Yakubu 1:17 - Alkawali Woiwoyi

¹⁷ Ama enya manayi doho-dohoyi nkwo bmiya kwo gmi n Shekwoyi aba nu, Owo na zhin buzangna, woi bmiyana nyalo-nyalo, n tna jejelu kwo kuwa wyegma.

Yakubu 1:17 ပူးပေါင်းရင်းမြစ်များ

Matta 7:11

Ndei efye abugba kala-kpeyi, a laifi da, fye kpe shi fye ɓa ga efye aɓi anya manayi. To fya ku gna kpe ge, efye dada Shekwoyi ɓa ga aza anya manayi na nya wo nyin?

Luka 11:13

“Ngye alaifi da zhin ɓa ga oɓa ɓi enya nɓa ye, ai ofye Dada n wo tu she nyi ɓa zhin lo nu ce, har wa ga aza n ɓa vi wo nyi Zafun Gyi-gyi-yi.”

Yohanna 1:9

Nwo avun, buzangna gaiciya nya kwa ɓe kwa knaya na ʼza vinya aba nɓa fi nanyi.

Yohanna 3:27

Yohanna wa gna ɓa ge, Shekwoyi na ga zaho-zaho wo tnu-tnu.

Yohanna 3:3

Yesu wa gna wo, “Miɓa gna ho gaiciya, sai a shan ho ma, ho ta mi ha gye Shekwoyi bemi m.”

Yohanna 8:12

Yesu wa je gwodu n nyawuyi wa cige, “Omi nu zhin buzangna anyi nya, oza nwa vi mi wo ta zan-zan dna n wyegmam, ama wo ɓa bwa buzangna wye-wyeyi nya.”

Atnu-tnuyi Aɓozhin 11:18

Shi a zaje ɓo wo lonu ɓa ku ɓa aɓena fa ɓa ci Shekwoyi. Ɓa gna, E, Shekwoyi la dama ga abye do ɓa ɓe wo aba ɓa bwa wye-wyei nyalo-nyalo.

Atnu-tnuyi Aɓozhin 5:31

Shekwoyi lawo ze yerima ɓedo n gniyi. Wa zhin ce lo nu ntu ge a Israilayi ɓa ya bui, a zhin ɓa laifi gafara.

Aromayi 6:23

Gama laifi lada ofi nu, amma Shekwoyi cauta wye-wyei nyalo-nyalo nya nu dna n Yesu Kristi eyi Dagayi.

Akorintiyi I 4:7

Ho zhin aɓoko kni ɓei na? Ho kninyi lo n Shekwoyi nu to ga ho ma? To kninu zhin hoi ci hohin ngye nya ho cei nyi ato gaho ga-ga nu ma?

Akorintiyi II 4:6

Shekwoyi n wa cige, “Buzangna ɓa knaya n wyegma aba nyi,” owo nu na zhin owo buzangna kwoi ɓe ya bugba, kwoi ɓe yi buzangna n Shekwoyi latu yekpe yi, nkwo nyi n Yesu awyeba nyi.

Afisusuyi 1:18

Mi zhin aduwa, n na bai of ye abugba ɓa bwa buzangna, n na bai nfye ɓa gye nya wye n na bye, n wo yi fye fya gni nya bwa n wo yi nyi. Miye fya kpe ge Shekwoyi la ze nyabwai, ntu ge eyi n yi zhin Kristi a nya nyi aku yi gawo.

Afisusuyi 2:8

Ntu n wo alheri ɓo ala fye gni, n tu gefya ga Kristi gaiciya, gaiciya ga n kwo nyi kwo to zhin efye nya nu n, kwo zhin Shekwoyi cauta nu n wa ga fye.

Afilibiyi 1:29

Gama n fye aba ala esa ga fye, to ge fya kpema wo kawai m, ama fya gye azhin ntu wo ɓo.

Timatawus I 6:16

Owo nu gmanyi n wo ta shan fin, n wo dna n buzangna yakwo n zanyi-kwoci ta mi wa wu viyi n woyi m. Zanyikwoci to shin wo gyen, woi ta shan wo gyen. Nwo aba, mwa-mwa n iko nyalo-nyalo amin.

Aibraniyi 13:8

Yesu ta shan do n, Nya wo ɓei nyi n su nyi, wo zhin kwo nu n naiye kuma har nyalo-nyalo.

Yakubu 1:5

Nfye n cei pma fya kpe enya n Shekwoyi ye fya zhin, fye nya wo, wo ɓa wu fye n ɓugbai gmanyi, gama wo n shiri yi zhin lo wa ga oza ɓeyekpe n bugbai gmanyi, oza nwa nya wo, wo ta na ɓon.

Yakubu 3:15

Gama shewo n hohin tukwoye yi, ɓa to zhin Shekwoyi ce-ce pya nun. Aɓeye pya zhin anyi nyanu n tna zafun, shetan nu ce aɓeye pya bwa.

Yakubu 3:17

Ama wyemwa n kwo gmi n ʼshe, kwo gyi-gyi-yi, n nasuwayi, kwo ye bugba fu n ɓemanazhin yi, kwo ye n na aza tayi, kwo ga kwohin n na aza ba, kwo nunuyi n sun-sun-gyeyi, n na ɓemana-zhinyi, kwo n bugbayi gmanyi, n lo cewo n tna kata.

Yohanna I 1:5

Ɓeda nyi n Shekwoyi wa da nge yi gnafye, nge Shekwoyi zhin buzangna nu wyegma to nyi n wo aban.

Yohanna I 4:10

Dna n tnu-tnuye yi ku gye shi yeye hin-hin wu, kwo to zhin eyi yeye nu n Shekwoyi aban, ama, owo yeye nu n yi aba, esa n wo ɓei tnu n wo Nugun yi wa ya Shekwoyi minagyi zhi n yi alaifi tukwo.

YOHANNA ƁEWYEGYE 21:23

Ezhiyi to n nyipyei ɓeyi pman kwo epyan, ɓa gakwo buzagnan, gama Shekwoyi n kugya mwa-mwai nu gakwo buzangna.

YOHANNA ƁEWYEGYE 22:5

Sukwo tolo n ɓom, ato n fitila apmayi lo n ɓom, kwo nyipyei m. Gama Dagayi Shekwoyi nu zhin buzangna nɓo wo ɓei gyi ebe nyalo-nyalo.