Yakubu 1:12 - Alkawali Woiwoyi

¹² Bugba bui-da nu oza n wo wan wohin shi, to wa kaya dna n jaraban, gama n na avun wo ɓa bwa rawani wye-wyeyi nyalo-nyalo nya, n Dagayi a zhin aza alkawali nɓa ye wo nyi.

Yakubu 1:12 ပူးပေါင်းရင်းမြစ်များ

Matta 10:22

Aza ɓei wun fye nu, ntu ge fye zhin ma nya nu. Amma eza n wa mi gni har nyalo-nyalo, wo ɓa pwo.

Matta 25:34

“Emihin Esu mi ɓo gna aza nɓa zhi nmi bwaizhe ge, Fye ɓe anabarka da emi Dada nya, fya lo ebe mi na ɓo zhin shiri ntu fye ɓo tunyi to ai zhin anyi nyi m.

Luka 6:22

Fye dagma of ye n naza ta yefye yi m, ɓai kpe fya gye ɓai da aɓo nukwoyi doho-dohoyi ntuge fye vi mi.

Aromayi 5:4

Hankuri zhin kwa ɓe n kala yi kwa bma yi zhin ya kpema Shekwoyi esayi vinya, ya zhin apma n kwoi har esa n yi awyetu n gaiciya gai ɓa bwa kala n mi gni yi.

Aromayi 8:28

Yi kpelo ge aɓo vinya nɓa bwayi ɓa lo tnu-tnu manayi n yi aba, ndei yi ye Shekwoyi lo, yi-i kunce lo nwo shiri yi.

Akorintiyi I 2:9

Nya nu n Littafi Gyi-gyi-yi kwa da cei ge zaho-zahoi to shin gye, ko wa wo, ko wa zhin ɓo nubo cei, enya Shekwoyi ku zhin shiri ntu naza ɓo nɓa yewo nyi m.

Akorintiyi I 8:3

Ama oza wo ye Shekwoyi ɓehin-hin nya, owo nu bmiya shi lo n Shekwoyi ɓa kpe wo ye.

Akorintiyi I 9:25

Zaho-zahoi wo zhin wyefan-yi wo zhin wa gawo nayi wahala, woi tu aɓomwi, woi wan aɓo fi. Wo zhin lo nu ntuge wa gwo lada nu nkwo ta mwa sa m. Ama yi zhin ntuge ya gwo lada eshe nya nu n koɓa mwasa har nyalonyalo.

Timatawus II 2:15

Zhin tnu-tnu n kalai, n na bai Shekwoyi ɓa cihoge, “Sanu n tnu-tnu yi.” Ha ze tnu-gnu zhin yi manayi n vinyikwo ta wo won, esa n. Shekwoyi a dna wo a tnu-tnu wye n cei. Kpe nya n wo ɓeda da kwoi wu njesun.

Timatawus II 4:8

N Eshe mi rawani pmi milo n Dagayi Alkali gaiciya da ɓei gami ewyi n wo ɓei jezeɓe n cei. To ge emi n mi gmanyin ama har na zai ɓe n ɓa sase n wyetuyi ge ɓa pmi owo jezeɓe lo n Jesun.

Aibraniyi 10:32

Ho kpe sa lo n ho ɓo ya Yesu vi ncei yi? Emazaje, fye to ze wyihi amwi m. Anyipyeyi gmada nya n naɓo wowoyi: Fye ku wahala sin ntu Yesu eye ɓo, amma fyehin kwa fye, ku hakuri bwa. Fyeto na wo aɓo m amma fye vi wo cici.

Aibraniyi 11:17

Sanu Shekwoyi ɓeitu Ibrahim mwi cei nyi wo ɓo dudu wa kpema wo. Ntu cenu wa ga Ishaku owo ɓi. Har wa ku shiri zhin wa zun wo sha ntu sadaka ɓo.

Aibraniyi 12:5

Hola Shekwoyi ɓeda zamwi nu? Wo ɓei gna ge, “Omi nugun to gyi minagyi ʼsa Shekwoyi wa gaho tata. To bma bugba ya esa n wa wuho oho doknunu gbi m.

Aibraniyi 6:15

Ibrahim ɓei bwa hankuri sosai, navun wa ma Ishaku.

Yakubu 2:5

Fye wo, emi azaje, Shekwoyi nla awyekwoyi kni ɓa ze anyabwayi dna n gaiciya ga, Eshebemi zhin ɓa nya nu, gama cauta nu n Shekwoyi zhin aza alkawali nɓa ye Wo.

Yakubu 5:11

Yi kpelo shi ɓa dagma lo n saiye, ntu ge ɓa bei la kpema wo nsahi yi, kwo dayake ɓa bei ku wahala sin n mwa. Ayuba zhin misalinu oza n wo ɓei kpema Dagayi dna n wo azhin-gye, dna n wo wahala, yi ku gye shi Dagayi shiri bei zofi n ɓemana, gama wo nu-nuyi n sun-sungye yi.

Bitrus I 3:14

Ama kwo kola ze ge fye ɓa sin wahala ntu befyece zhin ɓo, anabarkada nu fyei. Fye to wo ɓa dnam, to efya bugba kukalam.

Bitrus I 4:13

Ama ada fye dada nu ntuge awahalaye ɓa ze fye gmanyi n Kristi yi dna n wo wahala, n na vun fye ɓei bwa agmada yakwo dna nwo latu n kwo ɓelo nyi.

Bitrus I 4:14

Fye dagma n na kni fye akmi ai tu fye ʼkni she fye vi Yesu, ntuge n kwa bwa fye lonu Shekwoyi Zafun ɓa ɓe fye aba n mwa-mwa yakwoyi.

Bitrus I 5:10

Esa n fya ku wahala sin esa fyewyi, eyi Shekwoyi, n wo nu-nuyi n sun-sun gyei dna n Kristi nyi, wo ɓa ga fye mwa-mwa nyalo-nyalo nya. Owo n wohin tukwo wo ɓaɓe wo ku fye, wa mi fye zhi, wa ze fye akala-da ndu sapa.

Bitrus I 5:4

Esa n Kniknayi tukwoda ɓei jeze ɓe fye ɓei gwo lowonyi nkwo bmiya-bmiya ta shando nyin.

Yohanna I 4:19

Ntu cenu, yi yewo ntuge wona ye yi n na bye.

YOHANNA ƁEWYEGYE 2:10

To zhin wahala dnawo n ho ye ha sin nyin, gama esa fyewyi shetan ɓa she a zaho yafi n kurkuku wa mwi fye gye. Aɓa ga fye wahala anyi-pyei ngun awo. La mi gni, ha nu egbe kwo efiyi nu, mihin ce mi ɓa gaho rawani wye-wyeyi nya. Abye, mwa-mwa tna zo yi.

YOHANNA ƁEWYEGYE 3:19

Mi zhin ma ta ozaho-zho yi nmi ye, ntu ce nu nɓa ta ho, akpe ha je ze n ɓenukwoyi zokwo, ha zan aɓo shin nɓa zhin Shekwoyi nya.

YOHANNA ƁEWYEGYE 3:21

Mi ɓa ye zaho-zahoi n wa gyi nasara wa sasetu n miyi n mi akujara-ebenya shi mi ɓei sase tu n gnisun n mi Dada nyi n mi ɓei gyi nasara nyi.