin tukwom, deye kwo zhin akata nu.

Bitrus I 1:23

Ntuge fye n wye-wyeyi woi-woyi lo, fye to ɓei bwakwo n fya zakwoyi nun, ntuge wye-wyeyi n ɓa ɓei ga fye nyi kwo ɓa zo, woi-woyi deye ta shan zon, ntuge kwo gmi n Kristi nu - Shekwoyi Ɓeda wye-wyeyi n na za aba.

Bitrus I 1:3

Mwa-mwa vinya Shekwoyi nya nu n Dadayi, eyi Dagayi Yesu Kristi nya, ntuge owo sun-sungye tnazoyi nu na gayi esa a shan yi ma. Nsaiye yi sase n na awyetu wye-wyeyi nyalo-nyalo nya yi, ntuge Kristi ɓei la laka n efi.

Yohanna I 3:9

Oza n na la wo ma dna n Shekwoyi aɓi wo ta gyi abye n laifi zhin yin, ntuge nsaiye Shekwoyi wye-wyeyi dnalo n wo, ntuce wo ta gyi abye n laifi zhin yin, ntuge ala wye-wyeyi woi-woyi ye ma dna nwo, kwoi wanwo shi, alawo shanma.

YOHANNA ƁEWYEGYE 14:4

Gama ɓato tucegye lo dna n Zafun n gyigyi yi ngye aɓianyi-kwoyi n nato shin gyewan n ɓai n, ɓai vi kugya aba vinya n walo. Ala ɓa si n na aza mi n na anyi nge hadaya kni-kniyi Shekwoyi nya n Kugyai.