Yahuda 1:21 - Alkawali Woiwoyi

²¹ Fye ku fi aba n Shekwoyi ye-ye nyi, Wa tu fye anabarka, fye pmi n hakuri yi, wye-wyeyi nyalo-nyalo nya n eyi Dagayi Yesu Kristi dna n wo sun-sun gye ye wo ga fye nyi.

Yahuda 1:21 ပူးပေါင်းရင်းမြစ်များ

Yohanna 1:17

Gama Musa ɓo ga yi owa n kwo gmanyi yi, ama Yesu ɓei ɓe yi n gafara zhin yeye nya yi ɓedo. Alheri gna owa Musa nya bmiya lo, ntuge owa ɓo gna ɓo dna, n na ɓe yi kpakpeyi gbo-gbo nduwyi.

Yohanna 14:21

Oza nwo zhin ɓo n mi ye, wo nu zhin mi yehi. Oza nwo ye mi, Dada nwohin wo ɓa ye wo. Mihin nɓa ye wo. Njesun ma wu zahi nwo ye mi nyi, mihin tukwo.”

Atnu-tnuyi Aɓozhin 11:23

Wasi Antakiya wagye aɓo wowoyi, n Shekwoyi a zhin nyi, a dawo n mwa, wa mi ɓa zhi, wa gna ɓa ge ɓa la nyima Dagayi.

Aromayi 5:21

Nsapai, laifi ɓei gyi ʼbe tu n aza tukwo vinya kwoi ɓe n ɓai nfi, ama nsayi ye Shekwoyi alheri nu gyi be, kwoi gayi a gni-gni manayi n Shekwoyi abye, n wye-wyeyi nyalo-nyalo nyayi n Yesu Kristi eyi Dagayi.

Aromayi 5:5

Nnavun, sanu n kwo zhin lonu, yiɓa mi ya bwa bugba kala ko knidonu na zhin yiʼa, yi kpe ge nyaho ta zhin ntuge yi kpelo shi Shekwoyi yeyi, yi wo ye-ye yi lo n yi abugba mi, ntuge Shekwoyi zafun dnalo n yi mi, woi nuyi a bugba n wo yeye yi.

Aromayi 6:23

Gama laifi lada ofi nu, amma Shekwoyi cauta wye-wyei nyalo-nyalo nya nu dna n Yesu Kristi eyi Dagayi.

Aromayi 8:39

Kwo aba n yi nyi, n eshe bmana, dna n nuwan yakwo min, Nyaho ta mi kwa gnayi ajeya n Shekwoyi yeye yin n wa wuyi dna n Yesu Kristi, Sanu n wa fi n yi ɓo nyin.

Akorintiyi II 13:14

Alheri eyi Dagayi Yesu Kristi nya ko kunsun nfyei vinya. Shekwoyi ye-ye n Zafun jedoɓe yi ko kunsun nfyei. Amin.

Atasalunikayi II 3:5

Dagayi ɓa ga fye awyega fya gane n Shekwoyi ye-ye yi, n hakuri yi n kwo gmi n Kristi aba nyi.

Timatawus I 1:2

Kwoi lo Timatawus aba, Timatawus ɓei zhin ngye omi-ɓi nu dna n Dagayi. Fa Shekwoyi eyi Dada, N Yesu Kristi eyi Dagayi wa wu ho owo alheri n sun-sun gyei, wa ga ho bugba fu yakwo n ho bugba mi n ho nubo zhin yi.

Timatawus II 1:16

Dagayi wo tu Onisifurus anabarka nwo puwa yi vinya, gama wo zhin mi ziyara woi gami bugba kala. Owo ziyara gami kala n gye ese manayi, to wa wo vinyikwo ge mi dna n kurkuku n.

Timatawus II 1:18

Dagayi wo tuwo anabarka ewyi n Kristi ɓei jeze ɓe n cei. Ho gna kpelo shi wo ɓei bmami zhin n Afisus.

Timatawus II 1:2

Kwoi lo Timatawus aba omi ɓi ye-ye yi. Shekwoyi Dada, Kristi Yesu eyi Dagayi wo gaho owo alheri, sun-sungye n bugba fuyi.

Timatawus II 4:8

N Eshe mi rawani pmi milo n Dagayi Alkali gaiciya da ɓei gami ewyi n wo ɓei jezeɓe n cei. To ge emi n mi gmanyin ama har na zai ɓe n ɓa sase n wyetuyi ge ɓa pmi owo jezeɓe lo n Jesun.

Aibraniyi 9:28

Ntu cenu Yesu ɓei fi ntu yi ɓo zungmanyi, wo ɓei fi eyi a laifi fi nu. Amma wo ɓei la laka n vingwo, wo je ze ɓe lo wa gni aza nɓa vi wo nyi.

Bitrus II 3:12

Fye shi nyipyei yi awye, okwo ɓe-ɓe pwai wo fye, ewyi n Shekwoyi ɓei dna eshe cei nyi anya ɓa kpe nanyi bmana vinya ɓa ɓei wuya fi nna nyitala.

Yohanna I 4:16

Yi kpelo shi Shekwoyi ye yi nsun, ntuge yi ku owo ye-ye woshan, ntu ge yi ku gaiciya gawo esa n wa gnayi nge wo ye yi lo n mwa. Shekwoyi zhin ye-ye nu, zahozaho yi nwo dnalo n ye-ye, wo dnalo n Shekwoyi, Shekwoyi dnalo n wo.

Yohanna I 5:18

Oza to lo n wo la zhin Shekwoyi oɓi n wo ɓa gyi abye n laifi zhin, gama Kristi, Shekwoyi Nugun, wo yi shilo n kalayi, shetan ta mi wa to wo bwan.

Yohanna I 5:21

Omi aɓi, fye bui enya si n kwo ɓa gwo Shekwoyi aba dna nfye abugbami.

Yahuda 1:1

Omi Yahuda Yesu Kristi bara n Yakubu madoyi. Kwoi lo a Yesu-viyi n na aba vinya a za ye-yeyi n Shekwoyi wa kni.

Yahuda 1:22

Fye bma aza zhin nɓa naɓo n fye mi nyi, fye gye aza sun-sun nɓa zhin shaka nyi.

Yahuda 1:24

Nsaiye, mwa-mwa vinya n wo aba n wo zhin Shekwoyi gmanyi nyi, n wa gni yi ntu Yesu Kristi ɓonyi, e, mwa-mwa n kalayi vinya, iko vinya n ebe yi owo nya nu tunyi n kmisunyi, ɓa zhin owo nya nu tunyi n kmisunyi, ɓa zhin owo nya nu ɓai ɓo zhin owo nya nyalo-nyalo. Wo n ikoyi lo wa shifye bwa to fya taya fya miya, waɓe n fye yi ntna laifi n gyi-gyi-yi, n wo abye, mwa-mwa n kasun ci agmada nya yi, nyalo-nyalo. Amin.

YOHANNA ƁEWYEGYE 12:11

Ɓa gyi nasara n wo tukwo n kugya ami yi nu, n ɓa seidayi gama ɓato ye ɓa wye-wyeyi m, ɓa gakwo ntu wo ɓo.